प्रेरित 26:11 - लाहौली बाइबिल

¹¹ दंङ भत्ते यहुदी सभो घरबारंङ गेह दोतिंङ ताड़ना रें यीशु बुराई लहज़ा तेग, देर तचेक कि रोहष झांह ठ्रोह अपाते कि गेह रोहषे बमज़े ते दोतु नगरंङ इलजे दोतु टोईच़ी अत्याचार लहज़ातेग।

प्रेरित 26:11 Iomraidhean Croise

मत्ती 10:17

केतिंङ खबरदार बंङज़ी जूंस; बैरीर केहतु खिलाप योर दोच़ी केहरे पंचायतंङ, कोर्टंङ च़ुमने शोर दंङ केतिंङ यहुदी सभा घरबारंङ तेंङे च़रपोर।

मरकुसो 13:9

“केतिंङ खबरदार बंङज़ी जूंस; बैरीर केहतु खिलाप योर दोच़ी केरे पंचायतंङ, कोर्टंङ च़ुमने शोर दंङ केतिंङ यहुदी सभा घरबारंङ तेंङे च़रपोर। गिऊ बज़हज़ि मोह्ड़े-मोह्ड़े रज्ज़ा ए, हाकिम केहतु पुछताछ लोहर। केहच़ी दोतु तुईज़ी गिऊ पाहठी गवाही रमोनी।

मरकुसो 3:28

गेह केतंङ साते हेले कुट्रातग कि मीहतु दोरच़ी लहच़ी भत्ते पाप दंङ बुराई अंऊ दोई परमेश्वरो खिलाप लहज़ा, दुह परमेश्वरे माफ शोतो,

लूको 15:17

अपेहल दोबि समझ अति दंङ कुट्री लेहती; गिऊ बाहो अंयों मज़दूर तोतोर अंऊ खुकटुंङ पिंङे बगत ज़ोवातोर पर गेह देर्तिंङ योंहष ए सीए लेहकी तोतोग।

लूको 21:12

पर दिह गप्पा बे तुहई दोच़ी गिऊ मिन्दु बजाहच़ि केतिंङ चुमोर, बरदो रमोर ए यहुदी सभा घरबारंङ रेंज़ा शोर, जेलंङ केओर, दंङ रज्ज़ातु ए हाकिमो तुईज़ी शोर।

लूको 6:11

पर दोरे महसे रोषेके इलि दंङ एनातु बिचंङ दीह कुट्री लेहतिर कि ञेंहच़ी यीशुरंङ साते छी लोहनी?

प्रेरित 13:45

पर अपेहल यहुदी ज़ि भीड़ खंईरे दंङ दोरे महसे रोषेक्सा इलिर। दोरे दोऊ गप्पा ओ बुराई लहज़ी लेहतिर कि पोलुस छि कुट्री लेहकी तोह दंङ दोरंङ साते कुवाद लहज़ी लेहतिर।

प्रेरित 18:6

पर अपेहल यहुदी मीहरे पोलुसो खिलाप बुराई लहज़ी लेहती; दुह मुका दोई एनोह खमज़े साफ लेह दोतंङ साते कुई, “परमेश्वरो बचन अस्वीकार लेह वहज़ा ज़ि केरे ए दुह सज़ा ओ ज़िमेवार शुई, अंऊ केतिंङ परमेश्वरो दोरच़ी खोकसोतो! गेह निर्दोष शुगाह। हेंतेग बेहच़ी गेह ऊईजाति तु कछंङ इलजे परमेश्वरो बचनो प्रचार लोहग।”

प्रेरित 22:19

गेह कुईग, ‘हे प्रभु, दोतिंङ ता पता तोह, कि गेह कांह टोहकठे बिशवास लहज़ा तिंङ जेलंङ केट्रा दंङ ठहरि-ठहरि यहुदी सभो घरबारंङ तेंङज़ि लहज़ातेग। दिऊ थल्जी गिह्बी समझ माह अति कि यरूशलेम शहरारिंङ यहुदी मीहरे गिऊ टोईच़ी भरोसा छिला माह लोहर।

प्रेरित 22:5

दि गप्पो गवाह यहुदी महापुरोहित ए महा सभा ओ भत्ते सेंहणा रे कि दोतु बिचंङ च़ि गेह यहुदी न्वा तु थल्जी डाक रेंज़ा गेह दमिश्क नगरो हखा इबि लेहकी तोईग, ताकि अंऊ दोर्तिंङ मसीह मीहरे तोतोर दोतिंङ सज़ा रंड्रीमी थल्जी छ़ुहचे यरूशलेम शहरो हखा हपोग।

प्रेरित 9:1

दिह ए मुक्का रिंङ शाऊल अंऊ हेंतेग तचेक प्रभु यीशु ऊ चेला तिंङ धमकाएच़ी ए दोती सच़िमी साकिम रिंङ तोहई, यहुदी महापुरोहितो कछंङ इलि।

याकूब 2:7

दोरे दुह ए शुरे अंऊ यीशु मसीहू मोह्ड़े मिंदंङ मांजी गप्पा कुट्रातोर, अतंङ साते केहच़ी संबध तहज़ातंई।

2 पतरस 2:16

पर परमेश्वरे बिलाम बि दोऊ मदम कमो थल्जी दोऊ करेटी ओ दोरच़ी फटकार लगाएती। चाहे करेटी ज़ि कुट्री ए माह पर दुह करेटी बिलामो हखा इच्च़ा मीहू ठ्रोह गप्पा लहज़ी लेहती, अपेहल दुह बिलाम बि रज्ज़ा रंङ साते दोईमी थल्जी लादेगी शिलज़ी लेहकी तोहई, दंङ दोई दुह मुक्का परमेश्वरो खबर रंड्रा बिलामा बि बेवकूफी ओ कम लहज़िमी दोरच़ी रोकेकी च़रति।