प्रेरित 26:2 - लाहौली बाइबिल

² “हे रज्ज़ा अग्रिप्पा, अंयों गप्पो पाहठी यहुदी अगुवा ज़ि गिऊ टोईच़ी दोष लगाएच़ातोर, तोग कनु तुईज़ी दोतु जबाब रंड्रीमी थल्जी गेह घेंङौ बि धन्य चेहच़ातग”

प्रेरित 26:2 Iomraidhean Croise

मत्ती 10:19

पर अपेहल दोच़ी केरे च़ुमने लोहर ता दिह चिंद थालांई कि ञेंहच़ी छना छि कुंई; छना कुचे केतिंङ छिल्ला कुट्रिमी शोतो दुह केतिंङ कंड्रे च़रपोर।

लूको 12:11

“अपेहल मीहरेर केतिंङ यहुदी सभा घरबारारिंङ ए अधिकारितु तुईज़ी रेंज़ा शोर, दुह मुका चिंद थाह लांही कि ञेंहच़ी छी जुबाब रमोंई।

लूको 21:12

पर दिह गप्पा बे तुहई दोच़ी गिऊ मिन्दु बजाहच़ि केतिंङ चुमोर, बरदो रमोर ए यहुदी सभा घरबारंङ रेंज़ा शोर, जेलंङ केओर, दंङ रज्ज़ातु ए हाकिमो तुईज़ी शोर।

प्रेरित 25:26

पर गेह दोऊ पाहठी महाराजा चेहच़िमी थल्जी छल्ले गप्पा ठीक माह खोकसिरी, झांह लेह गेह दोबि केहतु तुईज़ी ए खास लहज़ी, “हे रज्ज़ा अग्रिप्पा” कनु तुईज़ी हासी शुह, कि जांच लहज़िमी थल गिह्बी छा चेहच़िमी थल्जी खोकसोतो।

प्रेरित 26:1

रज्ज़ा अग्रिप्पा ज़ि पोलुसरंङ साते कुतोह, “कनिंङ कनु बचावो थल्जी कुट्रिमी हुकुम तोह।” दिरंङ पोलुसे एनोह गुह्ट्र खेका लेह दोतिंङ चुपे बंङज़िमी इशारा रंड्री लेहती, दंङ एनोह बचावो थल्जी कुट्री शुरू लहरी।

प्रेरित 26:19

“दंङ हे रज्ज़ा अग्रिप्पा, गेह दू स्वर्गीय दर्शनों भाषे लहरिगा।”

प्रेरित 26:26

रज्ज़ा ला अतु तुईज़ी गेह निडर शुहचे कुट्री लेहकी तोतोग, दि गप्पारे ञेंहच़ा; दंङ गिह्बी विशवास तोह, कि दि गप्पा ज़ि छिल्ला दोऊ दोरच़ी व्याके माह, छना कुचे दिरे घटना गुप्तारिंङ माह शुई।

प्रेरित 26:3

छना कुचे केहच़ी यहुदी तु भत्ते प्रथा ए कुवाद रूठे रंङ ञेंच़ातेंई। “झांह लेह गेह केतंङ धीरज़ तहज़िमी बिनती लहज़ातग। शबस अंऊ गप्पा गेह कुट्रातग, दोबि रेड्रुंई।”

प्रेरित 26:7

ञेंहतु सनी गोत्र एनोह भत्ते सेहमंङ ज़ि रात-दिन परमेश्वरो सेवा लहज़ी लेहकी तोतोर। परमेश्वरा रंङ साते इच्च़ा वाईदा पूरा लहज़िमी उम्मीद तोह। हे रज्ज़ा, दि झांह तोह छना कुचे गिऊ विशवास तोह कि परमेश्वरे यीशु बि यह्च़ा श्रींङमी लेह च़रति दंङ दिए हेंदु आधार शुह, उम्मीद तोह कि दुह ला सिए दोतिंङ श्रींङे लेह च़रपोतो, ठीक दिए उम्मीद ओ यहुदी गिऊ टोईच़ी दोष लगाएच़ातोर।