प्रेरित 26:16 - लाहौली बाइबिल

¹⁶ पर केरे अच़ुई, केनातु कोंज़ो टोईच़ी खड़े शुई; छना कुचे गेह केतिंङ घेंङौ सेवक बणाषिमी थल्जी प्रकट शुहसी शुगाह। केतिंङ कंड्री जुंशी तोह कि केहच़ी गेह तंङषे शुई, दंङ दि ला कंड्रुंई कि गेह केतिंङ तुंखा अंजा ध्याड़ा रिंङ छि कमोग।

प्रेरित 26:16 Iomraidhean Croise

लूको 1:2

छना कि दोच़ी ठीक ध्वांए च़ेआतो अंऊ ञेंतिंङ दुह मीहतु दोरच़ी कांहषी तोहई, अच़ि दोबि यीशु सेवकाईओ शुरुवात बेहच़ी खांषी तातेर दंङ अंऊ थले परमेश्वरो बचनो सेवक बणेंक इलिर।

प्रेरित 1:17

छना कुचे दुह ता ञेंहतु बिचंङ च़ि इच्च़ा तोहई, दंङ दिह सेवा ओ कमो टेमा रिंङ ञेंतंङ साते तोहई।

प्रेरित 1:25

ताकि दि सेवा ओ कमारिंङ कम ए प्रेरित ओ ठहरि लेह्पोतो, अंऊ सेवकाई केट्रा यहूदा हेंदु दोरच़ी ऊईतार अच्च़ा इलि। अंऊर दोबि शुहबी जुंशी तोहई।

प्रेरित 20:24

पर गिह्बी दि गप्पो छल्ले फर्क माह पढेक्पा, कि मीहच़ी गिह्बी घाह केट्रातोर, अगर गेह तुहई बेहच़ी दुह कम पूरा लोहग अंऊ प्रभु यीशु ज़ि गिह्बी लहज़िमी थल्जी कुहषी ततो। दोई गिह्बी मीहतिंङ रूठे खबर सुनाएच़िमी थल्जी अंङषी ततो। परमेश्वरे हेंदु थल्जी दुह कम लहज़ा हेंदिंङ बचाएच़ा अंऊ दोऊ हेनर जोगे माह तोईनि।

प्रेरित 21:19

दंङ पोलुसे दोतिंङ नमस्कार लेह, अंऊ-अंऊ कम परमेश्वरे दोऊ सेवाऊ दोरच़ी ऊईजाति मीहतु बिचंङ लहसी तते, इच्च़ा-इच्च़ा लेह भत्ते दोतिंङ कंङे च़रति।

प्रेरित 22:10

दंङ गेह कुईगा, हे प्रभु गेह छि लोहग? प्रभु ज़ि गिऊ हखा कुई, खड़े अच़ा दमिश्को हखा इला, दंङ अंऊ ला धिर कांह लहज़िमी थल्जी ठहरासी तोह दोर्तिंङ कनिङ भत्ते कम्बोतो।

प्रेरित 23:11

दू ए रातारिंङ प्रभु यीशु ज़ि पोलुस कछंङ खड़े शुहचे कुई, “हे पोलुस, याहऊ तौऊ; छना कुचे, छना ठ्रोह केई यरूशलेम शहरंङ गिऊ गवाही रांहषी तातन, ध्वांए कनिंङ रोम शहरारिंङ ला गवाही रंड्री लेह्पोतो।”

प्रेरित 26:15

गेह कुईगा हे प्रभु, कांह अरि शुनाह? प्रभु ज़ि कुतोह, गेह यीशु शुगाह, अंऊ दोबि केई तंग लहज़ातन।

प्रेरित 6:4

पर हेनर ता प्रार्थना, बचनो प्रचार दंङ शिक्षा रंड्रा लोहनी।

रोमियो 1:5

मसीहू दोरच़ी गिह्बी मोह्ड़े दाह ए प्रेरिताई ओ सेवकाई परमेश्वरो दोरच़ी रांहषी तोह, ताकि दोऊ मिन्दु बजाहज़ि भत्ते जातिऊ मीहरे मसीहू टोहकठे विशवास लोहर दंङ दोऊ हुकुम मनेक्पोर,

रोमियो 15:16

कि गेह ऊईजातितु मीहतु थल्जी इच्च़ा यहुदी पुरोहितो ठ्रोह परमेश्वरो दोरच़ी खोकसी रूठे खबरो सेवा लहज़ातग; अतिंङ ऊईजाति मीहरे पवित्र आत्माओ दोरच़ी शत्‌ह लहसी परमेश्वरो थल्जी ग्रहणो जोगे तग बणेंके योतो।

2 कुरिन्थियों 4:1

झांह लेह अपेहल हेंदु टोहकठे झांह ठ्रोह दया शुई, कि हेंदिंङ परमेश्वरो रूठे खबर प्रचार लहज़िमी सेवकाई खोकसिरी, दंङ हेंज़ी अपेहल ला हार माह खोकपोंई।

2 कुरिन्थियों 5:18

दि भत्ते गप्पारे परमेश्वरो दोरच़ी शुह, अच़ि मसीहू दोरच़ी ऐनारंङ साते मेल-मिलाप लेह केहरी, दंङ दोई हेंदिंङ दोऊ ए ऊईतु बिचंङ शांति कायम लहज़िमी कम रांहषी ततो।

गलातियों 1:12

छना कुचे गेह दू घेंङौ बाह-मेमे ओ दोरच़ी सिखेसी माह शुगाह दंङ माह ए अच़िया धर्मिक ज्ञानी ज़ि गिह्बी सिखासी शुह। पर एनोह ए यीशु मसीह ज़ि दोबि गिऊ टोईच़ी प्रगट लहरी।

गलातियों 2:2

गेह दोर दिऊ थल्जी इलिगा छना कुचे परमेश्वरे गिह्बी इबिमी थल्जी कुहते। दंङ अपेहल गेह दोर तोईग दंङ गेह अगुवा तंङ साते सामटे ठ्रोह दोहरिगा दंङ दोतिंङ दू रूठे खबरो पाहठी कंड्रीगा अंऊ गेह ऊईजाति तु बिचंङ प्रचार लहज़ी लेहकी तोईगा। ताकि झांह शुहबी मेस, कि गिऊ दि टेमो या थलेकी दू मेहनत शुहके शोतो।

इफिसियों 3:3

अति गेह दि पाहठी तुहई ए थोड़े अरे च़ेऐ च़रचातेग, कि परमेश्वरे एनेह ए गुप्त भेद बि गिऊ टोईच़ी प्रगट लहरी।

कुलुस्सियों 1:23

पर केतिंङ विशवासा रिंङ इच्च़ा मुयांदो ठ्रोह पक्‍का शुहबी जूंस, दंङ दुह उम्मीदा बि अंऊ केहतु कछंङ तोह केतिंङ अपेहला छोड़ेक्च़ी माह जूंस अंऊ हेंतेग हेंदु कछंङ तोह छना कुचे हेंज़ी दुह ए रूठे खबरो टोहकठे विशवास लहज़ातंई, अतु प्रचार भत्ते धरतीऊ मीहतु बिचंङ लहसी तोह; दंङ अतु गेह पोलुस, सेवक बणेक्तिग।

कुलुस्सियों 1:25

परमेश्वरे गिह्बी दिऊ थल्जी अंङषी शुह कि दोऊ बचन रूठे रंङ सिखाएपोग दंङ दोऊ थल्जी गेह कलीसियाओ सेवक बणेंके इलिग।

कुलुस्सियों 1:7

दोऊ ए शिक्षा केहच़ी ञेंहतु प्यारे साथी इपफ्रास दोरच़ी सिखेच़ातंई, अंऊ हेंदु थल्जी मसीह विशवासो जोगे सेवक तोह।

1 थिस्सलुनीकियों 3:2

दंङ ञेंहच़ी तीमुथियुसबि केहतु कछंङ च़रतिन, अंऊ मसीहू रूठे खबरारिंङ ञेंहतु न्वा ए परमेश्वरो सेवक तोह। ताकि दोई केतिंङ विशवासरिंङ पक्‍का लोहतो, दंङ लगातार विशवास लहज़िमी थल्जी उत्साहित लोहतो।

1 तीमुथियुस 1:12

गेह घेंङौ प्रभु यीशु मसीहू धन्यवाद लहज़ातग, अच़ि गिह्बी बल रांहषी ततो, दंङ गिह्बी विशवासो जोगे चेहके एनोह सेवा ओ थल्जी अंङे चरच़तो।

1 तीमुथियुस 4:6

अगर कांह भत्ते विशवासीतिंङ लगातार दि हिद गप्पा सिखाएपोंई कि अतु गेह कनिंङ सिखाएकातग, दंङ कांह विशवासो खबरो दोरच़ी ए रूठे शिक्षाओ दोरच़ी पक्‍का लेह केहनि, अतिंङ केई मनेक्च़ातंई, दंङ कांह यीशु मसीहू इच्च़ा रूठे सेवक शुनाह।

2 तीमुथियुस 4:5

पर कांह भत्ते गप्पातिंङ खबरदार बंङज़ु, धीरज़ारंङ दुख सहन लोह दंङ रूठे खबरो प्रचार लोहवा लोह दंङ प्रभु सेवक शुहबिमी रंङ साते केनोह ज़िम्मेवारी पूरा लोह अंऊ प्रभु ज़ि कनिंङ रांहषी ततो।