प्रेरित 23:1 - लाहौली बाइबिल

¹ पोलुसे ए यहुदी सभा ओ हखा ध्याना रंङ साते खांई, दंङ कुई, “हे बिशवासी न्वारे, गेह तोग तचेक परमेश्वरो थल्जी पूरे साफ अन्तरात्मा रंङ साते जीवन बिताच़ी शुगाह।”

प्रेरित 23:1 Iomraidhean Croise

मत्ती 5:22

पर गेह केतिंङ दिह कुट्रातग, कि अच़िला एनोह न्वाबि रोहष लोहतो दुह यहुदी सभारिंङ दण्डो हकदार शोतो, दंङ अच़िला एनोह न्वाबि कम माहलाहज़ा कोतो दुह यहुदी महासभाओ तुईज़ी दण्डो हकदार शोतो; दंङ अच़िला कोतो ‘ए बमजी’ (बेबकूफा) दुह नरको मेहऊ दण्डो जोगे शोतो।

प्रेरित 22:1

“हे न्वारे ए सेंहणा रे, गिऊ रेड्रुंई, अंऊ गेह घेंङौ बचावो थल्जी दुह मीहतु तुईज़ी कुट्रातग अंऊ गिऊ टोईच़ी दोष लगाएच़ातोर।”

प्रेरित 22:30

ऊईरग दोरे रूठे रंङ ञेंच़िमी थल्जी कि यहुदी दोऊ टोईच़ी छिले दोष लगाएच़ातोर, झांह लेह दोऊ षंङणी युप्शे च़रतिर; दंङ यहुदी मोह्ड़े पुरोहित रे ए भत्ते यहुदी सभा बि ठ्रोहका शुहबिमी हुकुम रेंई, दंङ पोलुस बि हंजे दोतु तुईज़ी खड़े लेह च़रतिर।

प्रेरित 22:5

दि गप्पो गवाह यहुदी महापुरोहित ए महा सभा ओ भत्ते सेंहणा रे कि दोतु बिचंङ च़ि गेह यहुदी न्वा तु थल्जी डाक रेंज़ा गेह दमिश्क नगरो हखा इबि लेहकी तोईग, ताकि अंऊ दोर्तिंङ मसीह मीहरे तोतोर दोतिंङ सज़ा रंड्रीमी थल्जी छ़ुहचे यरूशलेम शहरो हखा हपोग।

प्रेरित 23:15

झांह लेह हेंतेग ञेंरे करंङ साते ए यहुदी सभा ओ ऊई मीहतंङ साते विनती लहज़ातंई कि एनोह रोमी सेनिकातु मुख्या बि उजाब च़रतुंई, कि दोई पोलुसा बि कांह कछंङ रेंज़ा हता, दिह कंड्रिमी थल्जी कि कांह पोलुसो पाहठी ऊई ला महसे सही जानकारी हुंपी जुंज़ातन, दंङ दोऊ दोर पिपिमी बे तुहई ञेंरे दोबि सच़िमी थल्जी तेयार बंङज़ोंई।”

प्रेरित 23:20

दोई कुई, यहुदी सेंहणा ज़ि इच्च़ा शुचि योजना लहसी तातोर, कि करंङ साते बिनती लोहनि कि मुतंङ पोलुस बि यहुदी सभा ओ दोईमी ओ ठहरि हता, ताकि दुह दि कंड्रिमी थल्जी कि कांह ऊई ला महसे जानकारी जुंज़ातन।

प्रेरित 23:28

दंङ गेह ञेंहच़ी तातेग कि दोरे दोऊ टोहकठे छि वहज़ा ज़ि दोष लगाएच़ातोर, दिऊ थल्जी दोबि यहुदी सभा रिंङ रेंज़ा शिलिगा।

प्रेरित 23:6

अपेहल पोलुसे दि ञेंई च़रति, कि यहुदी सभा ओ रै मीहरे सदूकीङ रे फरीसी तोतोर, दंङ दोई हाऊष रें कुई, “हे न्वारे, गेह फरीसी दंङ फरिसीतु खानदानो शुगाह, गिऊ मुकदमा दिऊ थल्जी शुहबी लेहकी तोह छना कुचे गिऊ बिशवास तोह कि परमेश्वरे सिए इलजे मीहतिंङ यच़ाह श्रींङमी लोहतो।”

प्रेरित 24:16

दिए नज़रिया रंङ साते गेह परमेश्वर ए मीह झुल्ला तु तुईज़ी हमेशा इच्च़ा निष्कलंक अन्तरात्मा बणाएच़िमी भरपूर कोशिश लोहग।

प्रेरित 6:15

दंङ भत्ते मीहज़ी अंऊ यहुदी सभो रिंङ बंङज़ा तोईरे, दोऊ हखा रूठे रंङ खंईर ता दोऊ मोह्द स्वर्गदूता तु मोह्दु ठ्रोह चमकेपी लेहकी तोहई।

1 कुरिन्थियों 4:4

गिऊ फर्क आत्मा गिह्बी छल्ले दोष माह खोकसा तांला गेह दिऊ दोरच़ी निर्दोष साबित शुहचे मरच़ातग प्रभु ए तोह, अंऊ गिऊ परख लहज़ा।

2 कुरिन्थियों 1:12

छना कुचे हेंदिंङ इच्च़ा गप्पो माह घमण्ड तोह, हेंदु अन्तरात्मा हेंदिंङ विशवास रंड्रा कि हेंज़ी मीहतंङ साते छि बर्ताब लहसी तातंई, दू संसारो मीहतु बुद्धिमानो हिसाबे मशत, पर दू सच्चाई ए ईमानदारीऊ हिसाबे तोहई अंऊ परमेश्वरो कृपा ओ वरदान तोहई।

2 कुरिन्थियों 4:2

पर हेंज़ी षेह्द अपिमी जोगे ए गुप्तो कम छोड़ेके चरच़ातंई, दंङ माह ए चालाकी रंङ साते ज़ोवातंई, दंङ माह परमेश्वरो बचना रिंङ मिलावट लहज़ातंई, पर हेनर परमेश्वरो तुईज़ी सिर्फ हेले कंड्रातंई। परमेश्वरो तुईज़ी हर इच्च़ा गवाही रंड्री तरपोतो कि दि हेले तोह।

2 तीमुथियुस 1:3

अपेहल ला गेह प्रार्थना लहज़ातग, गेह हमेशा कनिंङ हिद लहच़ी कांह थल्जी परमेश्वरो धन्यवाद लहज़ातग। दुह, दुह ए शुह अतु सेवा गेह घेंङौ शुद्ध सोचे लहज़ातग, छना गिऊ बाह-मेमे ज़ि लहज़ातेर।

इब्रानियों 13:18

ञेंहतु थल्जी प्रार्थना लोहवा लंहि, छना कुचे ञेंतिंङ भरोसा तोह कि ञेंहतु अन्तरात्मा साफ तोह; दंङ ञेंहच़ी छिला कम लहज़ातंई दू भत्ते कमरिंङ परमेश्वरो आदर लेह जुंज़ातंई।

1 पतरस 3:16

हमेशा दू ए लंहि अंऊ सही तोह, दंङ अगर मीहरे केहतु खिलाप मदम कुट्रातोर, दंङ दोरे ए शर्मिन्दा शोर, अपेहल दोरे मसीह रंङ साते केहतु संबधो वहज़ा ज़ि केहतु रूठे व्यवहार खमोर।