प्रेरित 19:4 - लाहौली बाइबिल

⁴ पोलुसे कुई, “यूहन्ना ज़ि दुह मीहतिंङ बपतिस्मा रंड्राते अच़ि पाप लेह बंद लेह च़रसी तरेर दंङ परमेश्वरो कछंङ अच्च़ा अतिर।” पर दोई इस्राएल देशो मीहतंङ साते कुई कि अंऊ दोऊ थल अपिमी तोह, दोऊ टोईच़ी विशवास लंहि। अंऊ कि यीशु शुह।

प्रेरित 19:4 Iomraidhean Croise

यहून्नो 1:15

“यूहन्ना ज़ि दोऊ पाहठी गवाही रेंई, दंङ हाऊष रें कुंई, दी दुह ए शुह, अतु पाहठी गेह कुहतेग, कि अंऊ गिऊ थल अपा दुह गिह्बी ला मोह्ड़े तोह, छना कुचे दुह गिह्बी ला तुहई मौजूद तोहई।”

यहून्नो 1:26

यूहन्ना ज़ि दोबि जुबाब रेंई गेह ता केतिंङ ती रंङ साते बपतिस्मा रंदेग पर केहतु विचंङ इच्च़ा मीह खड़े तोह अच़ि केहच़ी माह ञेंहनी।

यहून्नो 1:27

मतलब दुह गिऊ थल अबिमी तोह, गेह दिऊ जोगे माह शुगाह कि कोंङा शुहचे दोऊ बुह्टो तस्मा युफोग,

यहून्नो 1:7

दुह दिऊ थल्जी अंजा कि छंङीऊ गवाही रमतो, कि भत्ते दोऊ गवाही ओ दोरच़ी दुह छंङीऊ टोहकठे विशवास लोहर।

प्रेरित 1:5

छना कुचे यूहन्ना ज़ि ता केतिंङ ती रंङ साते बपतिस्मा रंदे पर थोड़े ध्याड़ो थल परमेश्वरे केतंङ साते बंङज़िमी थल्जी पवित्र आत्माबि च़रपोतो।”

प्रेरित 11:16

दोथर गिह्बी प्रभु ऊ दुह वचन हिद अति, अंऊ दोई कुहते, ‘यूहन्नाज़ि ता ती रंङ साते बपतिस्मा रेंई, पर केहरे पवित्र आत्माओ दोरच़ी बपतिस्मा खोक्पोन।’