प्रेरित 26:4 - लाहौली बाइबिल

⁴ भत्ते यहुदी गिह्बी बाड़ेकतर बेहच़ी ञेंहच़ातोर। दोच़ी दि ला ञेंहच़ातोर छना कुचे गेह लगातार घेंङौ प्रदेशा रिंङ ए यरूशलेम शहरा रिंङ दोतंङ साते बंङज़ातेग।

प्रेरित 26:4 Iomraidhean Croise

प्रेरित 22:3

गेह ता यहुदी शुगाह, गिऊ जन्म किलिकिया प्रदेशो तरसुस शहरंङ शुहचे शुह; पर दि शहरा रिंङ गमलीएल गुरूओ कोंज़ो कछंङ बंङज़ा शिक्षा ग्रहण लहरिग, दंङ बाह मेमेतु कानून ला रूठे रंङ सिखेक्सा इलिग; दंङ गेह परमेश्वरो थल्जी झांह ठ्रोह जोशिला तोईगा, छना केरे भत्तेर हेंतेग तोतोंई।

प्रेरित 24:14

पर गेह केहतु तुईज़ी दि गप्पा मनेक्च़ातेग, कि गेह मसीहू शिक्षा ओ हिसाबे घेंङौ बाह-मेमेतु परमेश्वरो सेवा लहज़ातग, अंऊ यहुदी अगुवा तु हिसाबे सही माह। दंङ अंऊ गप्पारे कानून ए भविष्यवक्तातु कताबंङ च़ेहसी तोह, गेह दू भत्ते तु टोईच़ी विशवास लहज़ातग।

गलातियों 1:13

न्वारे केहच़ी ञेंहच़ातंई कि अपेहल गेह यहुदी धर्मो भाषे ए लहज़ातेग, दंङ छना श्रींङमातेग। गिऊ महसे साथी अंऊ गिऊ उम्रो तोईरे, पर गेह दुह भत्ते बे तुंखा तोईगा। छना कुचे गेह घेंङौ बाह-मेमेतु रिति रिवाज़ो भत्ते सेहमे भाषे लहज़ातग। दू टेमारिंङ यीशु थलेच़ि ज़ोज़ा दोरे अंऊ परमेश्वरो अराधना लहज़ातेर, सताच़िमी थल्जी हुंच़ा तोहई, गेह दू भत्ते तिंङ नाश लहज़िमी कोशिश लहरी। पर दोहपल परमेश्वरे फेंसला लहरी कि एनोह योह बि गिऊ टोईच़ी प्रगट लोहतो, ताकि गेह ऊईजाति मीहतु बिचंङ यीशु पाहठी प्रचार लेह तरपोग। परमेश्वरे ए तोह अच़ि गिह्बी जेह्कपिमी तुहई अंङे चरच़ाते, दंङ एनोह मोह्ड़े दाह ओ दोरच़ी दोई गिह्बी एनोह सेवाओ थल्जी बुलाके चरच़तो, अपेहल यीशु ज़ि एनाबि गिऊ टोहकठे प्रगट लहरी, दंङ दू मुक्का गेह सलाह लेहप्च़िमी थल्जी अतु कछंङ ला मेलिगा।

फिलिपियों 3:5

गिऊ जेह्कपिमी थल रेह ध्याड़ो थल गिऊ खतना शुई, छना परमेश्वरो हुकुम तोहई, दंङ गेह जेह्कपिमी मुक्का बे इस्राएली शुगाह, दंङ बिन्यामीनो गोत्रो शुगाह; दंङ गेह पक्‍का यहुदी शुगाह; गिऊ बाह-मेमेर ला यहुदी तोईरे। अगर मूसा ओ कानून मनेक्च़िमी गप्पा तोह ता गेह फरीसी शुगाह।

2 तीमुथियुस 3:10

पर हे तीमुथियुस, केई रूठे रंङ ञेंहच़ातन कि गेह छि सिखाक्च़ातग, दंङ छना श्रींङमातग, ज़िंदगी रिंङ गिऊ मकसद छि तोह दंङ गेह छि विशवास लहज़ातग। केई ञेंहच़ातन कि गेह धीरज़ तहज़ातग, दंङ भत्ते मीहतंङ साते दाह लहज़ातग, गेह मुसीबत सहन लाहतेर,