प्रेरित 18:2 - लाहौली बाइबिल

² दंङ दोहर दोबि अक्किला मिंदंङ इच्च़ा यहुदी मीह दोरिह, अतु जन्म पुन्तुस प्रदेशंङ शुहचे तोहई अंऊ इच्च़ा रोमी प्रदेश ला तोहई; दंङ एनोह मेच़ा प्रिस्किल्ला रंङ साते इतालिया प्रदेशो दोरच़ी अंज़े तोहई, छना कुचे महाराजा क्लौदियुसे भत्ते यहुदी मीह तिंङ रोमो दोरच़ी हुंच़िमी हुकुम रांहषी तते, पोलुस दोतंङ साते दोहई इलि।

प्रेरित 18:2 Iomraidhean Croise

प्रेरित 11:28

दोतु बिचंङ च़ि अगबुस मिंदंङ इच्च़ा भविष्यवक्ता ज़ि खड़े शुहचे पवित्र आत्माओ दोरच़ी दि कुट्री लेहती, कि भत्ते संसारा रिंङ मोह्ड़े अकाल अपतो, दंङ अगबुसे कुहते दिह हेले शुचि इलि। दुह अकाल महाराजा क्लौदियुस ओ मुक्का अति।

प्रेरित 18:18

पोलुस महस ध्याड़ा तचेक कुरिन्थुस शहरा रिंङ बंङज़िरी, दंङ प्रिस्किल्ला ए अक्किला ला रंङ साते, दुह विशवासी न्वारे तंङ साते विदा शुचे किंख्रिया शहरो हखा अच़ा इलि। दुह शहरा रिंङ पोलुसे एनोह पुंज़ा ओ मुण्डन लेह च़रति दि कंड्रीमी थल्जी कि अंऊ वाईदा दोई परमेश्वरा रंङ साते लहसी तहरे दोबि पूरा लेह चरच़तो दोऊ थल दुह सीरिया प्रदेशो हखा इबिमी थल्जी इच्च़ा जहाज़ो टोईच़ी अच़ा इलि। दोरंङ साते प्रिस्किल्ला ए अक्किला ला तोहई।

प्रेरित 18:26

दुह यहुदी सभो घरबारंङ निडर शुहचे कुट्री लेहती, पर प्रिस्किल्ला ए अक्किला ज़ि दोऊ गप्पा रेड्रीते, अपुल्लोसा बि एनोह चुंङ लेन्ज़ा शिली दंङ परमेश्वरो अमो गप्पा दोबि रूठे रंङ कंड्री लेहती।

प्रेरित 2:9

ञेंहतु बिचंङ रैह मीहरे पारथी, मेदी, एलाम प्रदेशो दोरच़ी शुई, दंङ ञेंहतु बिचंङ रैह मीहरे मेसोपोटामिया, यहुदिया, कपुदूकिया, पुन्तुस ए आसिया प्रदेशो शुरे।

प्रेरित 27:1

अपेहल फेस्तुस राज्यपालो दोरच़ी दि फेंसला शुई, कि ञेंतिंङ जहाज़ो दोरच़ी इतालिया देशो हखा इबि तोह, दोहपल दोच़ी पोलुस ए ऊई बंदीतिंङ यूलियुस सुबेदारो गुह्ड़िङ सोंपेंगी च़रतिर। दुह सेनिकातु इच्च़ा झुण्डो सुबेदार तोहई अंऊ ओगुस्तुस महाराजा ओ तोहई।

प्रेरित 27:6

दोहर सुबेदारे ए सिकंदरिया शहरो इच्च़ा जहाज़ इतालिया देश हखा इबि खोकसिरी, दंङ दोई हेन्दिंङ दू टोईच़ी चढ़ाके केहरी।

1 कुरिन्थियों 16:19

आसिया प्रदेशो कलीसिया ओ तरफे केतिंङ नमस्कार; अक्किला ए दोऊ मेच़ा प्रिस्किल्ला ओ दंङ दुह कलीसिया अंऊ दोतु चुंङ ठ्रोहका शवाह, दोऊ ला केतिंङ प्रभु रिंङ महसे-महसे नमस्कार।

2 तीमुथियुस 4:19

प्रिस्किल्ला ए दोऊ गगसा अक्किला बि, दंङ उनेसिफुरूसो टबरातिंङ गिऊ तरफे नमस्कार।

इब्रानियों 13:24

केनातु भत्ते अगुवा ए परमेश्वरो मीहतिंङ गिऊ नमस्कार कुंई। इतालिया देशो विशवासी रे केतिंङ नमस्कार कुट्रातोर।

1 पतरस 1:1

गेह, पतरस अंऊ यीशु मसीहू प्रेरित शुगाह, दि डाक चेहच़ातग। गेह दि डाक परमेश्वरो अंङषी दू मीहतिंङ चेहच़ातग, अंऊ कि पुन्तुस, गलातिया, कपुदूकिया, आसिया, ए बितुनिया प्रदेशो शत्‌ह-शत्‌ह शहरा रिंङ परदेशी तु ठ्रोह बंङज़ातेर।