प्रेरित 4:21 - लाहौली बाइबिल

²¹ दंङ महासभा ओ अगुवा मीहज़ी दोतिंङ सख्ती रें धमकी रे छोड़ेके च़रतिर, छना कुचे दोच़ी माह ञेंहच़ातेर कि दोतिंङ लड़ाई-झगड़ा मेह छना सज़ा रमोर, दिऊ थल्जी कि अंऊ घटना शुहचे तोहई, दोऊ बजह च़ि भत्ते मीहरे परमेश्वरो तारीफ लहज़ातेर।

प्रेरित 4:21 Iomraidhean Croise

मत्ती 15:31

अपेहल मीहच़ी तंङातोर कि झल्लेचि कुट्रातोर टुंडेरे ठीक शुहतोर, लटटेरे जोज़ातोर काणे च़ि खमातोर ताह ठट् शुहचे इस्राएलो परमेश्वरो तारीफ लाहतेर।

मत्ती 21:46

दंङ दोच़ी दुह च़ुमज़ि ताहरेर पर मीहतंङ बेऐ इलिरे छना कुचे दोच़ी दोबि भविष्यवक्ता मनेक्च़ातेर।

मत्ती 26:5

पर दोच़ी कुट्रातेहर “त्याहरो मुक्कारिंङ माह, झांह शुबी माह जूंस कि मीहतु बिचंङ शासी तेंङसी शोतो।”

मत्ती 9:33

अपेहल यीशुज़ि दुह टटे मीहू दोरच़ी मांजी आत्मा हुंच़े च़रति, दंङ दुह मीह गप्पा लहज़ी लेहती, दिरंङ भीड़ ठट् शुहचे कुट्री लेहती “इस्राएल देशंङ झांह ठ्रोह अपेहला माह तंङसी शुह।”

मत्ती 9:8

मीहरे दिह खांई बेई इलिरे दंङ परमेश्वरो महिमा लहज़ी लेह्तिरे, अच़ि मीहतिंङ दिह अधिकार रांहषी तोह।

लूको 13:17

अपेहल यीशुज़ि दिह गप्पारे कुहतो दंङ दोऊ भत्ते बिरोधिर शर्मिन्दा शुहचे इलिर। दंङ भत्ते मीहरे दोऊ महान कमो दोरच़ी अंऊ दोई लहज़ाते, राजी शुहचे इलि।

लूको 20:19

दोथरे यहुदी शास्त्री ज़ि ए यहुदी मोह्ड़े पुरोहित ज़ि दुह चुम्ज़ी लहज़ी तरेहर; छना कुचे दोरे सम्जेक्सा इलजी तोईरे कि दीह कथा दोई दोतु टोईच़ी कुह्ते, पर दोरे मीहतंङ साते बेवा इलिरे।

लूको 20:6

अगर ञेंहच़ी कुंई कि, मीहतु कुट्रिमीरंङ साते, दंङ भत्ते मीहच़ी हेन्दिंङ रघटे बहेक्पोर, छना कुचे दोच़ी हेले ञेंच़ातोर कि यूहन्ना भविष्यवक्ता तोहई।”

लूको 22:2

दंङ यहुदी शास्त्री ए यहुदी मोह्ड़े पुरोहित यीशुबि च़ुमज़िमी तोईरे दंङ सच़िमी तातेर, पर दोरे मीहतंङ साते बेवातेर।

लूको 5:26

दंङ भत्ते हेरान शुई दंङ परमेश्वरो महिमा लहज़ी लेहकी, दंङ महस ज़ि वेवा कुट्री लेहती, “तोग ञेंहच़ी अनोखे गप्पा तंङरिर।”

प्रेरित 4:17

पर मीहतु बिचंङ दिह खबर महसे फेलेके माह जूंस, हेनर दोतिंङ धमकाए पोंई कि दोरे दिह मिंदंङ यच़ाह अरिला मीहतंङ साते गप्पा थालंही।

प्रेरित 4:22

छना कुचे अंऊ मीह चमत्कार रंङ साते अईन शुहते दुह निज़ह साल बे महस उम्रो तोहई।

प्रेरित 5:13

पर अंऊ दोच़ी हेंतेग तचेक यीशु ऊ टोहकठे बिशवास लहसी माह तोईरे, दोतु दिह याहू माह तोहई कि दोरे दोतंङ साते ठ्रोहका शुहचे योर; तांला मीहरे दोतु तारीफ लहज़ातेर।

प्रेरित 5:26

छना ए दोच़ी दिह रेड्रिर, ध्वांए यहुदी मंदिरो पेहरेदारातु मुख्या, पेहरेदार तंङ साते मंदिरो हखा इलि, दोर्तिंङ इलजे दुह प्रेरिता तिंङ यहुदी महासभा ओ तुईज़ी रेंज़ा हति। पर ज़बरदस्ती माह, छना कुचे दोरे मीहतंङ साते बेवातेर कि मीहरेर रघ द्रले केचे दोतिंङ सचे च़रपोर।

प्रेरित 5:40

दंङ दोच़ी दोऊ गप्पा मनेकी केहरिर, दंङ प्रेरितातिंङ बुलाके कोड़ार लगाएतिर; दंङ दोतिंङ दिह हुकुम रेंईर कि हेंतेग बे यीशु ऊ मिंदंङ छले थाकुंई दंङ दोतिंङ छोड़ेके च़रतिर।