प्रेरित 22:1 - लाहौली बाइबिल

¹ “हे न्वारे ए सेंहणा रे, गिऊ रेड्रुंई, अंऊ गेह घेंङौ बचावो थल्जी दुह मीहतु तुईज़ी कुट्रातग अंऊ गिऊ टोईच़ी दोष लगाएच़ातोर।”

प्रेरित 22:1 Iomraidhean Croise

लूको 12:11

“अपेहल मीहरेर केतिंङ यहुदी सभा घरबारारिंङ ए अधिकारितु तुईज़ी रेंज़ा शोर, दुह मुका चिंद थाह लांही कि ञेंहच़ी छी जुबाब रमोंई।

लूको 21:14

दिऊ थल्जी केहरे जुबाब रंड्रीमी थल्जी तुईबे केनातु सेहमरिंङ चिंद थालांई।

प्रेरित 13:26

“हे बिशवासी न्वारे, केरे अंऊ अब्राहमो कटुरे शुई; दंङ केहरे अंऊ परमेश्वर ओ बेह्द चेहच़ातंई, परमेश्वरे हेंदु कछंङ उद्धारो खबर च़रसी ततो।”

प्रेरित 19:33

दोहपल भीड़ो बिचंङ ज़ि रेह मीहच़ी सिकंदरा बि, अतिंङ यहुदी ज़ि खड़े लहते भीड़ो दोरच़ी तुंखा लेह च़रतिर। दंङ सिकंदर चुपे बंङज़िमी थल्जी मीहतु तुईज़ी एनोह बचाबो थल्जी एनोह गप्पा कुट्रीमी कोशिश लहरी कि छि शुहबी लेहकी तोहई।

प्रेरित 23:1

पोलुसे ए यहुदी सभा ओ हखा ध्याना रंङ साते खांई, दंङ कुई, “हे बिशवासी न्वारे, गेह तोग तचेक परमेश्वरो थल्जी पूरे साफ अन्तरात्मा रंङ साते जीवन बिताच़ी शुगाह।”

प्रेरित 23:6

अपेहल पोलुसे दि ञेंई च़रति, कि यहुदी सभा ओ रै मीहरे सदूकीङ रे फरीसी तोतोर, दंङ दोई हाऊष रें कुई, “हे न्वारे, गेह फरीसी दंङ फरिसीतु खानदानो शुगाह, गिऊ मुकदमा दिऊ थल्जी शुहबी लेहकी तोह छना कुचे गिऊ बिशवास तोह कि परमेश्वरे सिए इलजे मीहतिंङ यच़ाह श्रींङमी लोहतो।”

प्रेरित 24:10

अपेहल राज्यपाले पोलुसा बि कुट्रीमी थल्जी इशारा लहरी, “गेह दि ञेंहच़ा कि कांह महस टेम बे दि देशो न्याय लहज़ातन, झांह लेह गेह खुशी रंङ साते घेंङौ बचाव लहज़ातग।

प्रेरित 25:16

पर गेह दोतिंङ जबाब रेंईगा, कि रोमी तु दि रिवाज़ माह, कि अरिया मीहबी दण्डो थल्जी रें केओनि, अपेहल तचेक अरोपी बि एनोह टोईच़ी दोष लगाएच़ा दोतिंङ गलती तु जबाब रंड्रीमी मुक्का माह खोकसोतो।

प्रेरित 25:8

पर पोलुसे जबाब रेंई, “गेह माह ता यहुदी तु कानून दंङ माह ए यहुदी मंदिरो, दंङ माह ए महाराजा विरोध छा पाप लहसी तातग।”

प्रेरित 26:24

अपेहल पोलुस झांह ठ्रोह जबाब रंड्री लेहकी तोहई, दोहपल फेस्तुस जोरे सग रंङ साते कुतोह, “हे पोलुस, कांह बमजी शुनाह। महस विद्याज़ि कांह बमजी लेह केहतो।”

प्रेरित 28:17

षुमु ध्याड़ो थल पोलुसे दोरकी यहुदी अगुवो तिंङ सभा ओ थल्जी बुलाती। दंङ अपेहल दोरे ठ्रोहका शुई ता दोतंङ साते कुई, “हे न्वारे, गेह घेंङौ मीहतु खिलाप छल्ले बुराई माहलग। दंङ माह ए बाह-मेमेतु रिति-रिवाज़ो खिलाप छा लहसी तातग, तांला यरूशलेम शहरंङ इच्च़ा कैदी बणेंके इलिगा, दंङ रोमी सरकारो गुहडिंङ रें च़रतिर।

प्रेरित 7:2

“स्तिफनुस ए कुड़ी, हे न्वारे, हे सेंहणारे रेड्रुंई, ञेंहतु बाह-मेमे अब्राहम हारान नगरंङ बसेक्‌पि बे तुहई अपेहल मेसोपोटामिया प्रदेश मिंदंङ ठहरि रिंङ तोहई; ता महिमा रंङ परमेश्वरे दोबि दर्शन रांई,

रोमियो 2:15

दोच़ी दि कंड्रातोर कि परमेश्वरो दोरच़ी रांहषी मुसाओ कानून दोतु सेहमरिंङ च़ेहसी तोह, छना कुचे दोतु फर्क आत्माज़ि कंड्रा कि दि हेले शुह। दंङ दोतु विचार या ता दोतु टोहकठे दोष लगाएच़ातोर या दोतिंङ कंड्रातोर कि दोच़ी सही लहज़ी लेहकी तोतोर।

1 कुरिन्थियों 9:3

अंऊ मीहरे गिऊ प्रेरित शुहबिमी अधिकारो टोईच़ी सवाल लहज़ातोर, दोतु थल्जी गिऊ दिए जुबाब तोह।

2 कुरिन्थियों 12:19

हे गिऊ प्यारे साथी विशवासी रे, केरे हेंतेग तचेक समझेक्सी लेहकी शोंई कि ञेंरे केहतु तुईज़ी हेंदु सफाई रंड्रातंई, ञेंरे ता परमेश्वरा बि हेंदु तुईज़ी ञेंई ते मसीहरिंङ दि कुट्रातंई, दंङ दि भत्ते गप्पार केतिंङ विशवासा रिंङ बडेकेक्पिमी थल्जी कुट्रातंई।

2 कुरिन्थियों 7:11

तांला रेड्रुंई, दिए गप्पो दोरच़ी कि दू दुख, अंऊ परमेश्वर केतिंङ महसूस लहज़ी जुंज़ा। दोऊ दोरच़ी केतिंङ अंयों हिम्मत, दंङ सच्चाई कंड्रिमी थल्जी तेयार, बेह्द, गिह्बी खंड्रिमी हिटी, मेहनत, दंङ न्याय चुकाच़िमी धोंण हिटी; झांह लेह केहच़ी दि मामलारिंङ भत्ते पाहठी निर्दोष शुहबिमी प्रमाण रांहषी तातंई।

फिलिपियों 1:17

अंऊ मीहरे जलन ए लड़ाई-झगड़ा ओ थल्जी मसीहू पाहठी प्रचार लहज़ा तोर, दोरे एनोह फायदा ओ थल्जी मसीहू रूठे खबर ईमानदारी रंङ साते माह सुनाएच़ा तोर, दंङ देहर कैदरिंङ गिऊ मुसीबत बढ़ाएच़ातंई।

फिलिपियों 1:7

चाहे गेह जेलारिंङ तोतोग या गेह दि साबित लहज़ातग कि रूठे खबर हेले शुह। ठीक तोह कि गेह केहतु थल्जी झांह ठ्रोह विचार लोहग, छना कुचे गेह केतंङ साते महस दाह लहज़ातग चाहे गेह जेलारिंङ तोतोग या गेह रूठे खबरो बचाब लहज़ी लेहकी तोतोग दि साबित लहज़िमी थल्जी कि रूठे खबर हेले शुह, झांह लेह केरे भत्तेर गेरंङ साते परमेश्वरो मोह्ड़े दाह रिंङ सहभागी शोंई।

2 तीमुथियुस 4:16

मुण्डारिंङ अपेहल गेह रोमो कोर्टंङ घेंङौ सफाई रंड्रीमी थल्जी इलिगा, दोहपल गिऊ तरफे कुट्रा अरिला माह तोहई, दंङ भत्तेज़ि गिऊ साथी छोड़ेके च़रतिर। गेह प्रार्थना लहज़ातग कि परमेश्वरे दोतिंङ दि कमो थल्जी माफ लोहतो।

1 पतरस 3:15

बल्कि मसीह बि केनातु सेहमरिंङ प्रभु चेहके दोऊ अराधना लंहि, अगर अच़िया दू उम्मीदो पाहठी रूहक्पोतो ता अंऊ विशवासी शुहबी रंङ साते हेनर भत्तेरे सांझा लहज़ातंई, दंङ हमेशा दोबि समझाएच़िमी थल्जी तेयार बंङज़ुंई, पर दि नम्रता ए आदरा रंङ साते लंहि।