प्रेरित 2:10 - लाहौली बाइबिल

¹⁰ ञेंहतु बिचंङ रैह फ्रुगिया, ए पंफूलिया प्रदेश शुई। रै मीहरे मिस्त्र ए लीबिया देशो कुरेन शहरो कछंङ ज़ि तोतोर। दंङ रैह यहुदी मीहरे रोम शहरंङ ज़ि यरूशलेम शहरा रिंङ थोड़े ध्याड़ो थल्जी अंज़े तोतोर।

प्रेरित 2:10 Iomraidhean Croise

मत्ती 2:15

दंङ हेरोदेसो सित्त्तर तचेक दोरे मिस्र देशारिंङ बंङज़ा इलिर। दिऊ थल्जी कि अंऊ वचन प्रभुज़ि होशे भविष्यवक्ताओ दोरच़ी महसे तुहई कुहते पुरे शुहबी जूंस, “गेह घेंङौ योह बि मिस्त्रो दोरच़ी बुलाए केहतग।”

मत्ती 23:15

हे कपटी यहुदी शास्त्री ए फरीसी रे केहतु टोईच़ी धिक्कार! केरे इच्च़ा मीहबी केतंङ साते अपिमी भत्ते ठाहरीरिंङ य्वातंई, अपेहल दुह केतंङ साते अच्च़ा अपा दंङ दोबि केनाबे दुगुना नरकंङ इबिमी जोगे बणाएठ्रातोन।

मत्ती 27:32

धह्कते इलदर दोतिंङ शमौन कुचे इच्च़ा कुरेनी मीह दोहयते। दंङ सेनिकज़ि दोबि ज़बरदस्ती यीशु ऊ क्रूस दोऊ दोरच़ी कुरच़े लहरिर।

मरकुसो 15:21

अपेहल दोरे शहरो दोहरची धखतेका इपि लेहकी तोईरे ता शमौन मिन्दु इच्च़ा मीह नगरओ दोहरची यरूशलेम शहरो हखा अपि लेहकी तोहई दुह कुरेनी शहरो तोहई दंङ सिकंदर ए रुफुस ओ बाह तोहई। दंङ सेनिकज़ि दोबि ज़बरदस्ती यीशु क्रूस दोऊ दोरच़ी कुरच़े लहरिर दंङ दोहर तचेक लेन्ज़ा शिलिर अंऊर यीशुबि क्रूसो टोईच़ी चढ़ाएसिमी तोहई।

प्रेरित 11:20

पर दोतु बिचंङ च़ि रेह बिशवासी अंऊ यरूशलेम शहरा बि छोड़ेके चरच़ातेर साइप्रस द्वीपा रिंङ बंङज़ा ए कुरेन शहरारिंङ बंङज़ा तोईरे। दोरे सफर लहज़ा अन्ताकिया शहरंङ अंज़े यहुदी ए ऊईजाति मीहतिंङ ला प्रभु यीशु पाहठी रूठे खबर सुनाएची लेहतिर।

प्रेरित 13:1

अन्ताकिया शहरो कलीसिया रिंङ महसे भविष्यवक्ता ए शिक्षा रंड्रा तोईरे; मतलब बरनबास ए शमौन अतु अई मिन नीगर (रोह्की) कुट्रातेर; दंङ लूकियुस अंऊ कुरेनो शहरो शुह, शाऊल दंङ मनाहेम अंऊ दोतु पालन-पोषण राज्यपाल हेरोदेस रंङ साते शुहते।

प्रेरित 13:13

पोलुस ए दोऊ साथीर पाफुस इलाकंङ च़ि समुंद्री यात्रा शुरू लहरिर दंङ दोरे पंफूलिया प्रदेशो पिरगा इलाकंङ पिचे इलिर। दंङ यूहन्ना अतु मिन मरकुस ला शुह, दोतिंङ व्याड़ा लहच़ी वापिस यरूशलेम शहरंङ अच़ा इलि।

प्रेरित 13:43

दंङ अंऊ मुक्का सभा इलि, दंङ रेह यहुदी ए यहुदी धर्म बि मनेक्च़ा ऊई जातिओ मीहरे पोलुस ए बरनबास रंङ साते जुड़ेकी इलिर; दंङ दोच़ी मीहतिंङ याहब रांई, कि परमेश्वरो मोह्ड़े दाह रिंङ बणेंके बंङज़ुंई।

प्रेरित 14:24

दोरे अन्ताकिया शहरंङ ज़ि जोज़ा पिसिदिया प्रदेशंङ च़ि शुहचे दोरे पिरगा शहरंङ अतिर अंऊ पंफूलिया ज़िला रिंङ तोहई।

प्रेरित 15:38

पर पोलुसे मरकुस बि अंऊ पंफूलिया नगरा रिंङ दोतु दोरच़ी शत्‌ह शुहचे इलजी तोहई, दंङ कमारिंङ दोतंङ साते मेहली इलजी मा तोहई, साते शिल्ज़ी रुठे माह चेहती।

प्रेरित 16:6

पोलुस, सिलास ए तीमुथियुस फ्रुगिया ए गलातिया प्रदेशंङ ज़ि इच्च़ा नगरंङ ज़ि अई नगरंङ इलिर, दंङ दोरे आसिया प्रदेश रिंङ प्रचार लहज़ी जुंज़ातेर पर पवित्र आत्मा ज़ि दोतिंङ दोर इबिमी थल्जी इंकार लेह च़रति।

प्रेरित 17:21

छना कुचे भत्ते एथेंस शहरो मीहरे ए परदेशी अंऊ दोहर बंङज़ातेर, खरकोई-खरकोई गप्पा कुट्री ए रेड्रीमी अलावा ऊई छिला कहम माह लहज़ातेर।

प्रेरित 18:2

दंङ दोहर दोबि अक्किला मिंदंङ इच्च़ा यहुदी मीह दोरिह, अतु जन्म पुन्तुस प्रदेशंङ शुहचे तोहई अंऊ इच्च़ा रोमी प्रदेश ला तोहई; दंङ एनोह मेच़ा प्रिस्किल्ला रंङ साते इतालिया प्रदेशो दोरच़ी अंज़े तोहई, छना कुचे महाराजा क्लौदियुसे भत्ते यहुदी मीह तिंङ रोमो दोरच़ी हुंच़िमी हुकुम रांहषी तते, पोलुस दोतंङ साते दोहई इलि।

प्रेरित 18:23

थोड़े हप्ता बंङज़िमी थल, दोई अन्ताकिया शहर छोड़ेके च़रति, दंङ गलातिया प्रदेश ए फ्रुगिया प्रदेशा ज़ि दंङ नगर-नगर तचेक इबि लेहती, दंङ विशवासी तिंङ विशवासा रिंङ पक्‍का लहज़िमी मदत लहरी।

प्रेरित 2:11

यहुदी ए, यहुदी धर्म मनेकच़ार ऊई जातिओ मीहरे, क्रेते टापू ऊ मीहरे ए अरब देशो मीहरे ला तोतोर, पर अम्मो-अम्मो भाषारिंङ दोतु दोरच़ी परमेश्वरो मोह्ड़े-मोह्ड़े कमो गप्पारे रेड्रातेर।”

प्रेरित 23:11

दू ए रातारिंङ प्रभु यीशु ज़ि पोलुस कछंङ खड़े शुहचे कुई, “हे पोलुस, याहऊ तौऊ; छना कुचे, छना ठ्रोह केई यरूशलेम शहरंङ गिऊ गवाही रांहषी तातन, ध्वांए कनिंङ रोम शहरारिंङ ला गवाही रंड्री लेह्पोतो।”

प्रेरित 27:5

दंङ किशती रे किलिकिया प्रदेश ए पंफूलिया प्रदेशो कुंणी ऊईतार समुंद्रो ऊईतार यात्रा लहरिन, दंङ लूसिया प्रदेश ओ मूरा शहरंङ पिचे इलिन। अंऊर ञेंरे जहाज़ ओ दोरच़ी तक्सा इलिन।

प्रेरित 28:15

रोमो रेह विशवासी ज़ि थाह्शातोर कि ञेंरे दोर अपातंई, दिऊ थल्जी दोरे हेंदंङ साते दोईमी थल्जी इच्च़ा लम्हें यात्रा लहज़ा अतिर। रे मीहरे हेंदंङ साते दोईमी थल्जी अप्पियुस बज़ारा रिंङ अतिर। दंङ ञेंरे रोमो हखा अच़ा इलिन, दंङ षुमु सराय शहरो ऊई न्वारे हेंदंङ साते दोईरे दंङ हेंदिंङ रोमो हखा रेंज़ा शिलिर। अपि खंड्रा पोलुसे परमेश्वरो धन्यवाद लहरी, दंङ याहब रांई।

प्रेरित 6:5

दिह गप्पा भत्ते मंडली बि रूठे अति, दंङ दोच़ी रेह मीहरे अंङे च़रतिर, दोतु मिन दिह शुह: स्तिफनुस अंऊ विशवास ए पवित्र आत्मा रंङ साते परिपूर्ण तोहई, दंङ फिलिप्पुस, प्रुखुरुस, निकानोर, तीमोन, परमिनास, ए अन्ताकिया शहरंङ बंङज़ा निकुलाउस अंऊ यहुदी धर्माबि मनेक्च़ा ऊई जातिओ मीहरे तोहई।

प्रेरित 6:9

पर रेह मीहरे स्तिफनुस ओ विरोध लहज़ी लेहतिर। अंऊ दुह यहुदी सभो घरबारो मीहर तोईरे “अतिंङ गुलामी ऊ दोरच़ी आज़ाद मीहतु सभो घर कुट्रा तोईरे” दोरे मीहरे कुरेन ए सिकंदरिया शहरो दंङ किलिकिया ए आसिया प्रदेशंङ च़ि ला तोईरे। दिरे मीहरे स्तिफनुस रंङ साते बहस लहज़ी लेहतिर।

रोमियो 1:15

झांह लेह गेह केतिंङ रोम शहरारिंङ बंङज़ा तिंङ रूठे खबर सुनाएच़िमी थल्जी तेयार तोतोग।

रोमियो 1:7

गेह दि डाक रोम शहरो दुह भत्ते मीहतु थल्जी च़ेहसी लेहकी तोतोग, अंऊ परमेश्वरो प्यारे तोतोर, दंङ अतिंङ परमेश्वरे एनोह मीहरे शुहबिमी थल्जी अंङषी ततो; हेंदु बाह परमेश्वर ए प्रभु यीशु मसीहू दोरच़ी केतिंङ मोह्ड़े दाह ए शांति खोकसा लोहतो।

2 तीमुथियुस 1:17

पर अपेहल दुह रोम शहरारिंङ अति, दंङ दोई मोह्ड़े कोशिश लहज़ी गेह पेट्रीरि दंङ गेरंङ साते दोहरी।

प्रकाशित वाक्य 11:8

दंङ दोतु लाश दुह मोह्ड़े नगरो बिचंङ केहच़ी केहऊरे, अंऊ आत्मिक पाहठी सदोम ए मिस्त्र कहलाच़ा, अंऊर दोतु प्रभु ला क्रूसो टोईच़ी चढ़ाएसी शुह।