प्रेरित 21:10 - लाहौली बाइबिल

¹⁰ अपेहल ञेंहरे दोहर महस ध्याड़ा बंङज़ा इलांई, ता अगबुस मिंदंङ इच्च़ा भविष्यवक्ता यहुदिया प्रदेशंङ ज़ि अति।

प्रेरित 21:10 Iomraidhean Croise

मत्ती 2:1

हेरोदेस रज्ज़ा ऊ राज ओ मुक्का अपेहल यहुदिया प्रदेशो बेतलहम नगरंङ यीशु जन्म शुहते, दंङ पूर्व दिशाज़ि अंयों शुहदा ज्योतिषीज़ि, (बुद्धिमान मीहरे अच़ि कर खंड्रा भविष्यऊ पता लगाएच़ातेर) यरूशलेमङ शहरारिंङ अंज़े रुहक्च़ी लेहतिर,

प्रेरित 11:28

दोतु बिचंङ च़ि अगबुस मिंदंङ इच्च़ा भविष्यवक्ता ज़ि खड़े शुहचे पवित्र आत्माओ दोरच़ी दि कुट्री लेहती, कि भत्ते संसारा रिंङ मोह्ड़े अकाल अपतो, दंङ अगबुसे कुहते दिह हेले शुचि इलि। दुह अकाल महाराजा क्लौदियुस ओ मुक्का अति।

प्रेरित 20:16

पोलुसे इफिसुस शहरंङ माह तकसिमी फेंसला लहरी छना कुचे दुह आसिया प्रदेशारिंङ ऊई ध्याड़ा बंङज़ी माह तहरे, कि झांह शुबी मेस, कि दोबि असिया प्रदेशारिंङ ख्राये शुहचे योतो; छना कुचे दुह बल्ज़ा तोहई, कि अगर शुहचे तरपोतो ता दुह पिन्तेकुस्तो त्याहरो थल्जी यरूशलेम शहरारिंङ बंङज़ोतो।

प्रेरित 21:4

दंङ देर ञेंहतिंङ रे विशवासी खोकसिरी दंङ दोतंङ साते निज़ा ध्याड़ा तचेक बंङज़िनि, दोरे पोलुस रंङ साते घड़ी-घड़ी यरूशलेम शहर ओ हखा मेबिमी थल्जी विनती लहज़ातेर, छना कुचे पवित्र आत्मा ज़ि प्रकट लाहते कि दोबि दोर्तिंङ मुसीबतो सामना लेह पढ़ेक्पोतो।

प्रेरित 21:7

सोर शहर दोरच़ी हुंच़िमी थल ञेंहरे पतुलिमयिस शहरंङ पिचे इलिन, अंऊर ञेंरे नावो दोरच़ी तक्सा, दंङ विशवास न्वा रे ञेंतिंङ नमस्कार लेह दंङ इच्च़ा ध्याड़ा दोतंङ साते बंङज़िनि।