प्रेरित 21:3 - लाहौली बाइबिल

³ ञेंहतिंङ सुचंङ हासी ए साइप्रस द्वीप तंङरिर, ञेंहरे दोरच़ी जहाज़ंङ ज़ि सफर लहज़ा सीरिया प्रदेशो हखा इलिन दंङ सोर नगरा रिंङ पिचे इलिन; छना कुचे दोर्तिंङ सामान तकसिमी तोहई।

प्रेरित 21:3 Iomraidhean Croise

मत्ती 11:21

“धिक्कार शुह! खुराजीन शहरो मीहरे, दंङ धिक्कार शुह! बैतसैदा शहरो मीहरे, अंऊ हेरानी ऊ कम ए रूठे कम गेह केहतु बिचंङ लहज़ी तातग, अगर दुह कमाबि गेह ऊई इलाकारिंङ सोर ए सीदोन शहरारिंङ लांईया ता दोच़ी टाठ चोकसा दंङ तप चाह्सा अपेहल बे एनोह पाप छोड़ेके चरच़ि।

मत्ती 4:24

दंङ भत्ते सीरिया प्रदेशंङ अंऊ गलीलो उत्तर दिशाऊ हखा तोहई दोऊ जश फेलेके इलि; दंङ मीहच़ी भत्ते नत्पातिंङ अरी शताह-शताह तरीको बीमारी ए दुखंङ तोईरे ए, अतु अंद्रेग मांजी आत्मारे तोईरे, दंङ मिर्गीऊ घ्राहकातिंङ ए अधरंगो नत्पातिंङ, दोऊ कछंङ हतिरे दंङ दोई दोरे ठीक लहरी।

लूको 10:13

“धिक्कार शुह! खुराजीन शहरो मीहरे, धिक्कार शुह! बैतसैदा शहरो मीहरे। अंऊ हेरानी ऊ कम ए रूठे कम गेह केहतु बिचंङ लहज़ी तातग, अगर दुह कमाबि गेह ऊई इलाकारिंङ सोर ए सीदोन शहरारिंङ लांईया ता दोच़ी टाठ चोकसा दंङ तब चाह्सा अपेहल बे एनोह पाप छोड़ेके चरच़ि शुंईआ।

लूको 2:2

दीह मुण्डो मिन दर्ज दुह टेमा शुई, अपेहल क्किरिनियुस सीरिया प्रदेशो हाकिम तोहई।

प्रेरित 11:19

स्तिफनुस ओ हत्या ओ थल, महसे बिशवासी ज़ि सताएतिर दंङ दिऊ थल्जी विशवासी ज़ि यरूशलेम शहर छोड़ेके च़रतिर, दंङ दोरे दरबदर शुहचे फीनीके प्रदेश, साइप्रस द्वीप दंङ सीरिया प्रदेशो अन्ताकिया शहरंङ पिचे इलिर; पर यहुदी मीहतिंङ केट्रा ऊई अतिंङ ला यीशु पाहठी बचन माह सुनाएच़ातेर।

प्रेरित 12:20

रज्ज़ा हेरोदेस सोर ए सीदोन शहरो मीहतंङ साते महसे रोषेक्च़ा तोहई। दिऊ थल्जी दुह झुल्ला शहरो मीहरे इच्च़ा सेहम शुहचे रज्ज़ा हेरोदेस ओ कछंङ अतिर दंङ बलास्तुस बि अरि रज्ज़ा ओ इच्च़ा खास मुलाज़िम तु बिचंङ ज़ि इच्च़ा तोहई, मनाएच़ा मेल-मिलाप लहज़िमी कोशिश लहरिर; छना कुचे दोरे रज्ज़ा ओ इलाकारिंङ मीहतंङ साते ज़ेईमी समानो व्यापार लहज़ातेर।

प्रेरित 13:4

झांह लेह शाऊल ए बरनबास पवित्र आत्माओ दोरच़ी च़रसी, अन्ताकिया शहरंङ च़ि सिलूकिया बंदरगाह तचेक इलिर; दंङ दोरच़ी जहाज़ंङ बंङज़ा सलमीसो हखा अच़ा इलिर अंऊ साइप्रस द्वीप बंदरगाह तोहई।

प्रेरित 15:23

प्रेरिता ज़ि दुह डाक एनारंङ साते रेंज़ा शिलिर; अंऊर च़ेहसी तोहई: “अन्ताकिया शहरारिंङ, सीरिया रिंङ दंङ किलिकिया प्रदेशो बंङज़ा विशवासी न्वारे अंऊ ऊईजाति विशवासी तु बिचंङ ज़ि तोतोर, प्रेरित ए कलीसिया ओ सेंहणा ए अंऊ केहतु न्वारे तोतोर नमस्कार।”

प्रेरित 15:39

दंङ दि गप्पो थल्जी पोलुस ए बरनबासो बिचंङ बहस शुचि इलि। दंङ दोरे इदि ऊईदि रंङ साते शत्‌ह शुहचे इलिर; दंङ बरनबास, मरकुस बि रेंज़ा जहाज़ंङ साइप्रसो टापू हखा अच़ा इलि।

प्रेरित 15:41

दंङ दोरे भत्ते सीरिया ए किलिकिया प्रदेशारिंङ इलिर दंङ कलीसिया ओ विशवासी तिंङ पक्‍का लहज़ी लेहतिर।

प्रेरित 18:18

पोलुस महस ध्याड़ा तचेक कुरिन्थुस शहरा रिंङ बंङज़िरी, दंङ प्रिस्किल्ला ए अक्किला ला रंङ साते, दुह विशवासी न्वारे तंङ साते विदा शुचे किंख्रिया शहरो हखा अच़ा इलि। दुह शहरा रिंङ पोलुसे एनोह पुंज़ा ओ मुण्डन लेह च़रति दि कंड्रीमी थल्जी कि अंऊ वाईदा दोई परमेश्वरा रंङ साते लहसी तहरे दोबि पूरा लेह चरच़तो दोऊ थल दुह सीरिया प्रदेशो हखा इबिमी थल्जी इच्च़ा जहाज़ो टोईच़ी अच़ा इलि। दोरंङ साते प्रिस्किल्ला ए अक्किला ला तोहई।

प्रेरित 21:16

केसरिया शहरो थोड़े अरे विशवासी ञेंतंङ साते शामिल शुचि इलिर, दंङ ञेंतिंङ मनासोंन मिंदंङ इच्च़ा मीहू चुंङ रेंज़ा शिलिर, ताकि ञेंरे दोऊ चुंङ बंङज़ोंई। दुह साइप्रस टापू पक्‍का निवासी तोहई, दंङ भत्ते बे पुराना विशवासी तु बिचंङ ज़ि इच्च़ा तोहई।

प्रेरित 21:2

दंङ इच्च़ा समुंद्री जहाज़ फीनीके ऊ हखा इबिमी तंङरि, दंङ ञेंहच़ी दोऊ टोईच़ी हेंदु तुंखी यात्रा शुरू लहरिन।

प्रेरित 21:7

सोर शहर दोरच़ी हुंच़िमी थल ञेंहरे पतुलिमयिस शहरंङ पिचे इलिन, अंऊर ञेंरे नावो दोरच़ी तक्सा, दंङ विशवास न्वा रे ञेंतिंङ नमस्कार लेह दंङ इच्च़ा ध्याड़ा दोतंङ साते बंङज़िनि।

प्रेरित 27:4

दोरच़ी ञेंहच़ी जहाज़ो दोरच़ी पूर्वो कुंणी ओ हखा यात्रा शुरू लहरिन, दंङ साइप्रस टापू नुरेच़ि अच़ा इलांई, छना कुचे पशिचम कुंणी ज़ि ञेंहतु खिलाप तेज लन्न तोहई।

प्रेरित 4:36

यूसुफ मिंदंङ इच्च़ा मीह तोहई। दुह लेवी खानदानो तोहई दंङ साइप्रस टापू च़ि तोहई। प्रेरिता ज़ि दोबि बरनबास कुईर, अतु मतलब दिह शुह, इच्च़ा झांह ठ्रोह मीह, अच़ि ऊईतिंङ हिम्मत रंड्री।