प्रेरित 5:5 - लाहौली बाइबिल

⁵ दिह गप्पा रेड्रिमी रंङ साते हनन्याह षोड़िंङ दह्चे इलि, दंङ दुह सिए इलि; दंङ हनन्याह रंङ साते छि शुह्ते दि गप्पा रेड्रा भत्ते मीहरे महसे बेवा इलिर।

प्रेरित 5:5 Iomraidhean Croise

प्रेरित 13:11

दंङ खंणु, प्रभु कनिंङ सज़ा रंड्रीमी तोह; दंङ कांह थोड़े टेम तचेक कोंङे बंङज़ोन दंङ ऐके खांई मरपोन।” दुए मुक्का दोऊ टिरो तुईज़ी भूधड़े दंङ हंयार अच़ा अति दंङ दुह देखा-नोखा मदत पेट्री लेहती कि अरिया दोऊ गुड़ च़ुमने ते दोबि रेंज़ा शोर।

प्रेरित 2:43

यरूशलेम शहरो भत्ते मीहतु टोईच़ी बेह्द अच़ा अति, दंङ महस हेरानी ऊ कम ए चिन्ह चमत्कार प्रेरितातु दोरच़ी प्रगट शवाते।

प्रेरित 5:13

पर अंऊ दोच़ी हेंतेग तचेक यीशु ऊ टोहकठे बिशवास लहसी माह तोईरे, दोतु दिह याहू माह तोहई कि दोरे दोतंङ साते ठ्रोहका शुहचे योर; तांला मीहरे दोतु तारीफ लहज़ातेर।

1 कुरिन्थियों 4:21

केहच़ी छि जुन्ज़ातंई कि गेह अंज़े केतंङ साते छि लोहग? अगर केहच़ी हेंतेग ला केनातु मदम तरीका ब्याड़ा माह लहज़ातंई दंङ गेह महस कठोर शुहचे केतिंङ रैहच़ोग। पर अगर केहच़ी केनातु मदम तरीका ब्याड़ा लेह केहतंई, दंङ गेह केहतु साते नम्रता ए दाह रंङ साते व्यवहार लोहग।

2 कुरिन्थियों 13:10

झांह लेह गेह केतिंङ दि गप्पा चेहच़ातग, दिबे तुहई कि गेह केहतु कछंङ अपोग ताकि गिह्बी केतिंङ सज़ा रें घेंङौ अधिकारो इस्तेमाल लहज़िमी ज़रूरत माह पढ़ेक्पोतो अंऊ प्रभु ज़ि गिह्बी रांहषी ततो। छना कुचे गेह केहतु अधिकारो इस्तेमाल केहतु विशवास पक्‍का लहज़िमी थल्जी लहज़ातग माह कि नाश शुहबिमी थल्जी।

2 कुरिन्थियों 7:11

तांला रेड्रुंई, दिए गप्पो दोरच़ी कि दू दुख, अंऊ परमेश्वर केतिंङ महसूस लहज़ी जुंज़ा। दोऊ दोरच़ी केतिंङ अंयों हिम्मत, दंङ सच्चाई कंड्रिमी थल्जी तेयार, बेह्द, गिह्बी खंड्रिमी हिटी, मेहनत, दंङ न्याय चुकाच़िमी धोंण हिटी; झांह लेह केहच़ी दि मामलारिंङ भत्ते पाहठी निर्दोष शुहबिमी प्रमाण रांहषी तातंई।

प्रकाशित वाक्य 11:13

दंङ दुह ए मुक्का यरूशलेम शहरा रिंङ इच्च़ा मोह्ड़े भुयंल इलि, दंङ शहरो इमारतो दसवां हिस्सा द्चिह इलि; दंङ दुह भुयंलरिङ निह्ज हज़ार मीहरे सिए इलिर, दंङ अंऊ मीहरे बचेकी इलिर, दोरे वेवा ते क्रपि लेहतिर दंङ दुह मोह्ड़े परमेश्वरो महिमा लहज़ी लेहतिर अंऊ सर्गंङ तोहई।

प्रकाशित वाक्य 11:5

दंङ अरिया दोतिंङ नुकसान पिट्री जुंज़ा, दंङ दोतु आहच़ि मेह हुंच़ा दोतु बैरी भस्म लेह केट्रा, दंङ अगर अरिया दोतिंङ नुकसान पिट्री जुंज़ा, दंङ हेले ए झांह ठ्रोह सच़ी च़रपोर।