प्रेरित 5:12 - लाहौली बाइबिल

¹² प्रेरिता तु दोरच़ी महसे चिन्ह ए चमत्कारो कम मीहतु बिचंङ शुहबी लेहकी तोहई। दंङ मसीहू टोहकठे बिशवास लहज़ार भत्तेरे इच्च़ा सेहम शुहचे रज्ज़ा सुलेमान ओ ल्वाड़िङ ठ्रोहका शुवा लाहतेर।

प्रेरित 5:12 Iomraidhean Croise

मरकुसो 16:20

दोऊ थल प्रभु यीशु ऊ चेलाज़ि दोहरची इलजी भत्ते ठाहरीरिंङ रुठे खबर सुनाएची लेहतिर। दंङ प्रभु यीशुज़ि दोतु दोहरची हेरानी ऊ कम लहज़ातेर। झांह लेह मीहतिंङ पता लेहती कि रुठे खबर सच्चे शुह। आमीन। (ध्वांए शुहबी जूंस)

यहून्नो 10:23

दंङ यीशु यहुदी मंदिरंङ रज्ज़ा सुलेमानो ल्वाड़िंङ जोई लेह्की तोहई।

यहून्नो 4:48

यीशु ज़ि दोबि कुंई, “अपेहल तचेक केई चिन्ह ए चमत्कार माह खमोंई, दोहपल तचेक केई गिऊ टोहकठे मसीहू शुह कुचे विशवास माह लोहन।”

प्रेरित 1:14

दिरे चेलारे इच्च़ा सेहमारंङ रोज ठ्रोहका शुचे लगातार प्रार्थना लोहवा लहज़ातेर। दोतंङ साते रेह मेच़िमी रे ला ठ्रोहका शुचि इलिर अंऊ दोतु बिचंङ यीशु याह मरियम ला तोहई दंङ यीशु न्वारे ला ठ्रोहका शुचि इलिर।

प्रेरित 14:3

पर पोलुस ए बरनबास महस ध्याड़ा तचेक दोर्तिंङ बंङज़िरी, दंङ प्रभु मोह्ड़े दाह ओ पाहठी याहब रंङ साते प्रचार लहज़ी लेहतिर; प्रभु यीशु ज़ि दि झुह्ट मीहतिंङ चिन्ह ए चमत्कार लहज़िमी सामर्थ रें च़रति दि साबित लहज़िमी थल्जी कि दोतु खबर दोऊ दोरच़ी अंज़े शुह।

प्रेरित 16:18

दोई महस ध्याड़ा तचेक दिह लोहवा लहते, पर पोलुस दुखी शुहचे इलि, दंङ किरज़ा दुह मांजी आत्मा रंङ साते कुहई, “गेह कनिंङ यीशु मसीह मिंदंङ दिह आज्ञा रंड्रातग, कि दिउ दोरच़ी हुंच़ा ईला,” दंङ दू ए मुक्का हुंच़ा इलि।

प्रेरित 19:11

दंङ परमेश्वरे पोलुसा बि अनोखा अरे चमत्कार लहज़िमी शाक्ति रांहषी तहरे।

प्रेरित 2:46

दंङ दोरे हर इच्च़ा ध्याड़ारिंङ इच्च़ा सेहम शुहचे यहुदी मंदिरो लवाड़ी ठ्रोहका शवातेर, दंङ दोरे इदिऊ-अईदिऊ चुंङ इलज़ा प्रभु भोज लहज़ातेर, दंङ खुशी ए सेहमो सिधाई रंङ साते बगत ज़ोआतेर।

प्रेरित 28:9

अपेहल झांह शुई, ता दुह टापू ऊई टेहची दोरे ला पोलुसो कछंङ अतिर दंङ ठीक शुहचे इलिर।

प्रेरित 3:11

अपेहल दुह पतरस ए यूहन्ना बि चुमज़ा तोहई ता भत्ते मीहरे महसे हेरान शुहचे ते, ज़रका रें दोर्तिंङ अतिर अतिंङ सुलेमानो ल्वाड़ी कुट्री।

प्रेरित 4:30

आईन लहज़िमी थल्जी केनोह गुहड़ तुंखा लौऊ कि चमत्कार ए हेरानी ऊ कम कांह पवित्र सेवक यीशु ऊ मिंदंङ लेह जूंस।”

प्रेरित 9:33

दोर्तिंङ दोबि एनियास मिन्दु नम्क्योंन ओ टेहची इच्च़ा मीह खोकसिरी, अंऊ रेह साल बेहच़ी टेहची एनोह बिस्तरो टोईच़ी तोहई।

प्रेरित 9:40

दोथर पतरसे भत्ते तिंङ कमराओ धकतेखा हुंच़िमी विनती लहरी, दंङ पुष्टू भारे बंङज़ा प्रार्थना लहरी; दंङ सीए फुको हखा खांई कुंई, “हे तबीता, खड़े शुह।” दंङ दोहथर ए दोई एनोह टिरा अलज़ि च़रति; दंङ पतरस बि खंड्रा खड़े शुहचे बंङज़ा इलि।

रोमियो 15:19

पवित्र आत्माओ गिह्बी रांहषी सामर्थो दोरच़ी गेह अद्धभुत कम ए चमत्कार लहज़ातग झांह लेह अंऊर ला गेह यरूशलेम शहरो दोरच़ी इलिरिकुम प्रदेश तचेक अच़ा इलिग, गेह दोर भत्ते मीहतिंङ, यीशु मसीहू पाहठी रूठे खबर सुनाएतिग।

2 कुरिन्थियों 12:12

सच्चा प्रेरिता तु लक्षण ला केहतु बिचंङ भत्ते पाहठी ओ धीरज़ रंङ साते निशानी, दंङ अद्धभुत कम, ए सामर्थो कमो दोरच़ी कंड्रिरी।

इब्रानियों 2:4

दंङ परमेश्वर चिन्ह ए अद्धभुत कमो, महस पाहठी चमत्कारो दंङ पवित्र आत्माओ दोरच़ी मीहतिंङ वरदान रंड्रा दि खबरा बि ठीक ध्वांए साबित लहरी, छना दोई जुंज़ाते।