प्रेरित 2:9 - लाहौली बाइबिल

⁹ ञेंहतु बिचंङ रैह मीहरे पारथी, मेदी, एलाम प्रदेशो दोरच़ी शुई, दंङ ञेंहतु बिचंङ रैह मीहरे मेसोपोटामिया, यहुदिया, कपुदूकिया, पुन्तुस ए आसिया प्रदेशो शुरे।

प्रेरित 2:9 Iomraidhean Croise

प्रेरित 16:6

पोलुस, सिलास ए तीमुथियुस फ्रुगिया ए गलातिया प्रदेशंङ ज़ि इच्च़ा नगरंङ ज़ि अई नगरंङ इलिर, दंङ दोरे आसिया प्रदेश रिंङ प्रचार लहज़ी जुंज़ातेर पर पवित्र आत्मा ज़ि दोतिंङ दोर इबिमी थल्जी इंकार लेह च़रति।

प्रेरित 18:2

दंङ दोहर दोबि अक्किला मिंदंङ इच्च़ा यहुदी मीह दोरिह, अतु जन्म पुन्तुस प्रदेशंङ शुहचे तोहई अंऊ इच्च़ा रोमी प्रदेश ला तोहई; दंङ एनोह मेच़ा प्रिस्किल्ला रंङ साते इतालिया प्रदेशो दोरच़ी अंज़े तोहई, छना कुचे महाराजा क्लौदियुसे भत्ते यहुदी मीह तिंङ रोमो दोरच़ी हुंच़िमी हुकुम रांहषी तते, पोलुस दोतंङ साते दोहई इलि।

प्रेरित 19:10

दि झुह्ट साल तचेक ज़ारी तोहई, भत्ते मीहरे, झुल्ला यहुदी ए ऊईजाति अंऊ आसिया प्रदेशो बंङज़ातेर, प्रभु यीशु पाहठी खबर रेड्रीर।

प्रेरित 19:27

दंङ हेंतेग सिर्फ दिह इच्च़ा गप्पो ए बेह्द माह कि ञेंहतु दिह कमो तरीफ योह्सा योतो; पर दिह कि मोह्ड़े देवी अरतिमिसो मंदिर कवचि चेहपोर दंङ अतु भत्ते आसिया प्रदेशारिंङ रिंङ अराधना शवाह, दुह मंदिर ला नाश शुहचे योतो।

प्रेरित 19:31

असियो प्रदेशो अधिकारी तु बिचंङ ज़ि रेह पोलुसो मित्रार तोईरे। दोच़ी दोबि खबर च़रतिर दंङ विनती ला लहरिर, कि दुह रंगशालो अंद्रेग इलजे केनोह जान खतरा रिंङ था केहऊ।

प्रेरित 2:8

दंङ दिह छि शुहबी लेहकी तोह, अंऊ ञेंहतु बिचंङ च़ि हर इच्च़ा मीह अम्मो-अम्मो भाषा रिंङ गप्पा लेह रेड्री लेहकी तोतोंई?

प्रेरित 20:16

पोलुसे इफिसुस शहरंङ माह तकसिमी फेंसला लहरी छना कुचे दुह आसिया प्रदेशारिंङ ऊई ध्याड़ा बंङज़ी माह तहरे, कि झांह शुबी मेस, कि दोबि असिया प्रदेशारिंङ ख्राये शुहचे योतो; छना कुचे दुह बल्ज़ा तोहई, कि अगर शुहचे तरपोतो ता दुह पिन्तेकुस्तो त्याहरो थल्जी यरूशलेम शहरारिंङ बंङज़ोतो।

प्रेरित 20:18

दोरे दोऊ कछंङ अतिर दंङ दोतंङ साते कुई, “केरे गेरंङ साते बंङज़िमी मुक्का गिऊ जीवन ओ तरीका ञेंहनि, अंऊ कि गिऊ मुन्डा ध्याड़ा रिंङ आसिया प्रदेशा रिंङ अपिमी थल शुरू शुह्ते।”

प्रेरित 20:4

दिह यात्रा रिंङ बिरयो नगरङ बंङज़ा पुरूर्सो योह सोपत्रुस, थिस्लुनीकिया शहर ओ अरिस्तखुर्स ए सिकुन्दुस, दंङ दिरबे नगरो गयुस, दंङ तीमुथियुस, ए असिया प्रदेशो तुखिकुस दंङ त्रुफिमुस असिया प्रदेश तचेक हेंदंङ साते यात्रा रिंङ साते तोईरे।

प्रेरित 21:27

अपेहल दुह निज़ा ध्याड़ा पूरे शुहबिमी तोहई, ता आसिया प्रदेशो यहुदी मीह ज़ि पोलुसा बि यहुदी मंदिरो ल्वाड़िङ खंड्रा ते भत्ते मीहतिंङ बेहकाएति, दोथर पोलुस बि च़ुमने च़रतिर, दंङ हाऊषेपि लेहतिर,

प्रेरित 24:18

दू मुक्का यहुदी मुख्या ज़ि यहुदी मंदिरंङ गिह्बी शुद्ध शुहबी रिति पूरे लहज़ी खंणीर, गेरंङ साते माह भीड़ तोहई, दंङ माह ए छो आ सग तोहई। पर आसिया प्रदेशो रे यहुदी मीहरे तोतोर अंऊ दोच़ी आशांत माहौल बणाएषी तातोर।

प्रेरित 27:2

अन्द्र्मुतियुमो शहरो इच्च़ा जहाज़ा रिंङ अंऊ आसिया प्रदेशो कुंणीऊ ईलाकंङ ज़ि इच्च़ा नगरो अई नगरंङ इबिमी ताहरे, दोर हुंच़ा हेंज़ी हेंदु यात्रा शुरू लहरिन, दंङ अरिस्तखुर्स मिन्दु मकिदुनिया प्रदेशो थिस्लुनीके नगरो वासी ला हेंतेग साते तोहई।

प्रेरित 6:9

पर रेह मीहरे स्तिफनुस ओ विरोध लहज़ी लेहतिर। अंऊ दुह यहुदी सभो घरबारो मीहर तोईरे “अतिंङ गुलामी ऊ दोरच़ी आज़ाद मीहतु सभो घर कुट्रा तोईरे” दोरे मीहरे कुरेन ए सिकंदरिया शहरो दंङ किलिकिया ए आसिया प्रदेशंङ च़ि ला तोईरे। दिरे मीहरे स्तिफनुस रंङ साते बहस लहज़ी लेहतिर।

प्रेरित 7:2

“स्तिफनुस ए कुड़ी, हे न्वारे, हे सेंहणारे रेड्रुंई, ञेंहतु बाह-मेमे अब्राहम हारान नगरंङ बसेक्‌पि बे तुहई अपेहल मेसोपोटामिया प्रदेश मिंदंङ ठहरि रिंङ तोहई; ता महिमा रंङ परमेश्वरे दोबि दर्शन रांई,

रोमियो 16:5

दंङ दू विशवासी तु मंडली बि ला नमस्कार अंऊ दोतु घरबारंङ ठ्रोहका शवात। गिऊ प्यारे इपेनितुस बि, अंऊ आसिया प्रदेशो मसीहू टोहकठे विशवास लहज़ा मुण्डो मीह शुह, दोबि ला गिऊ नमस्कार।

1 कुरिन्थियों 16:19

आसिया प्रदेशो कलीसिया ओ तरफे केतिंङ नमस्कार; अक्किला ए दोऊ मेच़ा प्रिस्किल्ला ओ दंङ दुह कलीसिया अंऊ दोतु चुंङ ठ्रोहका शवाह, दोऊ ला केतिंङ प्रभु रिंङ महसे-महसे नमस्कार।

2 कुरिन्थियों 1:8

हे गिऊ साथी विशवासी रे, गेह जुंज़ातग कि केरे दू परेशानी तु पाहठी ञेंई च़रतुंई अंऊ आसिया नगरंङ ञेंहतु टोहकठे अंदे, दू महस मोह्ड़े ए ञेंहतु सहन शाक्ति बे मोह्ड़े तोहई, देर तचेक कि ञेंहच़ी श्रींङमी बि उम्मीद ए छोड़ेके चरच़ातेंई।

2 तीमुथियुस 1:15

केई ञेंहच़ातन कि, आसिया प्रदेशारिंङ बंङज़ा रें विशवासी ज़ि गेह छोड़ेके केहतोर, अंऊर फूगिलुस ए हिरमुगिनेस तोईरे।

1 पतरस 1:1

गेह, पतरस अंऊ यीशु मसीहू प्रेरित शुगाह, दि डाक चेहच़ातग। गेह दि डाक परमेश्वरो अंङषी दू मीहतिंङ चेहच़ातग, अंऊ कि पुन्तुस, गलातिया, कपुदूकिया, आसिया, ए बितुनिया प्रदेशो शत्‌ह-शत्‌ह शहरा रिंङ परदेशी तु ठ्रोह बंङज़ातेर।

प्रकाशित वाक्य 1:11

कि “छिल्ला केई खंड्रातन, दोबि कताबारिंङ च़ेहसी ते निह्ज़ी कलीसिया बि चरच़ि च़रतु, अंऊ दि शहरारिंङ तोह, इफिसुस, स्मुरना, पिरगमुन, थुआतीरा, सरदीस, फिलेदिलफिया ए लौदीकिया।”

प्रकाशित वाक्य 1:4

गेह यूहन्ना, दि डाक केतिंङ निह्ज़ी कलीसिया बि चेहच़ातग अंऊ आसिया प्रदेशारिंङ रिंङ तोह। गेह प्रार्थना लहज़ातग कि परमेश्वर अंऊ तोह, दंङ अंऊ हमेशा बेहच़ी तोहई, दंङ अंऊ अपिमी तोह; दंङ दुह निह्ज़ी आत्माओ तरफे, अंऊ परमेश्वरो सिंहासनो तुईज़ी तोह, केतिंङ मोह्ड़े दाह ए शांति खोकसोतो।