प्रेरित 6:3 - लाहौली बाइबिल

³ दिऊ थल्जी हे बिशवासी न्वारे, केनातु बिचंङ ज़ि निह्ज रूठे गंङमी रे अंऊ पवित्र आत्मा ए बुद्धिरंङ साते परिपूर्ण तोतोर, अंङे च़रतुंई, कि ञेंहरे दोतिंङ दिह कमो ज़िम्मेवारी रें तरपोंई।

प्रेरित 6:3 Iomraidhean Croise

मत्ती 23:8

पर केरे गुरु थशुंहई, छना कुचे केहतु इच्चे गुरु तोह, केरे भत्ते न्वारे-रिंङरे शुई।

यहून्नो 21:23

दिऊ थल्जी ऊई साथी चेला तु बिचंङ दीह गप्पा फेलेके इलि, कि दुह अई चेला माह सीओतो; पर यीशु ज़ि दोरंङ साते दिह माह कुहते कि दुह माह सीओतो, पर दीह कुहते, “कि अगर गेह ज़ुफोंग कि दुह गिऊ यच़ाह अबिमी तचेक श्रींङे बंङज़ोतो, ता कनिङ दिरंङ छि तोह?”

प्रेरित 1:15

इच्च़ा ध्याड़ारिंङ पतरस दुह लगभग राह निंज़ो मीहतु बिचंङ खड़े शुहचे कुट्री लेहती,

प्रेरित 1:21

दिऊ थल्जी दिह ज़रूरी तोह कि इच्च़ा झांह ठ्रोह मीहबी अंङषी जूंस, अंऊ हेंदु ए संगति रिंङ पुरा टेमो थल्जी तोहई अपेहल ञेंरे प्रभु यीशु रंङ साते भत्ते ठहरि सफर लहज़ातेंई। प्रभु यीशु बि यूहन्ना ओ दोरच़ी बपतिस्मा रंड्रीमी बेहच़ी यीशु ऊ स्वर्गंङ इबिमी तचेक दिह मीह ञेंतंङ साते प्रभु यीशु ऊ यच़ाह श्रींङे शुहबिमी गवाह शोतो।

प्रेरित 10:22

दोच़ी कुईर, कुरनेलियुस सुबेदारे अंऊ धर्मी ए परमेश्वरो बेह्द चेहच़ा दंङ भत्ते यहुदी मीहतु बिचंङ दुह इच्च़ा इज्ज़तदार मीह तोह, दोई इच्च़ा पवित्र स्वर्गदूतो दोरच़ी दिह हुकुम खोकसिरी, कि कनिंङ एनोह घरबारंङ बुलाके कांह दोरच़ी शिक्षा रेड्रोंई।

प्रेरित 15:23

प्रेरिता ज़ि दुह डाक एनारंङ साते रेंज़ा शिलिर; अंऊर च़ेहसी तोहई: “अन्ताकिया शहरारिंङ, सीरिया रिंङ दंङ किलिकिया प्रदेशो बंङज़ा विशवासी न्वारे अंऊ ऊईजाति विशवासी तु बिचंङ ज़ि तोतोर, प्रेरित ए कलीसिया ओ सेंहणा ए अंऊ केहतु न्वारे तोतोर नमस्कार।”

प्रेरित 16:2

दोऊ लुस्त्रा शहर दंङ इकुनियुम शहरारिंङ विशवासी तु बिचंङ रुठे मिन तोहई।

प्रेरित 2:4

दंङ दोरे भत्ते पवित्र आत्मा रंङ साते पिंङषा इलिर, दंङ छना पवित्र आत्माज़ि दोतिंङ कुट्रिमी वरदान रेंई, दोऊ दोरच़ी दोरे ऊहई-ऊहई भाषा कुट्री लेहतिर।

प्रेरित 22:12

दोथर हनन्याह मिंदंङ भक्त मीह अंऊ हेंदु यहुदी कानूनो रूठे रंङ भाषे लहज़ाते, गिऊ कछंङ अति,

प्रेरित 28:14

दोहर ञेंहतिंङ रें विशवासी न्वा रे दोहरिर, दंङ दोतु कुट्री रंङ साते ञेंरे दोतु दोर निह्ज ध्याड़ा तचेक बंङज़िन; दंङ दोऊ थल, ञेंहच़ी धरतीऊ अमो दोरच़ी रोम शहरो हखा हेंदु यात्रा शुरू लाहतंई।

प्रेरित 6:2

दोहपल दुह सनी प्रेरिता ज़ि यरूशलेम शहरो ऊई बिशवासीतु ठ्रोहका इच्च़ा सभो बुलाएतिर दंङ दोतंङ साते कुड़ी, “ञेंतिंङ चेला तिंङ ञेंहतु टेम परमेश्वरो बचन सिखाएच़िमी थल्जी बिताएच़ी जूंस माह कि ज़ेइमी-तुंङमी सेवा लहज़िमी थल्जी।”

प्रेरित 6:5

दिह गप्पा भत्ते मंडली बि रूठे अति, दंङ दोच़ी रेह मीहरे अंङे च़रतिर, दोतु मिन दिह शुह: स्तिफनुस अंऊ विशवास ए पवित्र आत्मा रंङ साते परिपूर्ण तोहई, दंङ फिलिप्पुस, प्रुखुरुस, निकानोर, तीमोन, परमिनास, ए अन्ताकिया शहरंङ बंङज़ा निकुलाउस अंऊ यहुदी धर्माबि मनेक्च़ा ऊई जातिओ मीहरे तोहई।

प्रेरित 6:6

दंङ दोतिंङ प्रेरिता तु तुईज़ी हतिर दंङ प्रेरिता ज़ि दोतु थल्जी प्रार्थना लहरिर दंङ दोतु टोईच़ी गुहड़ केह्चे सेवा लहज़िमी थल्जी अधिकार रेंईर।

प्रेरित 9:30

दंङ ऊई चेला तिंङ दिह गप्पो पाहठी पता लेहका दंङ दोरे शाऊला बि केसरिया शहरंङ रैंज़ा हतिर, दंङ दोर्तिंङ दोरे दोऊ थल्जी समुंद्री जहाज़ंङ च़ि तरसुस शहरो हखा चरच़ि च़रतिर, अंऊ दोऊ एनोह शहर तोहई।

1 कुरिन्थियों 12:8

छना कुचे परमेश्वरो आत्मा इच्च़ा मीह बि बुद्धिऊ गप्पारे कुट्रीमी वरदान रंड्रा, दंङ दू ए आत्मा ऊईतिंङ ज्ञानो गप्पा कुट्रीमी वरदान रंड्रा।

1 कुरिन्थियों 16:3

दंङ अपेहल गेह दोर्तिंङ बंङज़ोग दंङ गेह दुह मीहबी च़रपोग, अतिंङ केहच़ी विशवासो मीह चेहके अंङे चरच़ातेंई कि दोरे ढबाह यरूशलेम शहरो हखा रेंज़ा शोर। गेह दोतंङ साते इच्च़ा डाक ला च़रपोग कि दोर कि विशवासी तंङ साते दोतु जान-पहचान लेह तरपोग।

इफिसियों 5:18

सरो नशारिंङ मस्त शुहचे केनातिंङ नाश थालंही, छना कुचे दिरिंङ मीहरे एनोह सुधबुधो दोरच़ी धकतेखा शुचे यवाह। बल्कि पवित्र आत्माबि केतिंङ एनोह सामर्थे पिंङड्री रांई।

1 तीमुथियुस 5:10

दंङ एनोह रूठे कमो वहज़ा ज़ि दोऊ मिन शोतो, मतलब अच़ि एनोह कटुतु पालन-पोषण रूठे रंङ लहसी शोतो, दंङ पौहना तु सेवा लहसी शोतो, दोई ऊई विशवासी तु सेवा इच्च़ा परगरो ठ्रोह लहसी शोतो, दंङ दुखी मीहतु सेवा लहसी शोतो, दंङ हर पाहठी ऊ रूठे कमरिंङ सेहम लेहकी शोतो।

याकूब 1:17

छना कुचे हर इच्च़ा रूठे वरदान दंङ हर इच्च़ा रूठे दान परमेश्वरो दोरच़ी खोकसा, अच़ि सर्गंङ भत्ते छंङी तिंङ बणाएक्तो। परमेश्वर हमेशा इच्च़ा ठ्रोह तोह दंङ दुह सिलमो ठ्रोह लेहक्सा माह।

3 यूहन्ना 1:12

कलीसिया रिंङ दंङ दिमेत्रियुसो बारे भत्ते ज़ि, वरन सच्चाई ला ऐने गवाही रांई; दंङ हेंज़ी ला गवाही रंड्रातंई दंङ केई ञेंच़ातंई कि केहतु गवाही हेले शुह।