प्रेरित 5:2 - लाहौली बाइबिल

² दोई गुप्त रूपा रिंङ खोकसी लसो थोड़े अरे ढबाह एनोह थल्जी तहरि। दंङ दोऊ मेच़ा ला दि गप्पा ञेंहच़ाते, दंङ दुह हिस्सा हंजे प्रेरिता तिंङ रें च़रतिर। ताकि दोबि फाए च़रपोर।

प्रेरित 5:2 Iomraidhean Croise

मत्ती 23:5

दोच़ी एनातु भत्ते कमारे मीहतिंङ कंड्रिमी थल्जी लाहतोर; दोच़ी एनातु जंतरा बिलेगदो दंङ एनातु खमज़ेतु झालर लहमे लहज़ातोर।

यहून्नो 12:6

दोई दिह गप्पा दिऊ थल्जी माह कुहते कि दोबि गरीबा तु चिंद तोहई, पर दिऊ थल्जी कि दुह चोर तोहई दंङ दोऊ कछंङ दोतु ढबाहो बटुआ शवाते, दंङ दोऊ अंद्रेग छिला केट्रातेर, दुह दोई हुंच़े चरच़ाते।

प्रेरित 2:44

दंङ भत्ते बिशवासीर इच्च़ा ठाहरि ठ्रोहका शवातेर, दंङ छिला धिर दोतु कछंङ शवाते दुह भत्ते धिर एनातु बिचंङ फज़ातेर।

प्रेरित 4:37

दोई इच्च़ा रिह लंङे च़रति अंऊ दोऊ एनोह तोहई। दंङ दोई दोऊ लस प्रेरिता तिंङ रें च़रति ताकि विशवासी तु बिचंङ फाए तरपोर।

प्रेरित 5:1

हनन्याह मिदंङ इच्च़ा मीह ए दोऊ मेच़ा सफीरा ज़ि एनोह ज़मीनो दोरच़ी थोड़े अरे हिस्सा लंङे च़रतिर।

प्रेरित 5:3

पर पतरसे कुंई, हे हनन्याह! अंऊ शेताने कांह सेहम रिंङ पवित्र आत्मा रंङ साते हप्सी कुट्रिमी बिचार केहतो दंङ केई केनोह लंङसी ज़मीनो लसो इच्च़ा हिस्सा केनोह थल्जी तओ।

प्रेरित 5:8

दोहथर पतरसे दोरंङ साते रूहक्ति, “छि केहच़ी दुह ज़मीन धोंण आ रिंङ ए लङातेंई आ?” दोई कुई, “वोई, धोंणा ए रिंङ।”

फिलिपियों 2:3

केनातु फायदा ए हप्सी घमण्डो थल्जी छल्ले थालंही, पर दीनता रंङ साते इच्च़ा इदि-इदि बि केनाह बे रूठे समझेक्तेंई।

1 तीमुथियुस 6:10

छना कुचे ढबाहो लालच भत्ते पाहठी बुराई ओ जड़ शुह, रें मीहच़ी सूले-सूले मसीहू शिक्षाओ टोहकठे विशवास लहज़ी बंद लेह केहतोर, छना कुचे दोरे ढबाह बि महस जुन्ज़ातेर, दंङ दोरे महस पाहठी दुखी तोतोर, इच्च़ा झांह ठ्रोह मीह अच़ि एनाबि इच्च़ा हथियार तिरच़ी चरच़तो।