प्रेरित 18:3 - लाहौली बाइबिल

³ दिऊ थल्जी कि पोलुस ए अक्किला ओ इच्च़ा ए ठ्रोह व्यापार तोहई, दिऊ थल्जी दोतंङ साते बंङज़ा कम लहरी। दोतु व्यापार तम्बू बणाएषिमी तोहई।

प्रेरित 18:3 Iomraidhean Croise

1 कुरिन्थियों 4:12

दंङ हेंदु ए गुह्ट्र कम लहज़ी मेहनत लहज़ातंई। अपेहल मीहच़ी ञेंतिंङ मदम कुट्रातोर, दंङ ञेंरे दोतिंङ आशीष रंड्रातंई; दोरे सताएच़ातोर दंङ ञेंरे सहन लहज़ातंई।

1 कुरिन्थियों 9:14

दि रीतिरंङ प्रभु ज़ि ला हुकुम रांहषी ततो कि अंऊ मीहरे रूठे खबरो प्रचार लहज़ातोर दोतु खर्चा ला दू ए मीहतु दोरच़ी खोकसी जूंस अंऊ दोच़ी रूठे खबर रेड्रातोर।

1 कुरिन्थियों 9:15

हालांकि दि हेले रिंङ गिऊ थल्जी ठीक तोह कि अंऊ मीहतिंङ गेह प्रचार लहज़ातग, दोतंङ पेट्रोग, पर गेह घेंङौ कमो थल्जी मज़दूरी माह पेट्रातग दंङ गेह केहतु थल्जी खरकोई सीख चेहच़ातग कि केरे गिह्बी रांई। गेह केरे रूहक्पिमी बेहच़ी सिए योग छना कुचे अगर गिह्बी केहतु दोरच़ी मज़दूरी खोकसी ता गेह दि दावा लेह मरपोग कि गेह मज़दूरी लेहपच़ी मेह केहतु दोरच़ी कम लहरिगा।

1 कुरिन्थियों 9:18

दंङ छि दिए गिऊ ईनाम तोह? दि कि गेह यीशु मसीहू रूठे खबरो प्रचार मुप्ता रिंङ लोहवा लोहग, दिए गिऊ कमाई तोह, गिऊ थल्जी दि संभव तोह कि गेह कमाई मेह रूठे खबर सुनाएपोग, हालांकि गिह्बी घेंङौ खर्चो थल्जी पेट्रीमी अधिकार तोह।

2 कुरिन्थियों 11:7

गेह केहतु बिचंङ परमेश्वरो रूठे खबर मुफ्ता रिंङ प्रचार लहज़ा घेंङा बि नम्र लहरिगा ताकि केहतु आदर शुहबी जूंस। छि गेह झांह लहच़ी छा पाप लाहतगा।

2 कुरिन्थियों 11:9

दंङ अंऊ मुक्का गेह केतंङ साते तोईग, दंङ गिह्बी ढबाहो कमी शुई, दंङ गेह अतुला टोईच़ी भार माह केईगा छना कुचे विशवासी न्वारे ज़ि, मकिदुनिया नगरंङ अंज़े गिऊ कमी पूरा लहरिर; दंङ गेह छना ठ्रोह ला केहतु थल्जी छना ठ्रोह ला परेशानी बढ़ेक्पिमी दोरच़ी बचेके इलिगा, दंङ अंजा टेमारिंङ ला केहतु टोईच़ी बोझ माह बणेक्पोग।

2 कुरिन्थियों 12:13

केरे अंऊ गप्पारिंङ ए ऊई कलीसिया बे कम तोईनी, सिर्फ इच्च़ा ए गप्पो थल्जी अंऊ गेह ऊई कलीसिया तंङ साते लाहतग दंङ केतंङ साते माहलग, गेह केहतु दोरच़ी घेंङौ ज़रुरतो थल्जी ढबाह माह पेट्रातग, केहतु दि सोचेक्सी गलत शुह कि गेह झांह लहच़ी केहतु विरोधा रिंङ गलत लहरिग।

1 थिस्सलुनीकियों 2:9

हे गिऊ प्यारे साथी विशवासी रे, केहच़ी ञेंहतु मेहनत ए कष्ट हिद तहच़ातंई, कि ञेंहच़ी झांह लेह रात दिन कम धन्धा लहच़ी ते केहतु बिचंङ परमेश्वरो रूठे खबरो प्रचार लहरिग, ताकि ञेंहतिंङ छि ज़रूरत तोह दोबि पूरा लहच़िमी थल्जी केतिंङ छल्ले रंड्रीमी ज़रूरत माह।

1 थिस्सलुनीकियों 4:11

दंङ छना ञेंहच़ी केतिंङ समझाच़ी तातंई, कि केतिंङ शांति रंङ साते केनातु ज़िंदगी श्रींङमी जूंशी तोह दंङ हर इच्च़ा एनोह कमरिंङ लेहकी बंङज़ु दंङ एनोह गुह्ट्र कमाएच़िमी कोशिश लोह।