प्रेरित 6:4 - लाहौली बाइबिल

⁴ पर हेनर ता प्रार्थना, बचनो प्रचार दंङ शिक्षा रंड्रा लोहनी।

प्रेरित 6:4 Iomraidhean Croise

लूको 1:23

अपेहल यहुदी मंदिरंङ इच्च़ा यहुदी पुरोहितो रुपंङ दोऊ सेवा लहज़िमी हफ्ता पुरे शुहचे इलि, ता दुह यरूशलेम शहरंङ एनोह चुंखा अच़ा इलि।

प्रेरित 1:14

दिरे चेलारे इच्च़ा सेहमारंङ रोज ठ्रोहका शुचे लगातार प्रार्थना लोहवा लहज़ातेर। दोतंङ साते रेह मेच़िमी रे ला ठ्रोहका शुचि इलिर अंऊ दोतु बिचंङ यीशु याह मरियम ला तोहई दंङ यीशु न्वारे ला ठ्रोहका शुचि इलिर।

प्रेरित 2:42

दंङ दोरे प्रेरितातु दोरच़ी शिक्षा लेहप्च़िमी थल्जी, ए संगति लहज़िमी थल्जी, दंङ दोरे प्रभु भोजंङ शामिल शवातेर दंङ बिशवासी मीहरे इच्च़ा साते शुहचे बगत ज़ोआतेर, दंङ प्रार्थना रिंङ मगन बंङज़ातेर।

रोमियो 1:9

परमेश्वर अतु सेवा गेह घेंङौ सेहमे दोऊ योह ओ पाहठी रूठे खबर मीहतिंङ सुनाके लहज़ातग, दुह ए गिऊ गवाह शोतो, कि गेह केतिंङ लगातार घेंङौ प्रार्थना रिंङ हिद लोहवा लहज़ातग,

1 कुरिन्थियों 9:16

अगर गेह रूठे खबर सुनाएच़ातग, दंङ दिरंङ गिह्बी घमण्ड लहज़िमी छल्ले वहज़ा माह; छना कुचे दि ता गिह्बी रांहषी ज़िम्मेवारी शुह; दंङ अगर गेह रूठे खबरो प्रचार माह लहज़ातग दंङ दि गिऊ थल्जी अंयों मदम शोतो।

फिलिपियों 1:4

दंङ अपेहल केहतु भत्ते तु थल्जी प्रार्थना लहज़ातग, दंङ हमेशा खुशी रंङ साते मदतो थल्जी बिनती लहज़ातग।

कुलुस्सियों 2:1

गेह जुंज़ातोग कि केहच़ी ञेंहई च़रतुंई, कि केहतु ए दोतु अंऊ लौदीकिया नगरंङ तोतोर, दंङ दुह भत्ते तु थल्जी अतंङ साते गेह दोईगा माह, छना मेहनत लहज़ातग।

कुलुस्सियों 4:12

इपफ्रास, अंऊ केहतु नगरो तोह, दंङ मसीह यीशु दास तोह, केतिंङ नमस्कार कुट्रा। दोई केहतु थल्जी सेहमारंङ प्रार्थना लहज़ा, ताकि परमेश्वर केतिंङ पक्‍का ए सिद्ध बणाके दंङ केरे भत्ते विशवासारंङ साते परमेश्वरो हिटी पूरा लोहवा लोंहि।

कुलुस्सियों 4:17

दंङ अरखिप्पुस ओ हखा कुंई कि “अंऊ सेवा प्रभुरिंङ कनिंङ रांहषी तोह, दोबि रूठे रंङ साते पुरे लोह।”

2 तीमुथियुस 4:2

कि काह परमेश्वरो बचन प्रचार लहज़िमी थल्जी हमेशा तेयार बंङज़ु, मीहच़ी चाहे दि रेड्रोर या माह रेड्रोर। कनिंङ दोतिंङ दि कंड्री ज़रूरी तोह कि दोच़ी छि गलती लहतोर दंङ कांह दोतु पापो थल्जी दोतिंङ रैहचु। पर कनिंङ मीहतिंङ हिम्मत रंड्री जूंशी तोह दंङ कनिंङ धीरज़ा रंङ साते दोतिंङ शिक्षा रंड्री जुंशी तोह।