प्रेरित 2:1 - लाहौली बाइबिल

¹ अंऊ ध्याड़ा यहुदी मीहरे पिन्तेकुस्त त्यार मानाएच़ी लेहकी तोईरे ता दोरे भत्तेर विशवासी यरूशलेम शहरा रिंङ इच्च़ा ठाहरीरिंङ ठ्रोहका शुईरे।

प्रेरित 2:1 Iomraidhean Croise

प्रेरित 1:5

छना कुचे यूहन्ना ज़ि ता केतिंङ ती रंङ साते बपतिस्मा रंदे पर थोड़े ध्याड़ो थल परमेश्वरे केतंङ साते बंङज़िमी थल्जी पवित्र आत्माबि च़रपोतो।”

प्रेरित 1:8

पर अपेहल पवित्र आत्मा केहतु टोहकठे अपतो दोहपल केतिंङ सामर्थ खोकसोतो; दंङ यरूशलेम शहर ए भत्ते यहुदिया ए सामरिया प्रदेशारिंङ, दंङ संसारो भत्ते ठाहरीरिंङ मीहतिंङ गिऊ पाहठी कंड्रिमी थल्जी गिऊ गवाह शोंई।

प्रेरित 2:46

दंङ दोरे हर इच्च़ा ध्याड़ारिंङ इच्च़ा सेहम शुहचे यहुदी मंदिरो लवाड़ी ठ्रोहका शवातेर, दंङ दोरे इदिऊ-अईदिऊ चुंङ इलज़ा प्रभु भोज लहज़ातेर, दंङ खुशी ए सेहमो सिधाई रंङ साते बगत ज़ोआतेर।

प्रेरित 20:16

पोलुसे इफिसुस शहरंङ माह तकसिमी फेंसला लहरी छना कुचे दुह आसिया प्रदेशारिंङ ऊई ध्याड़ा बंङज़ी माह तहरे, कि झांह शुबी मेस, कि दोबि असिया प्रदेशारिंङ ख्राये शुहचे योतो; छना कुचे दुह बल्ज़ा तोहई, कि अगर शुहचे तरपोतो ता दुह पिन्तेकुस्तो त्याहरो थल्जी यरूशलेम शहरारिंङ बंङज़ोतो।

प्रेरित 4:24

दिह रेड्रीमी रंङ, दोच़ी इच्च़ा सेहम शुहचे जोरे हाऊष रेह परमेश्वर रंङ साते कुईर, “हे प्रभु, कांह दुह ए शुनाह अच़ि स्वर्ग ए धरती, समुंद्र दंङ छिला धिर दोर्तिंङ तोह बड़ाएतिन।”

प्रेरित 4:31

अपेहल दोच़ी प्रार्थना लेह केहरिर, ता दुह ठहरि अंऊर दोरे ठ्रोहका तोईरे त्रुल्ज़ा इलि, दंङ दोरे भत्तेर पवित्र आत्मा रंङ साते पिंङे इलिर, दंङ परमेश्वरो बचन याहब रंङ साते सुनाएची लेहतिर।

प्रेरित 4:32

दंङ बिशवास लहज़ातु मंडली इच्च़ा सेहम ए इच्च़ा प्राण तोहई, देहर तचेक कि अच़िला एनोह टंगा ढबाह एनोह माह कुट्रातेर, छना कुचे अंऊ दोतु कछंङ तोहई दुह भत्ते तंङ साते फज़ातेर।

प्रेरित 5:12

प्रेरिता तु दोरच़ी महसे चिन्ह ए चमत्कारो कम मीहतु बिचंङ शुहबी लेहकी तोहई। दंङ मसीहू टोहकठे बिशवास लहज़ार भत्तेरे इच्च़ा सेहम शुहचे रज्ज़ा सुलेमान ओ ल्वाड़िङ ठ्रोहका शुवा लाहतेर।

रोमियो 15:6

ताकि केरे भत्तेर इच्च़ा साते बंङज़ा ए इच्च़ा सग रिंङ परमेश्वर, हेंदु प्रभु यीशु मसीहू बाह परमेश्वरो स्तुति लंहि।

1 कुरिन्थियों 16:8

पर गेह पिन्तेकुस्त त्याहरो तचेक इफिसुस शहरारि बंङज़ोग।

फिलिपियों 1:27

सिर्फ धोंण ए लंहि कि केहतु चाल-चलन मसीहू रूठे खबरो जोगे शोतो। कि चाहे गेह अंज़े ते केतिंङ खमोग, चाहे गेह अपोग ए माह, केहतु पाहठी दि रेड्रोग कि केरे इच्च़ा इरादारिंङ पक्‍का तोहईं दंङ इच्च़ा सेहम शुहचे रूठे खबरो विशवासो थल्जी मेहनत लोहवा तंही।

फिलिपियों 2:2

दंङ इच्च़ा सेहमा रंङ साते बंङज़ा, इच्च़ा दाह, दंङ इदि-अई दिरंङ साते दाह ए, केनातु बिचंङ मेल-मिलाप रंङ साते इच्च़ा हिटी रंङ तहच़ि, गिऊ दिह खुशी पूरा लंहि।