प्रेरित 20:2 - लाहौली बाइबिल

² दुह मकिदुनिया प्रदेशो इच्च़ा ठहरि ओ अई ठहरि यात्रा लहज़ा दंङ चेला तंङ दोआ दंङ दोतिंङ छा कुट्रीमी दोरच़ी याहब रंड्री लेहती। दोऊ थल दुह यूनान प्रदेशो हखा अच़ा अति।

प्रेरित 20:2 Iomraidhean Croise

लूको 3:18

दंङ यूहन्ना महस शिक्षा रे मीह तिंङ रूठे खबर सुनाचा तोहई।

प्रेरित 14:22

दंङ हर इच्च़ा शहरो चेला तु सेहम पक्‍का लोहवा लहरिर दंङ दिह शिक्षा रंड्रातेर कि विशवास रिंङ बणेंके तोंई; दंङ दिह कुट्रातेर, ञेंतिंङ महस कष्ट उठाके परमेश्वरो राज रिंङ इबि लेह्पोतो।

प्रेरित 15:41

दंङ दोरे भत्ते सीरिया ए किलिकिया प्रदेशारिंङ इलिर दंङ कलीसिया ओ विशवासी तिंङ पक्‍का लहज़ी लेहतिर।

प्रेरित 16:12

नियापुलिसो दोरच़ी जोज़ा ञेंरे फिलिप्पी शहरंङ पिच़ि इलि, अंऊ मकिदुनियो प्रदेशो इच्च़ा मोह्ड़े नगर, दंङ रोमी तु बस्ती तोहई; दंङ ञेंहरे दुह नगरंङ थोड़े अरे ध्याड़ा तचेक बंङज़िनि।

प्रेरित 17:1

दंङ पोलुस ए सीलास अम्फिपुलिस इलाका ए अपुलोनिया इलाकंङ च़ि शुहचे थिस्लुनीके नगरंङ अतिरे, अंऊर यहुदी सभो घरबार तोहई।

प्रेरित 17:10

विशवासी ज़ि दोहथर ए रातो रात पोलुस ए सीलासा बि बिरिया शहरो हखा चरच़े च़रतिर, दंङ दोरे दोर्तिंङ पिचे थल यहुदी सभो घरबारंङ इलिर।

प्रेरित 2:40

पतरसे ऊई ला महसे गप्पा तंङ साते घड़ी-घड़ी खबरदार लहरी, “परमेश्वरा रंङ साते विनती लंहि ताकि दोई केतिंङ बचाएपोतो दंङ सज़ा रंड्री माह जूंस अपेहल दुह दि मांजी मीहतिंङ सज़ा रमतो अंऊ दोच़ी यीशु बि ठुकराएतिर!”

प्रेरित 20:1

इफिसुसो मीहतु दि दंगा बंद शुहबिमी थल, पोलुसे चेला तिंङ बुलाके दोतिंङ याहब रेंई, दोऊ थल दोई दोतिंङ बिदा लहरी दंङ मकिदुनिया प्रदेशो हखा इबिमी थल्जी दोतु दोरच़ी हुंच़ा इलि।

प्रेरित 20:11

दोई यह्च़ा तोरिंङ इलजे रोटी थक्चीरि (प्रभु भोज) दंङ दोच़ी ठ्रोहका शुहचे बगत ज़हरिर, दंङ मुन्जे शुहतर तचेक दोतंङ साते गप्पा लहज़ी लेहती; दिऊ थल अच़ा इलि।

प्रेरित 20:3

दोर्तिंङ षुमु लाह बंङज़िमी थल पोलुस समुंद्रो दोरच़ी सीरिया प्रदेशो हखा इबिमी तहरे, पर दोई रेड्रिर कि रेह यहुदी सेंहणारे दोबि अमरिंङ सच़िमी थल्जी सोचेकच़ी लेहकी तोतोर, दंङ दिऊ थल्जी दोई मकिदुनिया प्रदेशंङ च़ि शुहचे सीरिया प्रदेशो हखा इबिमी फेंसला लहरी।

1 कुरिन्थियों 4:19

पर अगर प्रभु ज़ि जुंज़ा ता केहतु कछंङ युरनाह अपोग, पर दू घमण्डी तु सिर्फ शिक्षा ए माह, पर दोतु सामर्थ ला ञेंई केहऊगा।

कुलुस्सियों 1:28

ञेंरे मसीहू पाहठी प्रचार लहज़ा हर इच्च़ा मीहबी परमेश्वरो दोरच़ी रांहषी बुद्धि रंङ साते शिक्षा रंड्रा हिद दिलाएच़ा तंई ताकि हर इच्च़ा मसीह रिंङ सिद्ध विशवासी शुहबी जूंस अपेहल दोरे परमेश्वरो तुईज़ी खड़े शवाहतोर।

1 थिस्सलुनीकियों 2:11

छना केहच़ी ञेंच़ातंई, कि छना बाह एनोह कटुतंङ साते व्यवहार लहज़ा ध्वांए ए ञेंहच़ी ला केहतु बिचंङ हर इच्च़ाबि शिक्षा रंड्रा ए शांति रंड्रा तस्सली रंड्रातंई।

1 थिस्सलुनीकियों 2:3

छना कुचे ञेंहच़ी केतिंङ हप्सी खबर माह सुनाक्तंई दंङ माह ए दुह गलत इरादा रंङ साते, माह ए धोखा रंङ साते तोहई।

1 थिस्सलुनीकियों 4:1

हे गिऊ प्यारे साथी विशवासी रे, थल मुखंङ ञेंरे प्रभु यीशु मसीहू मिंदंङ केतंङ साते बिनती लहज़ातंई दंङ केतिंङ समझाएक्च़तंई, कि केरे झांह ठ्रोह चाल ज़ोई अंऊ परमेश्वराबि खुश लोहतो। अंऊ गेह केतिंङ सिखाएकातग केरे तुहई बेहच़ी ध्यांए ठ्रोह तोहई, दंङ ञेंरे केतिंङ ध्यांए लहच़िमी थल्जी ऊई ला उत्साहित लोहनि।