प्रेरित 2:4 - लाहौली बाइबिल

⁴ दंङ दोरे भत्ते पवित्र आत्मा रंङ साते पिंङषा इलिर, दंङ छना पवित्र आत्माज़ि दोतिंङ कुट्रिमी वरदान रेंई, दोऊ दोरच़ी दोरे ऊहई-ऊहई भाषा कुट्री लेहतिर।

प्रेरित 2:4 Iomraidhean Croise

मत्ती 10:19

पर अपेहल दोच़ी केरे च़ुमने लोहर ता दिह चिंद थालांई कि ञेंहच़ी छना छि कुंई; छना कुचे केतिंङ छिल्ला कुट्रिमी शोतो दुह केतिंङ कंड्रे च़रपोर।

मरकुसो 16:17

अच़ि गिऊ टोहकठे विशवास लहज़ा दोतु दी स्वर्गीय निशानी शोतो कि दुरेह गिऊ मिन्दिंङ मांजी आत्मा हुंपोर, दुरेह खरकोई-खरकोई भाषा कोहर,

लूको 1:15

छना कुचे दुह गंङकटु प्रभु तुईज़ी महान शोतो; दुह दाखरस ए सरा अपेहल ला तुंङमी माह जूंस, दंङ एनोह याहू खोकटुंङज़ि ए पवित्र आत्मा रंङ साते बिंङे शोतो;

लूको 1:41

छना ए एलीशिबे मरियमो नमस्कार थक्शी, ध्यांए कटु दोऊ खोकटुंङ छ्वा रेंई, दंङ एलीशिबा पवित्र आत्मा रंङ साते पिंङषा इलि।

लूको 1:67

दंङ दोऊ बाह जकर्याह पवित्र आत्मा रंङ साते पिंङे इलि, दंङ भविष्यवाणी लहज़ी लेहती;

लूको 12:12

छना कुचे पवित्र आत्मा केतिंङ दुह मुका ए सिखाएपोर कि छी कुट्री जूंस।”

लूको 21:15

छना कुचे गेह केतिंङ झांह ठ्रोह गप्पा ए समझ रमोर कि केहतु भत्ते बैरीर केहतु सामना लेह मरपोर।

लूको 4:1

दंङ यीशु पवित्र आत्माज़ि परिपूर्ण शुहचे, यरदन बेंडी ज़ि यह्च़ी; दंङ पवित्र आत्मो सिखेच़िमी बजह सुनसान ठाहरीरिंङ देखा नोखा ज़ोवा लहाते;

यहून्नो 14:26

पर केहतु मदतगार मतलब दुह पवित्र आत्मा अतिंङ पिता परमेश्वरे गिऊ अधिकारंङ च़रपोतो, दुह पवित्र आत्मा ए केतिंङ भत्ते गप्पा सिखाएपोतो, दंङ छिला धिर गेह केतंङ साते कुहषी तातग, दुह भत्ते धिर केतिंङ हिद दिलाएपोतो।”

यहून्नो 20:22

दीह कुट्रा दोई दोतु टोईच़ी फुह लहरी दंङ दोतंङ साते कुतोह, “पवित्र आत्मा लेहप्तुंई।

प्रेरित 1:5

छना कुचे यूहन्ना ज़ि ता केतिंङ ती रंङ साते बपतिस्मा रंदे पर थोड़े ध्याड़ो थल परमेश्वरे केतंङ साते बंङज़िमी थल्जी पवित्र आत्माबि च़रपोतो।”

प्रेरित 1:8

पर अपेहल पवित्र आत्मा केहतु टोहकठे अपतो दोहपल केतिंङ सामर्थ खोकसोतो; दंङ यरूशलेम शहर ए भत्ते यहुदिया ए सामरिया प्रदेशारिंङ, दंङ संसारो भत्ते ठाहरीरिंङ मीहतिंङ गिऊ पाहठी कंड्रिमी थल्जी गिऊ गवाह शोंई।

प्रेरित 10:46

छना कुचे दोच़ी दोतिंङ पाहठी-पाहठी भाषा रिंङ कुट्री ए परमेश्वरो तारीफ लहज़ी रेड्रिर। दिरंङ पतरसे कुई,

प्रेरित 10:47

“दितिंङ परमेश्वरो दोरच़ी ञेंहतु ठ्रोह ए पवित्र आत्मा खोकसा इलज़ा, दंङ अच़िला दितिंङ ती ओ दोरच़ी बपतिस्मा रंड्रीमी दोरच़ी रोकेगी लेह मरपोतो।”

प्रेरित 11:15

अंऊ मुक्का गेह गप्पा लेह लेहतिग ता पवित्र आत्मा दोतु टोईच़ी ध्वांए ठ्रोह अति, छना ठ्रोह मुण्डारिंङ ञेंहतु टोईच़ी तक्सा अंदे।

प्रेरित 11:24

बरनबास इच्च़ा रुठे मीह तोहई; दंङ पवित्र आत्मा ए बिशवास रंङ साते परिपूर्ण तोहई; दंङ महसे मीहज़ी प्रभु टोईच़ी विशवास लहरिर।

प्रेरित 13:52

दंङ अन्ताकिया शहरंङ विशवासी खुशी रंङ ए पवित्र आत्मा रंङ साते परिपूर्ण शुहवा लहरिर।

प्रेरित 13:9

दोथर शाऊले अतु मिन पोलुस ला शुह, पवित्र आत्मा रंङ परिपूर्ण शुहचे एलीमास जादूगर ओ हखा खंड्राते कुंई,

प्रेरित 15:8

परमेश्वर मीहतु सेहम ञेंहच़ा। परमेश्वरे ऊईजाति तिंङ ञेंहतु ठ्रोह पवित्र आत्मा रें दिह कांहषी ततो कि दोई दोतिंङ एनोह मीहतु रुपंङ स्वीकार लेह केह्तो।

प्रेरित 19:6

अपेहल पोलुसे दोतु टोईच़ी गुहड़ केहरी, दंङ दोतु टोहकठे पवित्र आत्मा अति, दंङ दुरे खरकोई, खरकोई भाषा कुट्री ए भविष्यबाणी लहज़ी लेहतिर।

प्रेरित 2:11

यहुदी ए, यहुदी धर्म मनेकच़ार ऊई जातिओ मीहरे, क्रेते टापू ऊ मीहरे ए अरब देशो मीहरे ला तोतोर, पर अम्मो-अम्मो भाषारिंङ दोतु दोरच़ी परमेश्वरो मोह्ड़े-मोह्ड़े कमो गप्पारे रेड्रातेर।”

प्रेरित 2:3

दंङ दोतु तुईज़ी मेहऊ गिहठा लेह ऊ ठ्रोह तोहई तंङफी लेहती, अंऊ इदि-अईदि ओ दोरच़ी शताह शुहचे हर इच्च़ा विशवासी ओ पुंज़ा नहच़ा इलि।

प्रेरित 4:31

अपेहल दोच़ी प्रार्थना लेह केहरिर, ता दुह ठहरि अंऊर दोरे ठ्रोहका तोईरे त्रुल्ज़ा इलि, दंङ दोरे भत्तेर पवित्र आत्मा रंङ साते पिंङे इलिर, दंङ परमेश्वरो बचन याहब रंङ साते सुनाएची लेहतिर।

प्रेरित 4:8

दोहथर पतरस पवित्र आत्मा रंङ साते पिंङे दोतंङ साते कुई,

प्रेरित 6:3

दिऊ थल्जी हे बिशवासी न्वारे, केनातु बिचंङ ज़ि निह्ज रूठे गंङमी रे अंऊ पवित्र आत्मा ए बुद्धिरंङ साते परिपूर्ण तोतोर, अंङे च़रतुंई, कि ञेंहरे दोतिंङ दिह कमो ज़िम्मेवारी रें तरपोंई।

प्रेरित 6:5

दिह गप्पा भत्ते मंडली बि रूठे अति, दंङ दोच़ी रेह मीहरे अंङे च़रतिर, दोतु मिन दिह शुह: स्तिफनुस अंऊ विशवास ए पवित्र आत्मा रंङ साते परिपूर्ण तोहई, दंङ फिलिप्पुस, प्रुखुरुस, निकानोर, तीमोन, परमिनास, ए अन्ताकिया शहरंङ बंङज़ा निकुलाउस अंऊ यहुदी धर्माबि मनेक्च़ा ऊई जातिओ मीहरे तोहई।

प्रेरित 6:8

स्तिफनुस परमेश्वरो मोह्ड़े दाह ए सामर्थ रंङ साते परिपूर्ण शुचे मीहतु बिचंङ मोह्ड़े-मोह्ड़े ए हेरानी ओ कम ए चिन्ह चमत्कार लहज़ाते।

प्रेरित 7:55

पर स्तिफनुसे पवित्र आत्मारिंङ परिपूर्ण शुहचे स्वर्गो हखा खांई दंङ परमेश्वरो महिमा ए यीशु बि परमेश्वरो सुचंङ हासी खड़े खंड्रा ते कुंई,।

प्रेरित 8:17

दोहथल पतरस ए यूहन्ना ज़ि दोतु टोहकठे गुह्ट्र केहरिर दंङ दोच़ी पवित्र आत्मा खोकसिरी।

प्रेरित 9:17

दोथर हनन्याह खड़े अच़ा दुह चुंङ अति दंङ शाऊला रंङ साते दोहरी दंङ दोऊ टोईच़ी एनोह गुड़ केट्रा ते कुई, “हे न्वा शाऊला, प्रभु यीशु ज़ि, अच़ि कनिंङ देर्तिंङ अपिमी मुक्का दमिशको शहरो इबिमी मुक्का अमरिंङ दर्शन रेंई, दोई ए गिह्बी चरच़तो, कि कांह यच़ाह खांई तरपोन दंङ पवित्र आत्मा रंङ साते परिपूर्ण शुहचे योंई।”

रोमियो 15:13

गेह प्रार्थना लहज़ातग कि परमेश्वर अंऊ उम्मीदो दाता तोह, केतिंङ विशवास लहज़िमी भत्ते पाहठी खुशी ए शांति रंङ साते पिंङे च़रपोतो, कि पवित्र आत्माओ सामर्थो दोरच़ी केहतु उम्मीद बणेंके योतो।

1 कुरिन्थियों 12:10

अतिंङ आ सामर्थो कम लहज़िमी वरदान; दंङ रें तिंङ भविष्यवाणी लहज़िमी वरदान, दंङ रें तिंङ आत्मा परखेक्च़िमी वरदान, दंङ रें तिंङ महसे पाहठी भाषा कुट्रीमी वरदान; दंङ रें तिंङ भाषा ओ अर्थ कंड्रिमी वरदान रंड्रा।

1 कुरिन्थियों 13:1

गेह भले मीहतु ए स्वर्गदूतातु बोली कोहग पर अगर गेह मीहतंङ साते दाह माह लहज़ातग, दंङ दू भाषा ला कुट्री धोंण ए बेकार शोतो अंयों कि इच्च़ा रिओ नंदे बि कुलड्री या झांझ बि इच्च़ा मुंद्दे कुलड्री।

1 कुरिन्थियों 13:8

दू टेम अपतो अपेहल मीहरे परमेश्वरो खबरो प्रचार माह लोहर, या ऊई पाहठी भाषा माह कोहर, दंङ परमेश्वरो पाहठी डुह्गे ज्ञानो वरदान ए परमेश्वरो रूठे खबरो प्रचार लहज़िमी काबिलियत अधूरे तोह।

1 कुरिन्थियों 14:18

गेह घेंङौ परमेश्वरो धन्यवाद लहज़ातग, कि गेह केरे भत्ते बे महसे शत्‌ह भाषा कुट्रातग।

1 कुरिन्थियों 14:5

गेह जुंज़ातग कि केरे भत्ते शत्‌ह भाषारिंङ गप्पा लंहि पर महसे दि जुंज़ातग कि भविष्यवाणी लंहि; छना कुचे शत्‌ह भाषा कुट्रा मीह दि गप्पो व्याख्या लेह मरच़ा कि दू कलीसिया रिंङ विशवासी तु विशवास पक्‍का लहज़िमी थल्जी छि क्वात, दंङ अंऊ मीह भविष्यवाणी लहज़ा दोई महस जूंशी कम लहज़ा।

इफिसियों 3:19

गेह प्रार्थना लहज़ातग कि, केरे मसीहू दि दाह ञेंए तरपोंई, अंऊ मीहु समझ बे धकते तोह, ताकि केहतु स्वाभाव परमेश्वरो स्वाभावो ठ्रोह शुहचे योतो।

इफिसियों 5:18

सरो नशारिंङ मस्त शुहचे केनातिंङ नाश थालंही, छना कुचे दिरिंङ मीहरे एनोह सुधबुधो दोरच़ी धकतेखा शुचे यवाह। बल्कि पवित्र आत्माबि केतिंङ एनोह सामर्थे पिंङड्री रांई।

इफिसियों 6:18

दंङ भत्ते मुक्का ए भत्ते पाहठी हेंदिंङ ध्वांए ए प्रार्थना ए बिनती लहज़ी जूंशी तोह। छना पवित्र आत्माज़ि हेंदु अगुवाई लहज़ा। झांह लेह चेहके बंङज़ेंई दंङ भत्ते परमेश्वरो मीहतु थल्जी हमेशा प्रार्थना लोहवा लंहि।

1 पतरस 1:12

पर परमेश्वरे दि भविष्यवक्ता तिंङ कंड्रिरी कि दोतु खबर दोतु एनातु थल्जी मशत पर केहतु थल्जी तोहई। दू खबर यीशु मसीहू पाहठी रूठे खबर शुह अंऊ केहच़ी हेंतेग रेड्रातंई। परमेश्वरे स्वर्गंङ ज़ि एनोह पवित्र आत्मा चरच़तो कि केतिंङ रूठे खबर प्रचार लहज़िमी थल्जी मीहतु मदत लोहतो। दि भत्ते धोंण अद्धभुत तोह कि देर तचेक कि स्वर्ग दूत कि स्वर्गदूत ला खुशी रंङ दि चीज़ा बि खंड्रातोर।

2 पतरस 1:21

छना कुचे भविष्यवक्ता ज़ि अपेहला अंऊ ला भविष्यवाणी मीहतु हिटी रंङ साते माह कुईर। बल्कि पवित्र आत्माज़ि दोतु विचार काबू लहरी दंङ दोतिंङ दुह बचन कुट्रीमी थल्जी मदत लहरी अंऊ परमेश्वरे जुंज़ा कि दोच़ी कोहर।