प्रेरित 3:1 - लाहौली बाइबिल

¹ पतरस ए यूहन्ना नीरा कि तीन बजे प्रार्थना ओ मुक्कारिंङ यहुदी मंदिरंङ इबि लेह्की तोईरे।

प्रेरित 3:1 Iomraidhean Croise

मत्ती 17:1

त्रुई ध्याड़ो थल यीशुज़ि पतरस, याकूब ए दोऊ न्वा यूहन्ना बि ऐनाहरंङ साते इच्च़ा रंङी गोह टोईच़ी रेन्ज़ा हति।

मत्ती 26:37

दंङ यीशुज़ि पतरस जब्दीऊ झुल्ला योहरे साते रेंज़ा शिली, दंङ यीशु महस ए दुखी शुबि लेहती।

मत्ती 27:45

नीरा शुहतर भत्ते देशंङ हंयार शुहचे इलि, दंङ दुह षुमु पहरङ (लगभग 3 बजे) तचेक तोहई।

लूको 1:10

धूप तुप्च़िमी मुक्का मीहतु भत्ते मंडली यहुदी मंदिरो ल्वाड़िंङ प्रार्थना लहज़ी लेहकी तोहई।

लूको 18:10

“झुह्ट मीहरे यहुदी मंदिरंङ प्रार्थना लहज़ी इलदोर; दोतु बिचंङ इच्च़ा फरीसी तोहई इच्च़ा चुंगी लेहपच़ा।”

लूको 22:8

यीशु ज़ि पतरस ए यूहन्ना दिह हुकुम रें च़रतिर; “इलजे कें ञेंहतु थल्जी फसह त्याहरो बगत तेयार लांई।”

लूको 24:53

दंङ दोरे लगातार यहुदी मंदिरंङ ठ्रोहका शुहचे परमेश्वरो स्तुति लोहवा लाहतेर।

यहून्नो 21:7

दिऊ थल्जी दुह चेलाज़ि अतंङ साते यीशु दाह लह्ज़ते, पतरस रंङ साते कुतोह, “दीह ता प्रभु शुह!” शमौन पतरस दीह रेड्रा कि दुह प्रभु शुह, उमरिंङ छ़िर छ़ुहचे च़रति, अंऊ दोई कम लहज़िमी टेमा रिंङ छ़ुह्च़ी तारेह, दंङ दोई झीलो अंद्रेग छ्वाह रे च़रति।

प्रेरित 10:3

दोई इच्च़ा ध्याड़ा निहरो लगभग तीन बजे साफ खांई कि परमेश्वरो इच्च़ा स्वर्गदूत ए दोऊ कछंङ अंज़े कुई, “हे कुरनेलियुस।”

प्रेरित 10:30

कुरनेलियुस ए कुई, “पी ध्याड़ा तुई दिह ए टेमा रिंङ, गेह घेंङौ चुंङ नीरो लगभग तीन बजे प्रार्थना लहज़ी लेहकी तोईग; दोहथल अचानक इच्च़ा गंङमी छंङी खमज़ेर लेहच़ा, गिऊ तुईज़ी खड़े शुहचे इलि।”

प्रेरित 2:46

दंङ दोरे हर इच्च़ा ध्याड़ारिंङ इच्च़ा सेहम शुहचे यहुदी मंदिरो लवाड़ी ठ्रोहका शवातेर, दंङ दोरे इदिऊ-अईदिऊ चुंङ इलज़ा प्रभु भोज लहज़ातेर, दंङ खुशी ए सेहमो सिधाई रंङ साते बगत ज़ोआतेर।

प्रेरित 3:3

अपेहल दुह लट्टे मीहच़ी पतरस ए यूहन्ना बि यहुदी मंदिरो ल्वाड़ी इबि तंङतो, दंङ दोई दोतु दोरच़ी ढबाह पेट्री लेहती।

प्रेरित 3:4

पतरस ए यूहन्ना ज़ि दोऊ हखा ध्याना रंङ साते खांई ते दोरंङ साते कुहतो, “ञेंहतु हखा खंणु!”

प्रेरित 4:13

अपेहल दोच़ी पतरस ए यूहन्ना ओ याहब खंईर, दंङ दिह ञेंरिर कि दिरे सीधा सधा मीहरे शुहर, दंङ पवित्र शास्त्रो खास शिक्षा खोकसी माह ताहरेर, दंङ दोरे हेरान शुईरे; दंङ दोतिंङ सेहषी च़रतिर, कि दिरे यीशु साथी तोईरे।

प्रेरित 5:25

धोंणरिंङ मन्दिरो ल्वाड़िंङ ज़ि अच़िया यहुदी महासभा मीहतिंङ कुई, “खंणुई अतिंङ केहच़ी जेलो अन्द्रेग बंद लहसी तातेन, दोरे मीहरे यहुदी मंदिरो ल्वाड़िंङ खड़े शुचे मीहतिंङ शिक्षा रंड्री लेह्की तोतोर।”

प्रेरित 8:14

अंऊ मुक्का प्रेरिता ज़ि अंऊ यरूशलेम शहरंङ तोईरे, रेड्रीर कि सामरिया प्रदेशो मीहच़ी परमेश्वरो बचन ग्रहण लेह केहतोर ता पतरस ए यूहन्ना बि दोतु कछंङ च़रतिर।

गलातियों 2:9

अंऊ मीहरे कलीसिया ओ अगुवा समझेक्च़ातंई, मतलब याकूब, बरनबास, कैफा ए यूहन्ना, दोच़ी मोह्ड़े दाह ओ दू वाईदा सेहच़ी चरच़ातोर अंऊ गिह्बी खोकसा तोह। दोच़ी हेंदंङ साते गुह्ट्र मिलाके दि कंङातोर कि दोरे हेंदंङ साते राजी तोईरे। दोरे दि गप्पो थल्जी राजी शुईरे कि हेनर ऊईजाति तु कछंङ रूठे खबर सुनाएच़िमी थल्जी योंई दंङ दोरे यहुदी तु कछंङ।