प्रेरित 4:13 - लाहौली बाइबिल

¹³ अपेहल दोच़ी पतरस ए यूहन्ना ओ याहब खंईर, दंङ दिह ञेंरिर कि दिरे सीधा सधा मीहरे शुहर, दंङ पवित्र शास्त्रो खास शिक्षा खोकसी माह ताहरेर, दंङ दोरे हेरान शुईरे; दंङ दोतिंङ सेहषी च़रतिर, कि दिरे यीशु साथी तोईरे।

प्रेरित 4:13 Iomraidhean Croise

मत्ती 11:25

दोहथर यीशुज़ि कुहतो, “हे बाह स्वर्ग ए धरतीऊ प्रभु गेह कांह धन्यवाद लहज़ातग कि केई दिह गप्पारे ञेंच़ाहरे ए समझकार मीहतु दोरच़ी प्याके त्याहतेन दंङ अंऊ मीहरे कटुतु ठ्रोह सीधे तोतोर दोतु टोईच़ी प्रगट लहतन।

मत्ती 26:71

अपेहल दुह धह्कते डेऊढी हखा इलज़ा दंङ अई दासीज़ि दोबि खांई दोर खड़े मीहज़ी कुहतो, “यताह नासरत ओ यीशुरंङ साते तोहई।”

मत्ती 26:73

थोड़े टेमो थल मीहच़ी अरी दोहर खड़े तोईरे पतरसो कछंङ अंज़े दोबि कुह्तोर, “हेले पक्‍का यीशु साथीतु बिचंङज़ि इच्च़ा शुनाह, छना कुचे कांह गप्पा ज़ि कांह भेद कुह्चे रंड्रा।”

लूको 22:8

यीशु ज़ि पतरस ए यूहन्ना दिह हुकुम रें च़रतिर; “इलजे कें ञेंहतु थल्जी फसह त्याहरो बगत तेयार लांई।”

यहून्नो 19:26

यीशु ज़ि एनोह याह ए दोऊ चेला बि अतंङ साते दोई दाह लहज़ाते एनोह कछंङ खंड्रिमी रंङ साते एनोह याह ओ हखा कुंई, “हे याह, खंणु दिह कांह योह शुह।”

यहून्नो 7:15

दोपहल यहुदी मीहरे हेरान शुहचे कुट्री लेहतिर, “दिह्बी बिना पढ़ेके पवित्र शास्त्रो ‍‍ज्ञान अंऊरच़ि अति?”

यहून्नो 7:49

पर दिहरे मीहरे अच़ि मूसा ओ कानून माह ञेंहच़ातोर, परमेश्वरो दोरच़ी श्रापित तोतोर।”

प्रेरित 4:14

पर दुह मीह बि अरी आईन शुहते, पतरस ए यूहन्ना रंङ साते खड़े खंड्राते, महासभा ओ मीहरेर दोतु खिलाप छिला कुट्री मरतिरे।

प्रेरित 4:19

पर पतरस ए यूहन्ना ज़ि दोतिंङ जुबाब रेंईर, “केहच़ी ए फेंसला लांही, कि छि दिह परमेश्वरो तुईज़ी रूठे तोह आ, कि ञेंहरे परमेश्वरो गप्पा बे मोह्ड़े केहतु गप्पा मनेक्पोंई।”

प्रेरित 4:29

धह हे प्रभु, दोतु धमकी रेड्रा; दंङ केनोह सेवकातिंङ वरदान रोंऊ कि कांह बचन मोह्ड़े याहबा रंङ साते सुनाएपोर।

प्रेरित 4:31

अपेहल दोच़ी प्रार्थना लेह केहरिर, ता दुह ठहरि अंऊर दोरे ठ्रोहका तोईरे त्रुल्ज़ा इलि, दंङ दोरे भत्तेर पवित्र आत्मा रंङ साते पिंङे इलिर, दंङ परमेश्वरो बचन याहब रंङ साते सुनाएची लेहतिर।

प्रेरित 9:27

पर बरनबास शाऊला बि ऐनारंङ साते प्रेरितातु कछंङ शिल्ज़े दोतंङ साते कुंई, कि दोच़ी छना ठ्रोह दमिश्क इलाकाओ हखा इबिमी अमरिंङ प्रभु यीशु बि खांई, दंङ प्रभु ज़ि दिरंङ साते गप्पा लहरी; दोथर दमिश्क शहरंङ दिह छना दोई याहब रंङ साते मीहतिंङ यीशु पाहठी प्रचार लहरी।

प्रेरित 9:28

प्रेरित ज़ि बरनबासो टोहकठे बिशवास लहरिर दंङ दिऊ थल्जी शाऊल दोतंङ साते बंङज़ा इलि। दंङ ऊई विशवासी तंङ साते जुड़ेकी इलि। दंङ यरूशलेम शहरंङ भत्ते ठहरि रिंङ इलि दंङ प्रभु यीशु पाहठी याहबा रंङ साते प्रचार लहज़ी लेहती।

1 कुरिन्थियों 1:27

पर परमेश्वरे झांह ठ्रोह मीहरे अंङे च़रति, अतिंङ संसार मुर्ख चेहच़ा, ताकि दोरे दू मीहतिंङ शर्मिन्दा लोहर अंऊ चेहच़ातोर कि दोरे ज्ञानवान तोतोर। दंङ दोई झांह ठ्रोह मीह अंङे च़रति अंऊ कमज़ोर तोतोर, ताकि दोरे दोतिंङ शर्मिन्दा लोहर अंऊ बलवान तोतोर।

1 कुरिन्थियों 14:25

अंऊ दोई छि रेड्रा दोऊ ज़रिए दोई दि समझेकी च़रपोतो कि परमेश्वर दोऊ मदम सोचो पाहठी छि सोचेक्च़ा। दंङ दोबि एहसास शोतो कि दू पापी शुह दंङ दोई पश्चाताप लोहतो। दंङ दू पुष्टू भारे बंङज़ा परमेश्वरो अराधना लोहतो। दंङ मनेके च़रपोतो, कि हेले परमेश्वर केहतु बिचंङ तोह।

2 कुरिन्थियों 3:12

झांह लेह दिए उम्मीदा रंङ साते हेनर याहब रंङ साते कुट्रातंई।