प्रेरित 4:2 - लाहौली बाइबिल

² दोरे महसे रोषेक्च़ा इलिर कि पतरस ए यूहन्ना यीशु ऊ पाहठी सिखाएक्च़ातेर कि अंऊ मीहरे सीए इल्जी तोतोर परमेश्वर दोतिंङ यह्च़ा श्रींङमी लोहतो, छना दोई यीशु बि सिमी दोरच़ी श्रींङी लेह च़रतो।

प्रेरित 4:2 Iomraidhean Croise

प्रेरित 13:45

पर अपेहल यहुदी ज़ि भीड़ खंईरे दंङ दोरे महसे रोषेक्सा इलिर। दोरे दोऊ गप्पा ओ बुराई लहज़ी लेहतिर कि पोलुस छि कुट्री लेहकी तोह दंङ दोरंङ साते कुवाद लहज़ी लेहतिर।

प्रेरित 17:18

दोहपल रै विद्वाना अंऊ इपिकुरी विशवासो भाषे लहज़ातेर दंङ ऊई सतोईकी विशवासो भाषे लहज़ातेर दोतंङ साते बहस लहज़ी लेहतिर दंङ रैह ज़ि रूहक्तिर, “दिह बकवास लहज़ा ए छि कुट्री लेह्की तोह?” पर ऊई ज़ि कुट्री लेहतिर, “दुह ऊई भगवाना तु प्रचारक शोतो,” छना कुचे दोई यीशु श्रींङमी पाहठी रूठे खबर सुनाएची लेह्की तोह।

प्रेरित 19:23

ध्वांए, दोरकी रैह मीहच़ी दुह मीहतु थल्जी महस मुसीबत खड़े लहज़िमी कोशिश लहरिर, अंऊ दोच़ी दि गप्पो विशवास लहज़ातेर कि छना ठ्रोह परमेश्वरे ञेंहतु थल्जी अनंत जीवन खोकसिमी प्रकट लहसी ततो।

प्रेरित 24:21

इच्च़ा दोष दोरे खिलाप लगाके तरपोर, अपेहल गेह मंदिरो ल्वाड़िंङ खड़े शुहचे जोरे सग रंङ कुईगा, छि सिए मीहरे यह्च़ा श्रींङमोर आ? तोग गिऊ कांह दोरच़ी न्याय शुहबी लेहकी तोह छना कुचे गेह विशवास लहज़ातग कि परमेश्वर दू मीहतङ अंऊ सिए इलजी तोतोर यह्च़ा श्रींङमी लोहतो।”

प्रेरित 26:23

कि मसीह बि दुख उठाएच़ीमी शोतो, दंङ दू ए भत्ते बे तुहई सिए दोतु बिचंङज़ि श्रींङे शुहचे, यहुदी ए ऊईजाति तु बिचंङ दि घोषणा लहज़िमी थल्जी कि दोरे बचेके योर, अंऊ कि छंङी ओ ठ्रोह तोतोर।

प्रेरित 26:8

दोहपल पोलुसे रूहक्ति, “केहतु थल्जी दि विशवास लहज़ी छना खरे तोह कि परमेश्वरे सिए मीहतिंङ यह्च़ा श्रींङमी लहज़ा?”

प्रेरित 3:15

दंङ केहच़ी दुह सच़ी च़रतिन, अरि मीहतिंङ हमेशा ओ जीवन रंड्रा, पर परमेश्वरे दोबि सिए दोतु बिचंङ ज़ि श्रींङमी लहरी; दंङ दिह गप्पातु ञेंहरे गवाह तोतोंई।

प्रेरित 5:17

दोहथर यहुदी महापुरोहित ए दोऊ भत्ते साथिरे अंऊ सदूकी दलो तोईरे, दोरे प्रेरिता रङ साते हट्री लेहतिर। झांह लेह दोच़ी छा कम लहज़िमी फेंसला लहरिर।

रोमियो 8:11

दंङ अगर परमेश्वरो आत्मा अच़ि यीशु मसीह बि सिऊ दोरच़ी श्रींङमी लहरी, दोई केहतु सिए फुक ला एनोह आत्मा दोरच़ी अंऊ केहतु अंदरेग बसेगी तोह श्रींङमी लोहतो।

1 कुरिन्थियों 15:23

पर हर इच्च़ा मीह एनोह बारी ओ हिसाबे सिए दोतु बिचंङ ज़ि श्रींङमी लोहर; मसीह मुण्डो मीह शुह अपि श्रींङमी लहसी शुह, दंङ अपेहल मसीह वापिस अपतो दंङ अंऊ दोरंङ साते पक्‍का नाता तहज़ातोर दोतिंङ यह्च़ा सिए दोतु बिचंङ ज़ि श्रींङमी लोहर।