प्रेरित 26:10 - लाहौली बाइबिल

¹⁰ दंङ गेह यरूशलेमंङ झांह ए लहरिगा; दंङ यहुदी मोह्ड़े पुरोहिता तु दोरच़ी अधिकार खोक्शे महसे परमेश्वरो मीहतिंङ कैदा रिंङ केहच़ी च़रतिगा, दंङ अपेहल दोरे सचे केट्रातेर, दंङ गेह ला दोतु विरोधा रिंङ शामिल शुहचे यवातेग।

प्रेरित 26:10 Iomraidhean Croise

प्रेरित 7:58

स्तिफनुस बि च़ुमनिर दंङ दोबि षोह्के यरूशलेम शहरंङ च़ि धह्तेका हुंच़े रह्घ द्रले केट्री लेहतिर, दंङ स्तिफनुस ओ टोईच़ी दोष लगाएच़ा मीहज़ी एनातु धह्कतेकी खमज़ेर युप्शी ते शाऊल मिंदंङ इच्च़ा छ़ोकरा ओ कछंङ केह्चे च़रतिर।

प्रेरित 8:1

शाऊल, स्तिफनुस ओ हत्या शुहबी रंङ साते पुरा सहमत तोहई। दुहए ध्याड़ा यरूशलेम शहरो कलीसियाओ टोहकठे महसे सताव शुहबी लेहती दंङ प्रेरिता तिंङ केट्रा भत्ते कि भत्ते मीहरे यहुदिया ए सामरिया प्रदेशंङ तितर-बितर शुचि इलिर।

प्रेरित 8:3

पर शाऊल कलीसियाओ मीहतिंङ परेशान लहज़ी लेहकी तोहई; दंङ हर इच्च़ा ओ चुंङ इलज़ा-इलज़ा बिशवासी मीह तिंङ च़ुमने जेलंङ केट्री चरच़ाते।

प्रेरित 9:21

दंङ भत्ते रेड्रा दोरे हेरान शुहचा ते कुट्री लेहतिर, “छि दिह दुह हे मीह माह शुह आ अंऊ यरूशलेम शहरा रिंङ दोतिंङ नाश लहज़ाते अंऊ मसीह यीशु ऊ बिशवासी तोईरे, दंङ देर्तिंङ ला दिऊ थल्जी अंज़े तोहई, कि दोतिंङ बन्दी लहज़ा यहुदी मोह्ड़े पुरोहिता तु कछंङ रेंज़ा शोतो?”

प्रेरित 9:26

शाऊल यरूशलेम शहरंङ इलि दंङ दोई चेला तंङ साते शामिल शुहबिमी कोशिश लहरी, पर भत्ते दोरंङ साते बेवातेर, छना कुचे दोतिंङ बिशवास माह शवाते कि दुह ला चेला शुह।

प्रेरित 9:32

दंङ झांह शुई कि पतरस दुह भत्ते प्रदेशंङ जोज़ा, दुह परमेश्वरो मीहतु कछंङ दोईमी थल्जी इलि, अंऊ लुद्दा इलाकंङ बंङज़ा तोईरे।

प्रेरित 9:41

दोई गुड़ रेह दुह खड़े लहरी, दंङ पवित्र मीहतिंङ ए रंणी मेच़िमी रे बुलाके दुह श्रींङे कंङे च़रति।

1 कुरिन्थियों 15:9

छना कुचे गेह प्रेरिता तु बिचंङ भत्ते बे कम खास शुगाह, हेले कोहग ता गेह प्रेरित कुट्रीमी जोगे ला माह शुगाह, छना कुचे गेह परमेश्वरो टोईच़ी विशवास लहज़ा मीहतिंङ तंग लहज़ातेग।

गलातियों 1:13

न्वारे केहच़ी ञेंहच़ातंई कि अपेहल गेह यहुदी धर्मो भाषे ए लहज़ातेग, दंङ छना श्रींङमातेग। गिऊ महसे साथी अंऊ गिऊ उम्रो तोईरे, पर गेह दुह भत्ते बे तुंखा तोईगा। छना कुचे गेह घेंङौ बाह-मेमेतु रिति रिवाज़ो भत्ते सेहमे भाषे लहज़ातग। दू टेमारिंङ यीशु थलेच़ि ज़ोज़ा दोरे अंऊ परमेश्वरो अराधना लहज़ातेर, सताच़िमी थल्जी हुंच़ा तोहई, गेह दू भत्ते तिंङ नाश लहज़िमी कोशिश लहरी। पर दोहपल परमेश्वरे फेंसला लहरी कि एनोह योह बि गिऊ टोईच़ी प्रगट लोहतो, ताकि गेह ऊईजाति मीहतु बिचंङ यीशु पाहठी प्रचार लेह तरपोग। परमेश्वरे ए तोह अच़ि गिह्बी जेह्कपिमी तुहई अंङे चरच़ाते, दंङ एनोह मोह्ड़े दाह ओ दोरच़ी दोई गिह्बी एनोह सेवाओ थल्जी बुलाके चरच़तो, अपेहल यीशु ज़ि एनाबि गिऊ टोहकठे प्रगट लहरी, दंङ दू मुक्का गेह सलाह लेहप्च़िमी थल्जी अतु कछंङ ला मेलिगा।

इफिसियों 1:1

गेह, पोलुस, दि डाक चेह्ची लेहकी तोतग। गेह परमेश्वरो हिटी ऊ हिसाबे यीशु मसीहू प्रेरित शुगाह, गेह दि डाक इफिसुस शहरो बंङज़ा परमेश्वरो मीहतिंङ चेहच़ातग, अंऊ मसीहू यीशु थल्जी वफादार तोह।

प्रकाशित वाक्य 17:6

दंङ गेह खंईगा कि दुह मेच़िमी परमेश्वरो मीहतु शुहई ओ नशा रिंङ तोहई, मतलब दुह मीहतु अंऊ दोतिंङ मीहच़ी सच़ी च़रतिर छना कुचे दोरे यीशु पाहठी विशवासो जोगे तोईरे। दोबि खंड्रा गिह्बी महस हेरानी शुई।