प्रेरित 26:5 - लाहौली बाइबिल

⁵ अगर दोरे गवाही रंड्री जुन्ज़ातोर, दंङ दोच़ी कुहच़ी तरपोर कि गिऊ बाड़ेकतर बेहच़ी गेह घेंङौ धर्म ए रीति-रिवाज़ो महस भाषे लहज़ातग छना कुचे गेह फरीसी तु शुगाह, अंऊ ञेंहतु धर्मो भत्ते बे कट्टर दल तोह।

प्रेरित 26:5 Iomraidhean Croise

प्रेरित 15:5

पर फरीसी मीहतु दलो बिचंङ अंऊ दोच़ी बिशवास लहतेर, दोतु बिचंङ च़ि थोड़े अरे मीहज़ी खड़े शुहचे कुट्री लेहतिर, “ऊईजाति बि खतना लहज़िमी थल्जी ए मूसा ऊई ला कानूनो मनेकच़िमी थल्जी हुकुम रंड्री जूंस।”

प्रेरित 22:3

गेह ता यहुदी शुगाह, गिऊ जन्म किलिकिया प्रदेशो तरसुस शहरंङ शुहचे शुह; पर दि शहरा रिंङ गमलीएल गुरूओ कोंज़ो कछंङ बंङज़ा शिक्षा ग्रहण लहरिग, दंङ बाह मेमेतु कानून ला रूठे रंङ सिखेक्सा इलिग; दंङ गेह परमेश्वरो थल्जी झांह ठ्रोह जोशिला तोईगा, छना केरे भत्तेर हेंतेग तोतोंई।

प्रेरित 22:5

दि गप्पो गवाह यहुदी महापुरोहित ए महा सभा ओ भत्ते सेंहणा रे कि दोतु बिचंङ च़ि गेह यहुदी न्वा तु थल्जी डाक रेंज़ा गेह दमिश्क नगरो हखा इबि लेहकी तोईग, ताकि अंऊ दोर्तिंङ मसीह मीहरे तोतोर दोतिंङ सज़ा रंड्रीमी थल्जी छ़ुहचे यरूशलेम शहरो हखा हपोग।

प्रेरित 23:6

अपेहल पोलुसे दि ञेंई च़रति, कि यहुदी सभा ओ रै मीहरे सदूकीङ रे फरीसी तोतोर, दंङ दोई हाऊष रें कुई, “हे न्वारे, गेह फरीसी दंङ फरिसीतु खानदानो शुगाह, गिऊ मुकदमा दिऊ थल्जी शुहबी लेहकी तोह छना कुचे गिऊ बिशवास तोह कि परमेश्वरे सिए इलजे मीहतिंङ यच़ाह श्रींङमी लोहतो।”

प्रेरित 24:14

पर गेह केहतु तुईज़ी दि गप्पा मनेक्च़ातेग, कि गेह मसीहू शिक्षा ओ हिसाबे घेंङौ बाह-मेमेतु परमेश्वरो सेवा लहज़ातग, अंऊ यहुदी अगुवा तु हिसाबे सही माह। दंङ अंऊ गप्पारे कानून ए भविष्यवक्तातु कताबंङ च़ेहसी तोह, गेह दू भत्ते तु टोईच़ी विशवास लहज़ातग।

प्रेरित 24:5

छना कुई ञेंहच़ी ञेंच़ातंई कि दि मीह संसारो भत्ते यहुदी तु बिचंङ झगड़ा लहज़ा ए कुवाद लहज़ा दंङ दुह इच्च़ा झांह ठ्रोह कोमो मुखिया तोह अंऊ नासरत नगरो इच्च़ा मीहू हप्सी शिक्षा ओ भाषे लहज़ा।