प्रेरित 2:41 - लाहौली बाइबिल

⁴¹ छिला धिर परतसे कुंई, अच़िला दोऊ टोहकठे बिशवास लहरिर दोच़ी बपतिस्मा लेहप्तिर; दंङ दुह ए ध्याड़ा रिंङ दुह (बिशवासी मीहतु) झुंडो बिचंङ लगभग षुमु हज़ार मीहरे दोतंङ साते शुहचे इलि।

प्रेरित 2:41 Iomraidhean Croise

यहून्नो 14:12

गेह केतंङ साते हेले कुट्रातग, कि अच़ि गिऊ टोहकठे विशवास तहच़ा, दिह कम अंऊ गेह लहज़ातग दोई ला लोहतो, पर दिहबे मोह्ड़े-मोह्ड़े कम लोहतो, छना कुचे धह गेह घेंङौ पिता परमेश्वरो कछंङ य्वातग।

यहून्नो 21:11

दंङ शमौन पतरसे किशतीऊ टोईच़ी इलजे राओ टोईच़ी निन्जो शशुहम मोह्ड़े मह्छ़ा रे च़ि पिंङषे जाल मुखंङ नुअंड्रीरी, दंङ धोंण मह्छ़ारे शुहचंङ ला दुह जाल माह ध्वाक्सिरी।

प्रेरित 1:15

इच्च़ा ध्याड़ारिंङ पतरस दुह लगभग राह निंज़ो मीहतु बिचंङ खड़े शुहचे कुट्री लेहती,

प्रेरित 13:48

अपेहल ऊईजाति ज़ि दिह रेड्रीर ता दोरे महस खुश शुहचे इलिर, दंङ दोऊ दि खबरो थल्जी प्रभु बि धन्यवाद रंड्री लेहतिर, दंङ अंयों ला अनंत जीवनो थल्जी ठहराएसी तातेर दोच़ी बिशवास लहरिर।

प्रेरित 2:37

अपेहल मीहज़ी दिह रेड्रिर ता दोरे एनाह बि दोषी महसूस लहज़ी लेहतिर, दंङ दोरे पतरस ए ऊई प्रेरिता तंङ साते रुहक्च़ी लेहतिर, “हे बिशवासी न्वारे हेनर छि लोहनी?”

प्रेरित 2:47

दंङ परमेश्वरो अराधना लहज़ातेर, दंङ भत्ते मीहरे दोतंङ साते खुश तोईरे; दंङ अंऊ दोरे उद्धार खोक्शतेर, दोतिंङ प्रभु दोतंङ साते शामिल लेह चरच़ाते।

प्रेरित 27:37

ञेंरे भत्ते रे जहाज़ो टोईच़ी झुह्ट राओ टोईच़ी षुमु निह्ज सत्रुई मीहरे तोईनी।

प्रेरित 3:23

दोहपल मूसा ज़ि कुई अरिला दुह भविष्यवक्ता बि माह रेड्रतो दोबि पूरा तरीका रंङ परमेश्वरो मीहतु बिचंङ च़ि हुंच़े च़रपोर।

प्रेरित 4:4

पर शिक्षा रेड्रा दोतु बिचंङ च़ि महसे मीहज़ी यीशु ऊ टोहकठे बिशवास लहरिर, दंङ दोर्तिंङ भत्तेर ठ्रोहका लेह लगभग ङा हज़ार गंङमीहरे तोईरे अरी यीशु ऊ टोहकठे बिशवास लहज़ार शुहचे इलिर।

प्रेरित 7:14

दंङ यूसुफ ए एनोह बाह याकूब ए एनोह भत्ते खानदानो मीहतिंङ अंऊ षुमु निह्जो संङ मीहरे तोईरे, मिस्त्र देशंङ एनोह कछंङ बुलाएती।

रोमियो 13:1

हर इच्च़ा मीह प्रधान अधिकारितु अधीन बंङज़ोरे; भत्ते अधिकार परमेश्वरो दोरच़ी तोह, दंङ अंऊ अधिकार तोतोर, दोरे परमेश्वरो दोरच़ी ए ठहरासी तोतोर।

1 थिस्सलुनीकियों 1:6

केहच़ी ञेंहतु ए प्रभु उदाहरण हिद लहरिन, अंऊ पवित्र आत्माओ दोरच़ी केतिंङ रांहषी तोहई, केहच़ी खुशी रंङ साते दू ग्रहण लहज़ातंई, दि तरीका रंङ केरे ला हेंदु ए प्रभु यीशु मसीहू शिष्य बणेंके इलांई।

1 पतरस 3:20

दि दू मीहतु आत्मा तोहई अंऊ दोच़ी महस तुहई परमेश्वरो गप्पो उलंघन लहसी ताहरेर। अपेहल नूह एनोह नाव बणाएच़ते, दंङ परमेश्वर धीरज़ा रंङ साते रूमज़ा तोहई कि खमोंई छि दोरे मीहरे पश्चाताप लहज़ातोर। पर सिर्फ रें मीहतिंङ दू भयानक डढो दोरच़ी बचाएक्ते।

प्रकाशित वाक्य 16:3

दूसरा स्वर्गदूते अंऊ दोऊ कोली रिंङ तोहई दोबि समुंद्रो टोईच़ी थोहरच़े च़रति। ध्वांए समुंद्र इच्च़ा सिए मीहू शुहई ठ्रोह शुहचे इलि, झांह लेह समुंद्रो अंदरेग बंङज़ा भत्ते जीवार सिए इलिर।