प्रेरित 24:5 - लाहौली बाइबिल

⁵ छना कुई ञेंहच़ी ञेंच़ातंई कि दि मीह संसारो भत्ते यहुदी तु बिचंङ झगड़ा लहज़ा ए कुवाद लहज़ा दंङ दुह इच्च़ा झांह ठ्रोह कोमो मुखिया तोह अंऊ नासरत नगरो इच्च़ा मीहू हप्सी शिक्षा ओ भाषे लहज़ा।

प्रेरित 24:5 Iomraidhean Croise

मत्ती 10:25

दिह झोबड़ी शोतो कि चेला एनोह गुरु बराबर शोतो, दंङ परगरो एनोह मालिको बराबर; अगर दोच़ी घरबारो घ्याता बि मांजी आत्माओ मुख्या, शेतान कुहषी ततोर, अगर दोच़ी गेह चुंङो मालिकारंङ साते मांजी व्यवहार लोहर दंङ दोबि लाह मांजी व्यवहार चुंङी टबरारंङ साते लाह लोहर।

मत्ती 2:23

दंङ नासरत मिंदंङ नगरंङ इलजे बसेके इलि, ताकि वचन पुरे शुहबी जूंस, अंऊ भविष्यवक्ताज़ि यीशु पाहठी कांहषी तहरेर: “दुह नासरी कहलाहएपोतो।”

मरकुसो 1:24

“हे नासरत ओ यीशु, ञेंतिंङ करंङ साते छी कम? छि केई ञेंतिंङ सच़िमी थल्जी अन्देन आ? गेह का सेका, का अरी शुनाह? का परमेश्वरो पवित्र योह।”

लूको 23:19

बरअब्बा बि इलाकंङ मीहतु बिचंङ फूट केहट्री ए हत्या लहज़िमी थल्जी जेलंङ केहषी तोहई।

लूको 23:2

दंङ दोरे दिह कुचे यीशु मसीहू टोहकठे दोष लगाएच़ी लेहतिरे कि; “दिह ञेंहतु मीहतिंङ भड़काएच़ा दंङ महाराजा बि कर रंड्रीमी थल्जी इंकार लहज़ा।”

लूको 23:25

दंङ पिलातुसे मीहतु हिटीऊ हिसाबे दुह मीह रिहा लेह केई अरी फूट, झगड़ा ए मीह सच़िमी बजाहज़ि कैद तोहई; दंङ यीशु बि दोतु हिटीऊ हिसाबे रेंऐ च़रति।

लूको 23:5

पर दोरे ऊहई लाह पक्‍का शुहचे कुट्री लेहतिरे, “दिह गलील प्रदेशो दोरच़ी देर्तिंङ यहुदिया प्रदेशो भत्ते मीहतु बिचंङ एनोह शिक्षा ओ दोरच़ी लड़ाई झगड़ाओ बजह बणेक्पी लेहकी तोह। दिह गलील प्रदेशंङज़ि शुरू लहतो दंङ देर तचेक अच़ा अंजा।

प्रेरित 15:5

पर फरीसी मीहतु दलो बिचंङ अंऊ दोच़ी बिशवास लहतेर, दोतु बिचंङ च़ि थोड़े अरे मीहज़ी खड़े शुहचे कुट्री लेहतिर, “ऊईजाति बि खतना लहज़िमी थल्जी ए मूसा ऊई ला कानूनो मनेकच़िमी थल्जी हुकुम रंड्री जूंस।”

प्रेरित 21:28

हे इस्राएल मीहरे, “ञेंहतु मदत लंहि, दि दुह मीह शुह अंऊ इस्राएलो मीहरे ए मूसाओ कानूनो भाषे ए दि मंदिरो पाहठी, भत्ते गंङमी तिंङ सिखाएति कि दि भत्ते मदम तोह। दंङ हेंतेग दुह दि यहुदी मंदिरो ल्वाड़ी ऊई जाति मीहतिंङ हंजे दि पवित्र ठहरि बि अपवित्र लहज़ी लेहकी तोह।”

प्रेरित 22:22

देर तचेक ता मीहज़ी पोलुसो गप्पा ध्यान रंङ साते रेड्रातेर; पर दोहथर जोरे हाऊष रेंईर, “दोबि सचे च़रतुंई; दोऊ श्रींङी बंङज़ी ठीक माह।”

प्रेरित 24:14

पर गेह केहतु तुईज़ी दि गप्पा मनेक्च़ातेग, कि गेह मसीहू शिक्षा ओ हिसाबे घेंङौ बाह-मेमेतु परमेश्वरो सेवा लहज़ातग, अंऊ यहुदी अगुवा तु हिसाबे सही माह। दंङ अंऊ गप्पारे कानून ए भविष्यवक्तातु कताबंङ च़ेहसी तोह, गेह दू भत्ते तु टोईच़ी विशवास लहज़ातग।

प्रेरित 24:4

पर दिऊ थल्जी गेह कनु महस टेम लेहपच़ी माह जुंज़ातग। गेह करंङ साते बिनती लहज़ातग कि दया लेह ञेंहतु इच्च़ा झुह्ट गप्पा रेड्रु।

प्रेरित 25:7

अपेहल दू अति दंङ अरि यहुदी अगुवा यरूशलेम शहरंङ ज़ि अंज़े तोईरे, दोच़ी कछंङ खड़े शुहचे दोऊ टोईच़ी मोह्ड़े-मोह्ड़े दोष लगाएती, अतु सबूत दोच़ी रंड्री मरच़ातेर

प्रेरित 26:5

अगर दोरे गवाही रंड्री जुन्ज़ातोर, दंङ दोच़ी कुहच़ी तरपोर कि गिऊ बाड़ेकतर बेहच़ी गेह घेंङौ धर्म ए रीति-रिवाज़ो महस भाषे लहज़ातग छना कुचे गेह फरीसी तु शुगाह, अंऊ ञेंहतु धर्मो भत्ते बे कट्टर दल तोह।

प्रेरित 28:22

पर कनु विचार छि तोह? दिए गप्पा ञेंरे केहतु दोरच़ी रेड्री जुंज़ातंई यीशु थलेच़ि जोज़ा तु पाहठी तातंई, छना कुचे ञेंहच़ी ञेंहच़ातंई, कि भत्ते ठाहरीरिंङ दि दलो पाहठी गप्पा शुहबी लेहकी तोह।

प्रेरित 5:17

दोहथर यहुदी महापुरोहित ए दोऊ भत्ते साथिरे अंऊ सदूकी दलो तोईरे, दोरे प्रेरिता रङ साते हट्री लेहतिर। झांह लेह दोच़ी छा कम लहज़िमी फेंसला लहरिर।

प्रेरित 6:13

दोर्तिंङ दोच़ी हप्सी गवाह खड़े लहरिर, अंऊ दोच़ी स्तिफनुस ओ टोईच़ी दिह दोष लगाएतिर, “दिह मीह, दिह पवित्र ठहरि ए मूसा ओ कानूनो खिलापे घड़ी-घड़ी कुट्रा।

1 कुरिन्थियों 11:19

वोई, दि हेले तोह कि केहतु बिचंङ बंटवारा शुहबी ज़रूरी तोह। कि दोरे, अंऊ परमेश्वरो दोरच़ी अंङषी तोतोर, छंङीरिंङ अच़ा अपोर।

1 कुरिन्थियों 4:13

मीहच़ी ञेंहतु निन्दा लहज़ातोर दंङ ञेंरे नम्रता रंङ साते दोतंङ गप्पा लहज़ातंई। मीहरे हेंतेग ला हेंदंङ साते झांह ठ्रोह बर्ताब लहज़ातोर, माना कि हेनर संसारारंङ भत्ते चीज़ो जगत्रको ठ्रोह तोतोंई।

1 पतरस 2:19

अगर हेनर‌ छा गलती मेह दुख सहन लहज़ातंई दंङ परमेश्वर हेंदंङ साते खुश शुहबी। छना कुचे ञेंहच़ी ञेंहच़ातंई दुख सहन लहज़ातंई कि परमेश्वरे भत्ते धिर ञेंहच़ा।