प्रेरित 2:11 - लाहौली बाइबिल

¹¹ यहुदी ए, यहुदी धर्म मनेकच़ार ऊई जातिओ मीहरे, क्रेते टापू ऊ मीहरे ए अरब देशो मीहरे ला तोतोर, पर अम्मो-अम्मो भाषारिंङ दोतु दोरच़ी परमेश्वरो मोह्ड़े-मोह्ड़े कमो गप्पारे रेड्रातेर।”

प्रेरित 2:11 Iomraidhean Croise

प्रेरित 2:10

ञेंहतु बिचंङ रैह फ्रुगिया, ए पंफूलिया प्रदेश शुई। रै मीहरे मिस्त्र ए लीबिया देशो कुरेन शहरो कछंङ ज़ि तोतोर। दंङ रैह यहुदी मीहरे रोम शहरंङ ज़ि यरूशलेम शहरा रिंङ थोड़े ध्याड़ो थल्जी अंज़े तोतोर।

प्रेरित 2:12

दंङ दोरे ठट् शुहचे इलिर, दंङ समझेक्सी माह लेहतिर कि, “दिह छि शुहबी लेहकी तोह?” दंङ दोरे इदि-अई दिरंङ साते रूहक्च़ी लेहतिर कि दिऊ मतलब छि शुह।

प्रेरित 27:12

रूठे ठहरि मिन्दु बन्दरगाह सोई टेमो थल्जी रूठे माह तोहई; दिऊ थल्जी साथी यात्री तु विचार शुई, कि अगर दोरे क्रेते टापू रिंङ दक्षिणो दोरच़ी जहाज़ा बि तुंखा शिलज़ि तरपोर, दंङ छना ठ्रोह फीनिक्स बन्दरगाह पिच़ि योंई, दंङ दोर तूफानी मौसम बिताएगी तरपोंई। दि तूफानो मौसमो मुक्का बंङज़िमी थल्जी इच्च़ा रूठे ठहरि तोहई, छना कुचे दोच़ी सोई लन्न तु सामना माह लहज़ाते।

प्रेरित 27:13

अपेहल फोह-फोह लन्न लेहती, दंङ दि सोचेक्ति कि दू योजना ओ हिसाबे फीनिक्स पिचे योर। दिऊ थल्जी लंगर कुरच़ा दंङ क्रेते टापू मुखारिंङ, समुंद्रो हखा इबिमी लेहती।

प्रेरित 27:7

तेज लन्न तु वहज़ा ज़ि ञेंरे महस ध्याड़ा तचेक सूले-सूले जहाज़ो टोईच़ी यात्रा लहज़ातेंई दंङ मुशकिलारंङ साते कनिदुसो शहरो कछंङ पिच़ि इलिन। दंङ लन्न धोंण तेज शुचि इलि कि जहाज़ तुंखा माह शुई, झांह लेह ञेंहच़ी दिशा लेहक्सा च़रतिन दंङ जहाज़ क्रेते टापू रूठे अरि ठहरि पिच़ि इलि ताकि सलमोन शहरंङ पिचे तरपोंई।

1 कुरिन्थियों 12:10

अतिंङ आ सामर्थो कम लहज़िमी वरदान; दंङ रें तिंङ भविष्यवाणी लहज़िमी वरदान, दंङ रें तिंङ आत्मा परखेक्च़िमी वरदान, दंङ रें तिंङ महसे पाहठी भाषा कुट्रीमी वरदान; दंङ रें तिंङ भाषा ओ अर्थ कंड्रिमी वरदान रंड्रा।

1 कुरिन्थियों 12:28

मसीहू दि फुका रिंङ, अंऊ कलीसिया तोह, परमेश्वरे हेंदिंङ शत्‌ह ठ्रोह सेवकाई ओ थल्जी अंङषी ततो: भत्ते बे तुहई, दोई प्रेरित, दूसरा भविष्यवक्ता, दोऊ थल मदत लहज़ा मुख्या, दंङ भत्ते पाहठी भाषा कुट्रा।

गलातियों 1:17

दंङ अंऊ गिहबे तुहई प्रेरित तोईरे, दंङ दोतंङ साते दोईमी थल्जी गेह यरूशलेम शहर मेलिगा; पर गेह ध्वांए अरब देशो हखा अच़ा इलिगा दंङ दोरच़ी यह्च़ा दमिश्क शहर ओ हखा वापिस अच़ा अतिगा।

गलातियों 4:25

हाज़िरा सीने गोह बि दर्शाएच़ा अंऊ अरब देशा रिंङ तोह। दू तोंखी यरूशलेम शहरो ठ्रोह तोह अंऊ कि मीहरे मूसाओ कानूनो भाषे लहज़िमी दोरच़ी गुलाम तोतोर।

तीतुस 1:12

क्रेते टापू इच्च़ा मीह, अतिंङ दोरे मसीह इच्च़ा बुद्धिमान मीह ञेंहच़ातोर, कुहषी ततोर, कि क्रेते टापू मीहरे हमेशा हप्सी कुट्रातोर। दोरे बंणो घ्वंणा तु ठ्रोह व्यवहार लहज़ातोर दोरे सुस्त तोतोर दंङ महस बगत ज़ाह्जाढ़ तोतोरे।

तीतुस 1:5

गेह झांह लेह कनिंङ क्रेते टापूरिंङ (मतलब समुंद्रो बिचंङ अंऊ ज़मीन शुहबी दोबि टापू कुट्री) केट्रा अतिगा, ताकि कांह दोर्तिंङ हेंदु कम पूरा लेह तरपोन दंङ क्रेते टापू ओ हर शहर रिंङ कलीसिया ओ सेंहणा अंङे च़रतु, ध्वांए छना लहज़िमी गेह हुकुम रांहषी तातग।

इब्रानियों 2:4

दंङ परमेश्वर चिन्ह ए अद्धभुत कमो, महस पाहठी चमत्कारो दंङ पवित्र आत्माओ दोरच़ी मीहतिंङ वरदान रंड्रा दि खबरा बि ठीक ध्वांए साबित लहरी, छना दोई जुंज़ाते।