प्रेरित 3:21 - लाहौली बाइबिल

²¹ यीशु ऊ स्वर्गंङ बंङज़ी दोहपल तचेक ज़रूरी तोह अपेहल तचेक कि परमेश्वर भत्ते धिर खरकोई बणाके च़रपोतो। महस तुहई ए परमेश्वरे मीहतिंङ दिह कंड्रिमी थल्जी पवित्र भविष्यवक्तातु दोरच़ी झांह लहज़िमी वाईदा लहरी।

प्रेरित 3:21 Iomraidhean Croise

लूको 1:70

महस तुई, प्रभुज़ि एनोह भविष्यवक्तातु दोरच़ी कुहतो कि,

प्रेरित 1:11

दंङ कुट्री लेहतिर, “हे गलील प्रदेशो गंङ मीहरे, केहरे छिले खड़े शुहचे सर्गो हखा खंड्री लेहकी तोतोंई? दिह ए यीशु, अतिंङ परमेश्वरे केहतु कछंङ च़ि स्वर्गो हखा रेंज़ा शिली, ठीक ध्यांए ठ्रोह दुह यच़ाह अपतो छना ठ्रोह केहच़ी दुह सर्गो हखा इबी तंङातेन।”

प्रेरित 10:43

दोऊ गवाही भत्ते भविष्यवक्तार रंड्रातोर कि अरिला दोऊ टोहकठे बिशवास लोहर, दोतिंङ यीशु ऊ मिन्दु दोरच़ी पापो माफी खोकसोतो।

प्रेरित 3:19

झांह लेह केनातु मदम कमो दोरच़ी सेहम किर्तुंई दंङ परमेश्वरो हखा यह्च़ा अतंई कि केतिंङ केनातु पापो दोरच़ी माफी खोकसोतो।

प्रेरित 3:20

अगर केहच़ी पश्चाताप लोहनि दोहपल झांह ठ्रोह टेम अपतो अपेहल केरे खुश शोनि, दि ञेंई कि प्रभु परमेश्वर केतंङ साते तोह। दंङ दोई यीशु बि च़रपोतो, अंऊ दुह मसीह शुह, अतिंङ दोई केहतु थल्जी तुईबे अंङषी ततो।

रोमियो 8:21

भत्ते संसार दू ध्याड़ा बि रूमज़ा तोह अपेहल दि मौत ए विनाशो दोरच़ी छुटकारा खोकशी, परमेश्वरो ओलाद रंङ साते महिमाऊ आज़ादी रिंङ शामिल शुहचे योतो।

इब्रानियों 1:1

तुहई जुगारिंङ परमेश्वरे भविष्यवक्तातु दोरच़ी हेंदु बाह मेमेतंङ साते महस फेरा शत्‌ह-शत्‌ह तरीका रंङ साते गप्पा लहरी।

2 पतरस 1:21

छना कुचे भविष्यवक्ता ज़ि अपेहला अंऊ ला भविष्यवाणी मीहतु हिटी रंङ साते माह कुईर। बल्कि पवित्र आत्माज़ि दोतु विचार काबू लहरी दंङ दोतिंङ दुह बचन कुट्रीमी थल्जी मदत लहरी अंऊ परमेश्वरे जुंज़ा कि दोच़ी कोहर।

2 पतरस 3:2

गेह दि दिऊ थल्जी लहज़ातग, छना कुचे गेह जुंज़ातग कि केहच़ी दुह बचन हिद तंही, अंऊ परमेश्वरो भविष्यवक्ता ज़ि महस तुहई बेहच़ी कुहषी ताहरेर दंङ उद्धारकर्ता हेंदु प्रभु यीशु मसीहू शिक्षा हिद तंही अंऊ केतिंङ दुह प्रेरिता ज़ि शिक्षा रांहषी तातोर अंऊ केहतु कछंङ अंज़े तोईरे।

प्रकाशित वाक्य 18:20

“हेंतेग अंऊ केरे स्वर्गारिंङ बंङज़ातंई! परमेश्वरो मीहरे! प्रेरित ए नवी रे! दि पाहठी खुशी मनेक्तुंई, छना कुचे परमेश्वरे दुह शहरो टोईच़ी एनोह न्याय चरच़तो, दुह बुराईयो थल्जी अंऊ दोई केतंङ साते लहसी ततो।”

प्रकाशित वाक्य 22:6

दोहथल स्वर्गदूते गिऊ हखा कुई, “दि भत्ते गप्पा अंऊ कनिंङ कांहषी तोह, हेले शुह दंङ भत्ते पाहठी विशवासो जोगे तोह। छना कुचे प्रभु परमेश्वर अच़ि भविष्यवक्ता तु निर्देशनो थल्जी एनोह आत्मा दोतिंङ रें च़रति, दुह ए तोह अच़ि गिह्बी, अंऊ कि दोऊ स्वर्गदूत शुगाह, कनिंङ दि कंड्रिमी थल्जी चरच़तो अंऊ युरनाह पूरे शोतो।”