प्रेरित 4:1 - लाहौली बाइबिल

¹ अपेहल पतरस ए यूहन्ना मीहतंङ साते दिह कुट्रीए लेहकी तोईरे, दोहपल रै यहुदी पुरोहित ए यहुदी मंदिरो पहरेदारो मुख्या दंङ सदूकी मीहरे दोतु कछंङ अच़ा अतिर।

प्रेरित 4:1 Iomraidhean Croise

मत्ती 16:12

दंङ दोतिंङ पता लेहती कि दोई रोटीऊ मलेडाज़ि माह पर फरीसी ए सदूकी मीहतु ओहई बंङज़िमी कुहते।

मत्ती 22:16

दंङ दोच़ी एनातु चेलारि हेरोदेसा रंङ साते यीशु कछंङ दिह कुट्री चेहच़ातोर, “हे गुरु, ञेंहच़ी ञेंच़ातंई, कि केई सच्चे शुनाह दंङ परमेश्वर ओ अमो पाहठी सच्चाई रंङ साते कंड्रातन दंङ अतुला केई परवाह माह लोहतन, छना कुचे केई मीहतु मोद कंड्राते गप्पा माह लहज़ातन।

मत्ती 27:20

यहुदी मोह्ड़े पुरोहितरे ए यहुदी सेंहणाज़ि मीहतिंङ दी कुट्रिमी थल्जी जोर रेह कि बरअब्बा बि पेट्रुंई दंङ यीशु सच़ी लांई।

मत्ती 27:41

दिह पाहठी सेंहणा ए यहुदी मोह्ड़े पुरोहितरे ए यहुदी शास्त्री ला ठट्टा लेह कुट्रातेर,

मत्ती 3:7

अपेहल यूहन्नाज़ि महस फरीसी ए सदूकी मीहतिंङ बपतिस्मा लेहप्च़िमी थल्जी एनोह कछंङ अपि तंङातो, दंङ दोई कुहतो, “हे विष ज़डे ओमड्रातु ठ्रोह मांजी मीहरे, केतिंङ अच़ि कंजाते कि परमेश्वरो अंजा रोह्षज़ि पोहकतुंई?

लूको 20:1

इच्च़ा ध्याड़ा अपेहल यीशु यहुदी मंदिरंङ मीहतिंङ शिक्षा ए रूठे खबर रंड्री लेहकी तोहई दंङ यहुदी शास्त्री, यहुदी मोह्ड़े पुरोहित, यहुदी सेंहणारंङ साते दोऊ कछंङ अतिरे।

लूको 22:4

यहूदा ज़ि इलजे यहुदी मोह्ड़े पुरोहितो ए पहरेदारातु मुख्या रंङ साते गप्पा लहज़ी लेहती कि यीशु बि छना दोतु गुहड़च़ि च़ुमज़ि लोहतो।

यहून्नो 15:20

हिद ताईन कि गेह केतंङ साते छि कुहतेग, परगर एनोह मालिका बे मोह्ड़े माह शुहबी, दोबि हिद तांई, अगर दोच़ी गिह्बी तंग लहतोर, ता केतिंङ ला तंग लोहर; अगर दोच़ी गिऊ शिक्षा मनेक्तिर, ता केहतु ला मनेक्पोर।

यहून्नो 18:3

दोथर यहूदा, रोमी सेनिकातु झुण्ड, यहुदी मोह्ड़े पुरोहितरे ए फरीसी मीहतु परगरा तंङ साते दोर्तिंङ पिचे इलि। दोतु कछंङ लम्प, हल्लार दंङ हथियार तोईरे।

प्रेरित 4:6

दोरे मीहरे अंऊ सभा रिंङ शामिल तोईरे दोतु बिचंङ तुहई कि यहुदी महापुरोहित हन्ना, दंङ हेंतेग कि महापुरोहित काईफा तोहई। यूहन्ना, सिकंदर दंङ ऊई गंङमी अंऊ तुहई कि महा पुरोहितो खानदानो तोईरे, भत्तेर यरूशलेम शहरंङ ठ्रोहका शुईरे।

प्रेरित 5:17

दोहथर यहुदी महापुरोहित ए दोऊ भत्ते साथिरे अंऊ सदूकी दलो तोईरे, दोरे प्रेरिता रङ साते हट्री लेहतिर। झांह लेह दोच़ी छा कम लहज़िमी फेंसला लहरिर।

प्रेरित 5:24

अपेहल यहुदी मंदिरो पेहरेदारातु मुख्या ए यहुदी मोह्ड़े पुरोहिता ज़ि दिह खबर रेड्रिर, ता दोरे दिह पाहठी सोचेक्च़ी लेहती दोतु छि शोतो!

प्रेरित 5:26

छना ए दोच़ी दिह रेड्रिर, ध्वांए यहुदी मंदिरो पेहरेदारातु मुख्या, पेहरेदार तंङ साते मंदिरो हखा इलि, दोर्तिंङ इलजे दुह प्रेरिता तिंङ यहुदी महासभा ओ तुईज़ी रेंज़ा हति। पर ज़बरदस्ती माह, छना कुचे दोरे मीहतंङ साते बेवातेर कि मीहरेर रघ द्रले केचे दोतिंङ सचे च़रपोर।

प्रेरित 6:12

दि शब्दा तु दोरच़ी स्तिफनुस ओ खिलाप मीहतिंङ, यहुदी सेंहणा तिंङ दंङ यहुदी कानून बि सिखाएच़ा तिंङ भड़काएतिर दंङ दोच़ी इलजे स्तिफनुस बि च़ुमने यहुदी सभा ओ तुई खड़े लहरिर।

प्रेरित 6:7

दंङ परमेश्वरो बचन फेलेके इलि, दंङ यरूशलेम शहरंङ चेला तु गिनती महस शुहचे इलि दंङ महसे यहुदी पुरोहितज़ि ला यीशु मसीहू टोहकठे बिशवास लहज़िमी दिह शिक्षा स्वीकार लहरिर।