प्रेरित 3:6 - लाहौली बाइबिल

⁶ दंङ पतरस ए कुंई, “गिऊ कछंङ ढबाह माह; पर छि गेह तातग, दुह गेह कनिंङ रमोग; यीशु मसीह अंऊ नासरत नगरो शुह दोई कनिंङ ठीक लेह चरच़तो। हेंतेग अच़ु दंङ जोह।”

प्रेरित 3:6 Iomraidhean Croise

मत्ती 10:9

केनातु दोर माह ज़ंङ, माह रोपा, माह तांबा तांहई।

मत्ती 7:22

न्याय ओ ध्याड़ारिंङ महस मीहच़ी गिह्बी कोर, ‘हे प्रभु, हे प्रभु, छि ञेंहच़ी कांह मिन्ज़ी मांजी आत्मारे महुंज़ा तेंईयां, दंङ कांह मिन्ज़ी हेरानी कम्मारे मलेहतंईया?’

मरकुसो 14:8

दि मेच़िमी छि भलाई लहज़िमी तोहई दुह लहच़ी च़रति। दोई गिऊ फुकारिंङ इत्र केहच़ी टाईम बे तुहई पथेक्च़िमी थल्जी तेयारी लेह चरच़तो दिबे तुई कि गेह सिए योग।

मरकुसो 16:17

अच़ि गिऊ टोहकठे विशवास लहज़ा दोतु दी स्वर्गीय निशानी शोतो कि दुरेह गिऊ मिन्दिंङ मांजी आत्मा हुंपोर, दुरेह खरकोई-खरकोई भाषा कोहर,

यहून्नो 19:19

दंङ राज्यपाल पिलातुसे क्रूसो तोरिंङ बक्शे इच्च़ा तकती लगाएती, दंङ दोऊ टोईच़ी दिह च़ेहसी तोहई, “नासरत नगरो यीशु, यहुदी मीहतु रज्ज़ा।”

प्रेरित 10:38

केतिंङ दि ला पता तोह परमेश्वरे छना ठ्रोह नासरत नगरो यीशु बि पवित्र आत्मा ए सामर्थ रंङ साते अभिषेक लहरी; दुह ठहरि-ठहरि इलजी हमेशा मीहतु थल्जी भलाईओ कम लहज़ाते, दंङ दोतिंङ आईन लहरी अंऊ दोरे शेतानो वहज़ा ज़ि तकलीफा रिंङ तोईरे, छना कुचे परमेश्वर दोरंङ साते तोहई।

प्रेरित 16:18

दोई महस ध्याड़ा तचेक दिह लोहवा लहते, पर पोलुस दुखी शुहचे इलि, दंङ किरज़ा दुह मांजी आत्मा रंङ साते कुहई, “गेह कनिंङ यीशु मसीह मिंदंङ दिह आज्ञा रंड्रातग, कि दिउ दोरच़ी हुंच़ा ईला,” दंङ दू ए मुक्का हुंच़ा इलि।

प्रेरित 2:22

“हे इस्राएल देशो मीहरे दिह गप्पारे रेड्रुंई: कि नासरत नगरो यीशु इच्च़ा झांह ठ्रोह मीह तोहई अतिंङ परमेश्वरो दोरच़ी केहतु तुईज़ी साबित लहसी, झांह ठ्रोह चिन्ह चमत्कार ए हेरानी ऊ कमो दोरच़ी, अंऊ परमेश्वरे दोऊ दोरच़ी लहते। केहरे केनारे ञेंहच़ातोनि कि दिह गप्पा हेले शुह।”

प्रेरित 2:36

दिऊ थल्जी इस्राएल देशो भत्ते मीहतिंङ दि ञेंई च़रतुंई कि परमेश्वरे दिह ए यीशु बि अतिंङ केहच़ी क्रूसो टोईच़ी चढ़ाएकातेंई, “प्रभु ला ठहराएति दंङ मसीह ला ठहराएति।”

प्रेरित 3:16

मसीहू मिंदंङ बिशवास लहज़िमी दोरच़ी दिह मीह बि अतिंङ केहच़ी खंड्रातंई ए ञेंहच़ातंई ताकत रांहषी ततो। दिह मीह यीशु ऊ मिंदंङ ए यीशु ऊ टोहकठे बिशवास लहज़िमी रंङ साते बिल्कुल अईन शुहचे इलि।

प्रेरित 3:5

दोतु दोरच़ी छा छि खोकसिमी उम्मीद, दुह दोतु हखा खंड्री लेहती।

प्रेरित 3:7

दंङ पतरस ए दोऊ सुचंङ गुहड़ च़ुमने ते दुह खड़े लहरी, दंङ दोथरे दोऊ कोंज़ा ए पुष्टू रिंङ ताकत अच़ा अति।

प्रेरित 4:10

ता केहरे भत्ते दंङ भत्ते इस्राएली मीहरे ञेंए केंईनी कि दिह नासरत नगरो यीशु मसीह अधिकारो दोरच़ी लहसी शुह। दुह ए यीशु बि केहच़ी क्रूसो टोईच़ी चढ़ाएकी केहतन, पर परमेश्वरे दुह यच़ाह सिमी दोरच़ी श्रींङे लेह च़रति। तोग दोऊ ए मिन्दु दोरच़ी दिह मीह केहतु तुईज़ी सही सलामत खड़े तोह।

प्रेरित 4:7

दोरे भत्तेरे बंङज़ा इलिर दंङ पतरस ए यूहन्ना बि बिचंङ खड़े लेह च़रतिर दंङ दोतंङ साते रुहक्च़ी लेहतिर, “कि दिह मीहबी अईन लहज़िमी थल्जी, अच़ि केतिंङ शाक्ति ए अधिकार रांहषी ततो?”

प्रेरित 9:34

पतरस ए दोरंङ साते कुई, “हे एनियास! यीशु मसीह कनिंङ ठीक लहज़ा। खड़े शुह केनोह विस्तर उठातु।” दंङ दुह दोहथरे खड़े शुहचे इलि।

1 कुरिन्थियों 4:11

हेनर तोंखी ध्याड़ा तचेक योंई ए तिस्करे तोतोंई, द्ववाके ए युई खमज़ेर लहच़ातंई, घाह खोकच़ातंई, दंङ ञेंहतु कछंङ च़ुम ला माह।

2 कुरिन्थियों 6:10

हेंदु कछंङ हेंदु टेम तोहई, पर हमेशा खुश बंङज़ातंई। हेनर कंगाल तोतोंई, पर महस मीहतिंङ आत्मिक तरीका रंङ साहुकार बणाके चरच़ातंई। हेनर झांह तोतोंई कि हेंदु कछंङ छल्ले माह, तांला हेंदु कछंङ भत्ते धिर तोह।

2 कुरिन्थियों 8:12

छना कुचे अगर केहतु सेहमरिंङ ऊईतिंङ दान रंड्रीमी विचार तोह ता, दंङ दान दोऊ हिसाबे ग्रहण ला शुहबी अंऊ दोऊ कछंङ तोह माह कि दोऊ हिसाबे अंऊ दोऊ कछंङ माह।

2 कुरिन्थियों 8:9

केहच़ी ञेंहतु प्रभु यीशु मसीहू मोह्ड़े दाह ञेंच़ातंई, कि दू साहुकार शुहचे ला केहतु थल्जी गरीब शुहचे इलि ताकि दोऊ गरीब शुहबी रंङ साते केरे साहुकार शुहचे ईलांई।

याकूब 2:5

हे गिऊ प्यारे साथी विशवासी रे रेड्रुंई। छि परमेश्वरे दि संसारो गरीबातिंङ अंङे चरच़तो कि दोरे विशवासरिंङ साहुकार, दंङ दुह राज्यऊ अधिकारी शोर, अतु वाईदा परमेश्वरे दोतंङ साते लहसी ततो, अंऊ दोहरंङ साते दाह लहज़ा तोर?

1 पतरस 4:10

हर इच्च़ा मीहबी परमेश्वरो दोरच़ी वरदान खोकसा तोह दंङ दोतिंङ दू वरदानो इस्तेमाल ऊईतु मदत लहज़िमी थल्जी लेह जूंशी तोह। दोतिंङ परमेश्वरो रूठे सेवको रूपा रिंङ एनोह वरदानो इस्तेमाल रूठे रंङ लहज़ी जूंशी तोह।