प्रेरित 2:5 - लाहौली बाइबिल

⁵ दुह मुक्का रिंङ, परमेश्वरो बेह्द चेहच़ार महसे यहुदी मीहरे तोईरे अरि संसारो हर इच्च़ा देशंङ च़ि त्यार मनाएच़िमी थल्जी अंज़े तोईरे दंङ यरूशलेम शहरंङ बंङज़ा तोईरे।

प्रेरित 2:5 Iomraidhean Croise

मत्ती 24:14

दंङ परमेश्वरो राज्यो पाहठी दिह रूठे खबर भत्ते संसारारंङ प्रचार शोतो कि भत्ते देशो जाति ज़ि दिबी ग्रहण लहज़िमी मोका खोकसोतो। दोहथल संसारो अंत अपतो।

लूको 17:24

छना बिजली सर्गो इच्च़ा कुंणीरिंङ चमकेके सर्गो अई कुंणी तचेक छंङी लाह, ध्यांए गेह मीहू योह ला घेंङौ ध्याड़ारिंङ प्रगट शोहग।

लूको 2:25

दुह टेमारिंङ यरूशलेम शहरारिंङ शमौन मिन्दु इच्च़ा मीह तोहई, दंङ दुह मीह धर्मी ए भक्त तोहई; दंङ दुह बेसब्र सुचे मसीहू अपिमी थल्जी रुमज़ा तोहई कि दुह अपतो दंङ इस्राएलो मीहतिंङ शांति रमतो, दंङ पवित्र आत्मा दोरंङ साते तोहई।

लूको 24:18

दिह रेड्रीरंङ दोतु बिचंङ च़ि किल्योपास मिन्दु इच्च़ा मीह ज़ि कुहतो, “शायद कांह यरूशलेम शहरंङ इच्च़ा ए झांह ठ्रोह इच्च़ा मीह शुनाह, अच़ि दि माह ञेंहच़ा कि दिऊवर देहर छि शुहते?”

यहून्नो 12:20

दोर्तिंङ थोड़े अरे यहुदी मीहरे तोईरे अरी फसह त्याहरो मुका अराधना लहज़िमी थल्जी अंज़े तोईरे।

प्रेरित 10:2

दुह परमेश्वरो अराधक तोहई, दंङ गरीब यहुदी मीहतिंङ महसे दान रंड्राते, दंङ हर टेम परमेश्वरारंङ साते प्रार्थना लहज़ाते।

प्रेरित 10:7

छना ए दुह स्वर्गदूत अच़ि कुरनेलियुस रंङ साते गप्पा लहते अच़ा इलि, दंङ दोऊ झुह्ट परगर, दंङ अंऊ दोऊ कछंङ हाज़िर बंङज़ा शवातेर, दोतु बिचंङ च़ि इच्च़ा भक्त सेनिका बि बुलाएति अंऊ दोऊ एनोह सेवका तु बिचंङ ज़ि इच्च़ा तोहई, परमेश्वरो अराधक तोहई बुलाएती।

प्रेरित 13:50

तांला यहुदी मीहतु सेंहणा ज़ि भक्त ए रूठे मेच़िमीतिंङ दंङ शहरो अगुवा तिंङ भड़काएतिर, कि दोच़ी पोलुस ए बरनबासा बि सताएपोर। दोच़ी दोतिंङ दुह एनोह इलाका ओ दोरच़ी धह्तेका हुंच़े च़रतिर।

प्रेरित 2:1

अंऊ ध्याड़ा यहुदी मीहरे पिन्तेकुस्त त्यार मानाएच़ी लेहकी तोईरे ता दोरे भत्तेर विशवासी यरूशलेम शहरा रिंङ इच्च़ा ठाहरीरिंङ ठ्रोहका शुईरे।

प्रेरित 22:12

दोथर हनन्याह मिंदंङ भक्त मीह अंऊ हेंदु यहुदी कानूनो रूठे रंङ भाषे लहज़ाते, गिऊ कछंङ अति,

प्रेरित 8:2

दंङ रेह भक्त गंङमी ज़ि स्तिफनुसो फुक कब्रङ केहरिर; दंङ दोऊ थल्जी महस शोक लहरिर।

प्रेरित 8:27

दुह खड़े शुहचे अच़ा इलि, अंऊ मुक्का फिलिप्पुस इबि लेहकी तोहई दोहपल अमरिंङ दोबि कूश देशो इच्च़ा मीह दोईरी, अंऊ खोजा मतलब हिज़ड़ा तोहई दंङ कूश देशो रानी कन्दाके ओ मन्त्री ए खज़ान्च़ी तोहई, दंङ अराधना लहज़िमी थल्जी यरूशलेम शहरंङ अंज़े तोहई।

कुलुस्सियों 1:23

पर केतिंङ विशवासा रिंङ इच्च़ा मुयांदो ठ्रोह पक्‍का शुहबी जूंस, दंङ दुह उम्मीदा बि अंऊ केहतु कछंङ तोह केतिंङ अपेहला छोड़ेक्च़ी माह जूंस अंऊ हेंतेग हेंदु कछंङ तोह छना कुचे हेंज़ी दुह ए रूठे खबरो टोहकठे विशवास लहज़ातंई, अतु प्रचार भत्ते धरतीऊ मीहतु बिचंङ लहसी तोह; दंङ अतु गेह पोलुस, सेवक बणेक्तिग।