प्रेरित 22:4 - लाहौली बाइबिल

⁴ गेह गंङमी ए मेच़िमी तिंङ छ़ुहचे, दंङ जेला रिंङ केहच़ी, मसीह दलाबि देर तचेक तंग लहरिगा, कि दोतिंङ सच़ी लेह केईगा।

प्रेरित 22:4 Iomraidhean Croise

प्रेरित 16:17

दुह पोलुस ए ञेंहतु थल्जी अंज़े हाऊष रंड्री लेहती, “दिह मीह परमप्रधान परमेश्वरो दास शुह, अंऊ केतिंङ उद्धारो अमो पाहठी कंड्रा।”

प्रेरित 18:26

दुह यहुदी सभो घरबारंङ निडर शुहचे कुट्री लेहती, पर प्रिस्किल्ला ए अक्किला ज़ि दोऊ गप्पा रेड्रीते, अपुल्लोसा बि एनोह चुंङ लेन्ज़ा शिली दंङ परमेश्वरो अमो गप्पा दोबि रूठे रंङ कंड्री लेहती।

प्रेरित 19:23

ध्वांए, दोरकी रैह मीहच़ी दुह मीहतु थल्जी महस मुसीबत खड़े लहज़िमी कोशिश लहरिर, अंऊ दोच़ी दि गप्पो विशवास लहज़ातेर कि छना ठ्रोह परमेश्वरे ञेंहतु थल्जी अनंत जीवन खोकसिमी प्रकट लहसी ततो।

प्रेरित 19:9

पर अपेहल रेह मीहज़ी ज़िद्दी शुहचे विशवास लहज़िमी रंङ साते इंकार लेह च़रतिर दंङ मीहतु तुईज़ी यीशु पाहठी रांहषी शिक्षा ओ थल्जी मदम कुट्री लेहतिर, दंङ दोच़ी यीशु पाहठी रांहषी शिक्षा ओ थल्जी दोई दोतिंङ केट्रा चेला तिंङ शत्‌ह लेह च़रति, दंङ रोज तुरनुसो स्कुलंङ शिक्षा रंड्री लेहती।

प्रेरित 24:14

पर गेह केहतु तुईज़ी दि गप्पा मनेक्च़ातेग, कि गेह मसीहू शिक्षा ओ हिसाबे घेंङौ बाह-मेमेतु परमेश्वरो सेवा लहज़ातग, अंऊ यहुदी अगुवा तु हिसाबे सही माह। दंङ अंऊ गप्पारे कानून ए भविष्यवक्तातु कताबंङ च़ेहसी तोह, गेह दू भत्ते तु टोईच़ी विशवास लहज़ातग।

प्रेरित 7:58

स्तिफनुस बि च़ुमनिर दंङ दोबि षोह्के यरूशलेम शहरंङ च़ि धह्तेका हुंच़े रह्घ द्रले केट्री लेहतिर, दंङ स्तिफनुस ओ टोईच़ी दोष लगाएच़ा मीहज़ी एनातु धह्कतेकी खमज़ेर युप्शी ते शाऊल मिंदंङ इच्च़ा छ़ोकरा ओ कछंङ केह्चे च़रतिर।

प्रेरित 9:21

दंङ भत्ते रेड्रा दोरे हेरान शुहचा ते कुट्री लेहतिर, “छि दिह दुह हे मीह माह शुह आ अंऊ यरूशलेम शहरा रिंङ दोतिंङ नाश लहज़ाते अंऊ मसीह यीशु ऊ बिशवासी तोईरे, दंङ देर्तिंङ ला दिऊ थल्जी अंज़े तोहई, कि दोतिंङ बन्दी लहज़ा यहुदी मोह्ड़े पुरोहिता तु कछंङ रेंज़ा शोतो?”

1 कुरिन्थियों 15:9

छना कुचे गेह प्रेरिता तु बिचंङ भत्ते बे कम खास शुगाह, हेले कोहग ता गेह प्रेरित कुट्रीमी जोगे ला माह शुगाह, छना कुचे गेह परमेश्वरो टोईच़ी विशवास लहज़ा मीहतिंङ तंग लहज़ातेग।

गलातियों 1:13

न्वारे केहच़ी ञेंहच़ातंई कि अपेहल गेह यहुदी धर्मो भाषे ए लहज़ातेग, दंङ छना श्रींङमातेग। गिऊ महसे साथी अंऊ गिऊ उम्रो तोईरे, पर गेह दुह भत्ते बे तुंखा तोईगा। छना कुचे गेह घेंङौ बाह-मेमेतु रिति रिवाज़ो भत्ते सेहमे भाषे लहज़ातग। दू टेमारिंङ यीशु थलेच़ि ज़ोज़ा दोरे अंऊ परमेश्वरो अराधना लहज़ातेर, सताच़िमी थल्जी हुंच़ा तोहई, गेह दू भत्ते तिंङ नाश लहज़िमी कोशिश लहरी। पर दोहपल परमेश्वरे फेंसला लहरी कि एनोह योह बि गिऊ टोईच़ी प्रगट लोहतो, ताकि गेह ऊईजाति मीहतु बिचंङ यीशु पाहठी प्रचार लेह तरपोग। परमेश्वरे ए तोह अच़ि गिह्बी जेह्कपिमी तुहई अंङे चरच़ाते, दंङ एनोह मोह्ड़े दाह ओ दोरच़ी दोई गिह्बी एनोह सेवाओ थल्जी बुलाके चरच़तो, अपेहल यीशु ज़ि एनाबि गिऊ टोहकठे प्रगट लहरी, दंङ दू मुक्का गेह सलाह लेहप्च़िमी थल्जी अतु कछंङ ला मेलिगा।

फिलिपियों 3:6

खुशीऊ पाहठी गेह कोग ता कलीसियाबि सताएच़ा दुह; दंङ यहुदी कानून मनेक्च़ा तु, इच्च़ा धर्मी मीह तोहई, छना कुचे गेह दोऊ भत्ते पालन लाहतेर।

2 पतरस 2:2

परमेश्वरो महसे मीहरे दि उपदेशका तु मदम कमो नकल लोहर, दंङ छिल्ला दोच़ी लहज़ातोर दोऊ वहज़ा ज़ि मीहरे सच्चाई अमो पाहठी मदम-मदम गप्पा लोहर।