प्रेरित 27:1 - लाहौली बाइबिल

¹ अपेहल फेस्तुस राज्यपालो दोरच़ी दि फेंसला शुई, कि ञेंतिंङ जहाज़ो दोरच़ी इतालिया देशो हखा इबि तोह, दोहपल दोच़ी पोलुस ए ऊई बंदीतिंङ यूलियुस सुबेदारो गुह्ड़िङ सोंपेंगी च़रतिर। दुह सेनिकातु इच्च़ा झुण्डो सुबेदार तोहई अंऊ ओगुस्तुस महाराजा ओ तोहई।

प्रेरित 27:1 Iomraidhean Croise

मत्ती 27:54

दंङ सुबेदारे अरी दोहरंङ पहरा रंड्रा तेर थूञलऐ छिल्ला शुहते दुह खंऐ महसे वैऐ इलिरे दंङ कुह्तोर, दिह “हेले दी मीह, परमेश्वरो योह यीशु तोहई।”

लूको 23:47

दंङ सेनिकातु मुख्या दिह भत्ते धिर खांई परमेश्वरो तारीफ लहरी, दंङ कुंई, “हेले दिह मीह धर्मी तोहई।”

लूको 7:2

दोर तिंङ रोमी सेनिकातु सुबेदारो इच्च़ा परगर अंऊ दोऊ प्यारे तोहई, दुह धोंण टेहची तोहई कि सी मी तोहई।

प्रेरित 10:1

केसरिया शहर कुरनेलियुस मिंदंङ इच्च़ा मीह तोहई, अंऊ इतालियानी मिंदंङ पलटनो सुबेदार तोहई।

प्रेरित 10:22

दोच़ी कुईर, कुरनेलियुस सुबेदारे अंऊ धर्मी ए परमेश्वरो बेह्द चेहच़ा दंङ भत्ते यहुदी मीहतु बिचंङ दुह इच्च़ा इज्ज़तदार मीह तोह, दोई इच्च़ा पवित्र स्वर्गदूतो दोरच़ी दिह हुकुम खोकसिरी, कि कनिंङ एनोह घरबारंङ बुलाके कांह दोरच़ी शिक्षा रेड्रोंई।

प्रेरित 16:10

दोऊ दि दर्शन खंड्रिमी थल ञेंहच़ी मकिदुनिया प्रदेश इबिमी विचार लहरी, दि ञेंए कि परमेश्वरे दोतिंङ रूठे खबर सुनाएच़िमी थल्जी बुलाच़ी शुह।

प्रेरित 18:2

दंङ दोहर दोबि अक्किला मिंदंङ इच्च़ा यहुदी मीह दोरिह, अतु जन्म पुन्तुस प्रदेशंङ शुहचे तोहई अंऊ इच्च़ा रोमी प्रदेश ला तोहई; दंङ एनोह मेच़ा प्रिस्किल्ला रंङ साते इतालिया प्रदेशो दोरच़ी अंज़े तोहई, छना कुचे महाराजा क्लौदियुसे भत्ते यहुदी मीह तिंङ रोमो दोरच़ी हुंच़िमी हुकुम रांहषी तते, पोलुस दोतंङ साते दोहई इलि।

प्रेरित 19:21

अपेहल दिह गप्पा शुहचे इलि ता पोलुसे मकिदुनिया ए अखाया प्रदेशो विशवासी तंङ साते जोवा थल यरूशलेम शहरो हखा इबिमी थल गिह्बी रोम शहरो हखा खंड्री ज़रूरी तोह।

प्रेरित 21:32

दोऊ थल दोई सुबेदारे ए सेनिका तिंङ बुलाके च़रति दंङ मंदिरो पोड़ीओ दोरच़ी ज़रका रें तकसिरी दंङ मंदिरो ल्वाड़ी रिंङ मीहतु भीड़ो हखा ज़रका रेंई, दंङ मीहतु भीड़ ए रोमी सरकारो सुबेदार सेनिकरे खंड्रा पोलुस बि घाह केट्री बंद लहरिर।

प्रेरित 22:26

सुबेदारे ए दि रेड्रा सेनिकातु सरदारो कछंङ इलजे कुई, “केई दि छि लहज़ातन? दि ता रोमी मीह शुह।”

प्रेरित 23:11

दू ए रातारिंङ प्रभु यीशु ज़ि पोलुस कछंङ खड़े शुहचे कुई, “हे पोलुस, याहऊ तौऊ; छना कुचे, छना ठ्रोह केई यरूशलेम शहरंङ गिऊ गवाही रांहषी तातन, ध्वांए कनिंङ रोम शहरारिंङ ला गवाही रंड्री लेह्पोतो।”

प्रेरित 23:17

पोलुसे सुबेदारा तु बिचंङ ज़ि इदि बि एनोह कछंङ बुलाके कुई, “दि छ़ोकरा बि रोमी सेनिकातु मुख्या कछंङ रेंज़ा शिलांई, दि दोरंङ साते छा कुट्रिमी ततो।”

प्रेरित 24:23

दंङ सुबेदारा बि हुकुम रेंई, कि पोलुसा बि रखवाली रिंङ तोह, पर ऊई कैदी तु ठ्रोह ए व्यवहार लंहि। दिऊ अलावा, दोबि पोलुसा बि दोऊ मित्रा तु बिचंङ अतिंङ ला दोऊ सेवा लहज़िमी थल्जी मना थालोहू।

प्रेरित 25:12

दोहपल फेस्तुसे मंत्री तु सभारंङ साते गप्पा लेह जबाब रेंई, “केई महाराजा दोरच़ी न्याय लहज़िमी मांग लहज़ातन, झांह लेह कांह महाराजा ओ कछंङ ए योन।”

प्रेरित 25:25

पर गेह दि ञेंए केहरी कि दोई झांह ठ्रोह छल्ले माह लहरी कि दू सचे केओनि; दंङ अपेहल दोई एनेह महाराजा ओ तुईज़ी मुकदमो गप्पा लहरी, दिऊ थल्जी गेह दोबि रोम शहरंङ च़रच़िमी फेंसला लहरिगा।

प्रेरित 27:11

पर सुबेदारे कप्तान ए जहाज़ो मालिको गप्पा पोलुस गप्पा बे बढ़कर ञेंहरी।

प्रेरित 27:43

पर सुबेदारे पोलुस बचाच़िमी हिटी रें दोबि दि विचारो थल्जी रुमज़ी लहरी दंङ दि कुई, कि तुहई छवाह रंड्रा कुंणीरिंङ अच्च़ा ईला।

प्रेरित 27:6

दोहर सुबेदारे ए सिकंदरिया शहरो इच्च़ा जहाज़ इतालिया देश हखा इबि खोकसिरी, दंङ दोई हेन्दिंङ दू टोईच़ी चढ़ाके केहरी।

प्रेरित 28:1

अपेहल ञेंरे रूठे रंङ मुखंङ पिच़ि इलिन, दंङ ञेंहतिंङ पता लेहती कि दि टापू मिन माल्टा शुह।

प्रेरित 28:16

अपेहल ञेंरे रोम शहरंङ पिरिनि, दंङ पोलुसाबि एनोह च़ुम किराया रिंङ लेहपच़िमी इजाज़त खोकसिरी इच्च़ा सेनिका बि दोऊ रखवाली लहज़िमी हुकुम खोकसिरी।

इब्रानियों 13:24

केनातु भत्ते अगुवा ए परमेश्वरो मीहतिंङ गिऊ नमस्कार कुंई। इतालिया देशो विशवासी रे केतिंङ नमस्कार कुट्रातोर।