प्रेरित 22:3 - लाहौली बाइबिल

³ गेह ता यहुदी शुगाह, गिऊ जन्म किलिकिया प्रदेशो तरसुस शहरंङ शुहचे शुह; पर दि शहरा रिंङ गमलीएल गुरूओ कोंज़ो कछंङ बंङज़ा शिक्षा ग्रहण लहरिग, दंङ बाह मेमेतु कानून ला रूठे रंङ सिखेक्सा इलिग; दंङ गेह परमेश्वरो थल्जी झांह ठ्रोह जोशिला तोईगा, छना केरे भत्तेर हेंतेग तोतोंई।

प्रेरित 22:3 Iomraidhean Croise

लूको 10:39

दंङ मरियम मिन्दु दोऊ इच्च़ा रिंङ तोहई। दुह प्रभुऊ कोंज़ो कछंङ बंङज़ा दोऊ शिक्षा रेड्री लेहकी तोहई।

लूको 2:46

दंङ षुमु ध्याड़ो थल दोच़ी यीशुबि यहुदी मंदिरो ल्वाड़िंङ शिक्षा रंड्रा दोतु बिचंङ रेड्री ए सवाल रुहक्ती तंङरिर।

लूको 8:35

मीहरे अंऊ दी शुहचे तोहई दोबि खंड्रीमी थल्जी हुंच़िर दंङ यीशु कछंङ अंज़े अतु अंद्रेगज़ि मांजी आत्मारे हुची तोहई यीशु कोंज़ो कछंङ खमज़े लहज़ा दंङ ठीक ठाक खांई थल बेवा इलि;

प्रेरित 11:25

दोथर बरनबास अन्ताकिया शहर केट्रा शाऊल बि पेट्रीमी थल्जी तरसुस शहर ओ हखा अच़ा इलि।

प्रेरित 15:23

प्रेरिता ज़ि दुह डाक एनारंङ साते रेंज़ा शिलिर; अंऊर च़ेहसी तोहई: “अन्ताकिया शहरारिंङ, सीरिया रिंङ दंङ किलिकिया प्रदेशो बंङज़ा विशवासी न्वारे अंऊ ऊईजाति विशवासी तु बिचंङ ज़ि तोतोर, प्रेरित ए कलीसिया ओ सेंहणा ए अंऊ केहतु न्वारे तोतोर नमस्कार।”

प्रेरित 15:41

दंङ दोरे भत्ते सीरिया ए किलिकिया प्रदेशारिंङ इलिर दंङ कलीसिया ओ विशवासी तिंङ पक्‍का लहज़ी लेहतिर।

प्रेरित 21:20

अपेहल दोच़ी दि रेड्रा दंङ दोच़ी परमेश्वरो तारीफ लहरिर, दोहपल पोलुसे कुई, हे न्वा, केतिंङ पता तोह, कि यहुदी मीहतु बिचंङ च़ि अंयों हज़ार मीहज़ी प्रभु यीशु टोईच़ी बिशवास लहज़ातोर, दंङ केहच़ी दि ला ञेंहच़ातंई कि दोरे भत्ते मूसा ओ कानूनो भाषे रूठे रंङ मनेक्च़िमी थल्जी महस पक्‍का तोतोर।

प्रेरित 21:39

पोलुसे जुबाब रेंई, माह गेह ता यहुदी मीह शुगाह, गेह किलिकिया प्रदेशो इच्च़ा महस खास तरसुस शहरो निवासी शुगाह। दंङ गेह करंङ साते बिनती लहज़ातग, कि गिह्बी मीहतंङ साते गप्पा लेह रोंऊ।

प्रेरित 23:34

राज्यपाल ए डाक पढ़ेके पोलुसा बि रुहक्ती, “कह अऊंसङ प्रदेशो शुनाह?” पोलुसे कुई गेह किलिकिया प्रदेशो शुगाह।

प्रेरित 23:6

अपेहल पोलुसे दि ञेंई च़रति, कि यहुदी सभा ओ रै मीहरे सदूकीङ रे फरीसी तोतोर, दंङ दोई हाऊष रें कुई, “हे न्वारे, गेह फरीसी दंङ फरिसीतु खानदानो शुगाह, गिऊ मुकदमा दिऊ थल्जी शुहबी लेहकी तोह छना कुचे गिऊ बिशवास तोह कि परमेश्वरे सिए इलजे मीहतिंङ यच़ाह श्रींङमी लोहतो।”

प्रेरित 26:5

अगर दोरे गवाही रंड्री जुन्ज़ातोर, दंङ दोच़ी कुहच़ी तरपोर कि गिऊ बाड़ेकतर बेहच़ी गेह घेंङौ धर्म ए रीति-रिवाज़ो महस भाषे लहज़ातग छना कुचे गेह फरीसी तु शुगाह, अंऊ ञेंहतु धर्मो भत्ते बे कट्टर दल तोह।

प्रेरित 26:9

“गेह ला दि चेहतिगा कि यीशु पाहठी शिक्षा ओ विरोध लहज़िमी थल्जी गिह्बी महस धिर लेह लेहपोतो अंऊ कि नासरतो नगर बंङज़ा तोह।”

प्रेरित 5:34

पर गमलीएल मिंदंङ इच्च़ा फरीसी मीहे अंऊ कानून सिखाएच़ा ए भत्ते मीहतु बिचंङ जाना माना तोहई, यहुदी सभा रिंङ खड़े शुहचे प्रेरितातिंङ थोड़े अरे टेमो थल्जी धह्तेका शिल्ज़िमी हुकुम रेंई।

प्रेरित 6:9

पर रेह मीहरे स्तिफनुस ओ विरोध लहज़ी लेहतिर। अंऊ दुह यहुदी सभो घरबारो मीहर तोईरे “अतिंङ गुलामी ऊ दोरच़ी आज़ाद मीहतु सभो घर कुट्रा तोईरे” दोरे मीहरे कुरेन ए सिकंदरिया शहरो दंङ किलिकिया ए आसिया प्रदेशंङ च़ि ला तोईरे। दिरे मीहरे स्तिफनुस रंङ साते बहस लहज़ी लेहतिर।

प्रेरित 9:1

दिह ए मुक्का रिंङ शाऊल अंऊ हेंतेग तचेक प्रभु यीशु ऊ चेला तिंङ धमकाएच़ी ए दोती सच़िमी साकिम रिंङ तोहई, यहुदी महापुरोहितो कछंङ इलि।

प्रेरित 9:11

दोथर प्रभु यीशु ज़ि दोरंङ साते कुई, अहच़ु दंङ सीधी मिंदंङ गली रिंङ इलज़ा, तरसुस शहरो शाऊला बि रुहक्तु अंऊ हेंतेग यहूदा ओ चुंङ तोह; छना कुचे दुह प्रार्थना लहज़ी लेह्की तोह,

प्रेरित 9:30

दंङ ऊई चेला तिंङ दिह गप्पो पाहठी पता लेहका दंङ दोरे शाऊला बि केसरिया शहरंङ रैंज़ा हतिर, दंङ दोर्तिंङ दोरे दोऊ थल्जी समुंद्री जहाज़ंङ च़ि तरसुस शहरो हखा चरच़ि च़रतिर, अंऊ दोऊ एनोह शहर तोहई।

रोमियो 11:1

झांह लेह गेह रूहक्च़ातग, छि परमेश्वरे एनोह प्रजा बि छोड़ेके चरच़तो आ? माह अपेहल ला माह! गेह ल ता इस्राएली शुगाह; अब्राहमो खानदान ए बिन्यामीनो खानदानो दोरच़ी शुगाह।

2 कुरिन्थियों 11:22

छि दोरे ए इब्रानी शुरे? गेह ला शुगाह। छि दोरे इस्राएली शुरे? गेह ला शुगाह; छि दोरे अब्राहमो खानदानो शुरे? गेह ला शुगाह।

गलातियों 1:21

यरूशलेम शहर इबिमी थल गेह सीरिया ए किलिकिया ओ प्रदेशो हखा अतिगा।