प्रेरित 21:8 - लाहौली बाइबिल

⁸ ऊईरग ध्याड़ा ञेंहरे दोरच़ी अच्च़ा केसरिया शहरंङ अति, दंङ फिलिप्पुस रूठे खबर ओ प्रचारको ओ चुंङ, दुह निह्ज गंङमी तु बिचंङ इच्च़ा तोहई अतिंङ यरूशलेमा रिंङ प्रेरिता ज़ि रंणी मेच़िमी तु देख-भालो थल्जी अंङषी ताहरेर।

प्रेरित 21:8 Iomraidhean Croise

प्रेरित 10:1

केसरिया शहर कुरनेलियुस मिंदंङ इच्च़ा मीह तोहई, अंऊ इतालियानी मिंदंङ पलटनो सुबेदार तोहई।

प्रेरित 16:10

दोऊ दि दर्शन खंड्रिमी थल ञेंहच़ी मकिदुनिया प्रदेश इबिमी विचार लहरी, दि ञेंए कि परमेश्वरे दोतिंङ रूठे खबर सुनाएच़िमी थल्जी बुलाच़ी शुह।

प्रेरित 16:13

अरामो ध्याड़ा रिंङ ञेंरे बेंड़ीऊ मुखारिंङ शहरो मोह्ड़े पेतंङ धकते इलजे दि सोचेके इलिर कि यहुदी मीहतु थल्जी प्रार्थना लहज़िमी ठहरि शोतो। दंङ रैह मेच़िमी दोहर प्रार्थना लहज़िमी ठ्रोहका तोईरे, दंङ ञेंहच़ी बंङज़ा ते दोतिंङ यीशु पाहठी कंड्रेतेंई।

प्रेरित 16:16

इच्च़ा ध्याड़ा अपेहल ञेंरे रोज प्रार्थना लहज़िमी ठहरि यवातेंई, दंङ ञेंहतिंङ अमरिंङ इच्च़ा दासी ञेंतंङ साते दोई अति अतु अन्द्रेग इच्च़ा झांह ठ्रोह मांजी आत्मा तोहई, अतु मदत रंङ साते दोई भविष्य कंड्राते; दंङ भविष्य कंड्रिमी रंङ साते एनोह मालिको थल्जी महस ढबाह कमाएक्चाते।

प्रेरित 18:22

दोहथल केसरिया शहरा रिंङ पिचे थल, पोलुस जहाज़ंङ ज़ि तक्सा इलि दंङ दोरकी कलीसिया ओ विशवासी तंङ दोईमी थल्जी यरूशलेमो शहरा रिंङ अच़ा इलि। दोऊ थल दुह अन्ताकिया ओ हखा वापिस इबिमी थल्जी हुंच़ा इलि।

प्रेरित 20:13

पोलुसे अस्सुस शहरा इबिमी थल्जी पैदल यात्रा लहज़िमी फेंसला लहरी। ञेंहतु बिचंङ ज़ि ऊई मीहच़ी त्रुआस शहरंङ ज़ि जहाज़ो दोरच़ी तुंखा अच़ा इलिर, दंङ दोरच़ी ञेंरे अस्सुसो दोरच़ी पोलुसा बि जहाज़ो दोरच़ी शिलज़िमी योजना लहरिर।

प्रेरित 20:6

दंङ ञेंहरे सुम मेह रोटी ऊ त्याहरो थल फिलिप्पी शहरो दोरच़ी समुंद्रो अमज़ि ङा ध्याड़ारिंङ त्रोआस इलाका रिंङ पिचे इलि, दंङ निज़ा ध्याड़ा तचेक दोर्तिंङ ए बंङज़ा इलि।

प्रेरित 21:16

केसरिया शहरो थोड़े अरे विशवासी ञेंतंङ साते शामिल शुचि इलिर, दंङ ञेंतिंङ मनासोंन मिंदंङ इच्च़ा मीहू चुंङ रेंज़ा शिलिर, ताकि ञेंरे दोऊ चुंङ बंङज़ोंई। दुह साइप्रस टापू पक्‍का निवासी तोहई, दंङ भत्ते बे पुराना विशवासी तु बिचंङ ज़ि इच्च़ा तोहई।

प्रेरित 23:23

मुख्या ए सुबेदारा बि बुलाके कुई, “तोग रात नौ बजे तचेक केसरिया शहरंङ इबिमी थल्जी झुह्ट राह सेनिक ए षुमु निह्ज सा घुड़सवार, दंङ झुह्ट राह बरछा चलाएचा सैनिका तिंङ तेयार तंही।”

प्रेरित 27:1

अपेहल फेस्तुस राज्यपालो दोरच़ी दि फेंसला शुई, कि ञेंतिंङ जहाज़ो दोरच़ी इतालिया देशो हखा इबि तोह, दोहपल दोच़ी पोलुस ए ऊई बंदीतिंङ यूलियुस सुबेदारो गुह्ड़िङ सोंपेंगी च़रतिर। दुह सेनिकातु इच्च़ा झुण्डो सुबेदार तोहई अंऊ ओगुस्तुस महाराजा ओ तोहई।

प्रेरित 28:11

षुमु लाहो थल ञेंहच़ी सिकंदरिया अंजा जहाज़ंङ यात्रा शुरू लहरिन। सोई ओ वहज़ा ज़ि तेज लन्न तु वहज़ा ज़ि दि टापू रिंङ दि जहाज़ रूहम्ज़ा इलि, दि जहाज़ो तुहई कि हिस्सा रिंङ इच्च़ा जोड़ी सद्तु “झुह्ट सद्तु” मुर्ति बणेषी तोहई।

प्रेरित 28:16

अपेहल ञेंरे रोम शहरंङ पिरिनि, दंङ पोलुसाबि एनोह च़ुम किराया रिंङ लेहपच़िमी इजाज़त खोकसिरी इच्च़ा सेनिका बि दोऊ रखवाली लहज़िमी हुकुम खोकसिरी।

प्रेरित 6:5

दिह गप्पा भत्ते मंडली बि रूठे अति, दंङ दोच़ी रेह मीहरे अंङे च़रतिर, दोतु मिन दिह शुह: स्तिफनुस अंऊ विशवास ए पवित्र आत्मा रंङ साते परिपूर्ण तोहई, दंङ फिलिप्पुस, प्रुखुरुस, निकानोर, तीमोन, परमिनास, ए अन्ताकिया शहरंङ बंङज़ा निकुलाउस अंऊ यहुदी धर्माबि मनेक्च़ा ऊई जातिओ मीहरे तोहई।

प्रेरित 9:30

दंङ ऊई चेला तिंङ दिह गप्पो पाहठी पता लेहका दंङ दोरे शाऊला बि केसरिया शहरंङ रैंज़ा हतिर, दंङ दोर्तिंङ दोरे दोऊ थल्जी समुंद्री जहाज़ंङ च़ि तरसुस शहरो हखा चरच़ि च़रतिर, अंऊ दोऊ एनोह शहर तोहई।

इफिसियों 4:11

दि मसीह तोहई अच़ि दि ज़िम्मेवारी कलीसिया बि रेंई: दोई रेह तिंङ प्रेरित शुहबिमी थल्जी अंङे च़रति दंङ रेह तिंङ भविष्यवक्ता बणेषिमी थल्जी, दंङ रेह तिंङ रूठे खबर सुनाएच़िमी थल्जी, दंङ रेह तिंङ रखवाली लहज़िमी थल्जी दंङ रेह तिंङ सिखाच़िमी थल्जी अंङे च़रतिर।

2 तीमुथियुस 4:5

पर कांह भत्ते गप्पातिंङ खबरदार बंङज़ु, धीरज़ारंङ दुख सहन लोह दंङ रूठे खबरो प्रचार लोहवा लोह दंङ प्रभु सेवक शुहबिमी रंङ साते केनोह ज़िम्मेवारी पूरा लोह अंऊ प्रभु ज़ि कनिंङ रांहषी ततो।