प्रेरित 17:4 - लाहौली बाइबिल

⁴ दोतु बिचंङ च़ि अंयों शुहदा यहुदी मीहच़ी, दंङ परमेश्वरो बेह्द चेहच़ा ऊईजाति मीहज़ी ए मेच़िमी ज़ि विशवास लहरिर, दंङ पोलुस ए सीलास रंङ साते शुहचे इलिर।

प्रेरित 17:4 Iomraidhean Croise

प्रेरित 17:12

झांह लेह दोतु बिचंङ ज़ि रै यहुदी ज़ि, दंङ ऊईजाति तु मुख्या मेच़िमी ए दंङ गंङमी तु बिचंङ ज़ि महसे ज़ि विशवास लहरिर।

प्रेरित 14:4

पर शहरो ओ मीहतु बिचंङ फूट अच़ा इलजी तोहई; दिरंङ रेह मीहरे यहुदी मीहतु हखा दंङ रेह मीहरे प्रेरितातु हखा शुहचे इलिर।

प्रेरित 13:43

दंङ अंऊ मुक्का सभा इलि, दंङ रेह यहुदी ए यहुदी धर्म बि मनेक्च़ा ऊई जातिओ मीहरे पोलुस ए बरनबास रंङ साते जुड़ेकी इलिर; दंङ दोच़ी मीहतिंङ याहब रांई, कि परमेश्वरो मोह्ड़े दाह रिंङ बणेंके बंङज़ुंई।

2 कुरिन्थियों 8:5

ञेंहच़ी दि माह सोचेक्तंई कि दोरे झांह ठ्रोह रें तरपोर। दोच़ी एनाबि तुहई प्रभु बि दंङ दोऊ थल हेंदिंङ रें च़रतिर, ठीक ध्वांए छना कि परमेश्वरे जुंज़ाते कि दोच़ी लोहर।

प्रेरित 28:24

दोहपल पोलुसे छिल्ला कुई दोऊ टोईच़ी रें मीहच़ी विशवास लहरिर, दंङ रेहज़ि विशवास माह लहरिर।

प्रेरित 15:22

दोपहल यरूशलेम शहरारिंङ भत्ते कलीसिया रंङ साते प्रेरित ए सेंहणा मीहतिंङ रुठे लेहती, कि ऐनातु बिचंङ ज़ि रेह मीहरे अंङे च़रतिर, मतलब यहूदा अतु मिन बरनबास लाह तोहई, दंङ सीलास अंऊ विशवासी तु बिचंङ मुखिया तोहई; दंङ दोतिंङ पोलुस ए बरनबास रंङ साते अन्ताकिया शहर हखा च़रपोंई।

प्रेरित 13:50

तांला यहुदी मीहतु सेंहणा ज़ि भक्त ए रूठे मेच़िमीतिंङ दंङ शहरो अगुवा तिंङ भड़काएतिर, कि दोच़ी पोलुस ए बरनबासा बि सताएपोर। दोच़ी दोतिंङ दुह एनोह इलाका ओ दोरच़ी धह्तेका हुंच़े च़रतिर।

प्रेरित 21:28

हे इस्राएल मीहरे, “ञेंहतु मदत लंहि, दि दुह मीह शुह अंऊ इस्राएलो मीहरे ए मूसाओ कानूनो भाषे ए दि मंदिरो पाहठी, भत्ते गंङमी तिंङ सिखाएति कि दि भत्ते मदम तोह। दंङ हेंतेग दुह दि यहुदी मंदिरो ल्वाड़ी ऊई जाति मीहतिंङ हंजे दि पवित्र ठहरि बि अपवित्र लहज़ी लेहकी तोह।”

प्रेरित 19:10

दि झुह्ट साल तचेक ज़ारी तोहई, भत्ते मीहरे, झुल्ला यहुदी ए ऊईजाति अंऊ आसिया प्रदेशो बंङज़ातेर, प्रभु यीशु पाहठी खबर रेड्रीर।

प्रेरित 18:4

दंङ पोलुस हर इच्च़ा अरामो ध्याड़ारिंङ यहुदी सभो घरबारंङ सवाल-जबाब लहज़ा यहुदी मीहतिंङ ए ऊईजाति मीहतिंङ ला यीशु टोईच़ी विशवास लहज़िमी समझाएक्चाते।

प्रेरित 17:34

पर रेह मीहरे दोहरंङ साते च्वासा इलिर, दंङ प्रभु टोईच़ी विशवास लहरिर; अंऊर दियुनुसीयुस अंऊ अरियुपगुसो शहरो मीह तोहई, दंङ दमरिस मिंदंङ इच्च़ा मेच़िमी तोहई, दंङ दोतंङ साते ऊई ला मीहरे तोईरे।

प्रेरित 17:17

झांह लेह यहुदी सभो घरबारंङ दुह यहुदी ए परमेश्वरो बेह्द चेहच़ा ऊईजाति मीहरे, दंङ च़ोकंङ अरि मीहरे दोआतेर, दोतंङ साते हर ध्याड़ा बहस लहज़ा तोहई।

प्रेरित 16:3

पोलुसे जुंज़ाते कि तिमुथियुस दोहरंङ साते योतो। पर दोरकी भत्ते मीहच़ी ञेंहच़ातेर कि दोऊ बाह इच्च़ा ऊई जातिऊ तोहई, दिऊ थल्जी पोलुसे भत्ते बे तुहई दोऊ खतना लहरी ताकि अंऊ नगरंङ दोतिंङ इबि जुंज़ातेर दोऊ साथी यहुदी तु भावना रिंङ ठेस लेहपि माह जूंस।

प्रेरित 15:40

पर विशवासी तिंङ परमेश्वरो देख-भाल रिंङ केहट्रिमी थल पोलुस सीलास बि रेंज़ा अच़ा इलि।

प्रेरित 15:32

दंङ यहूदा ए सीलास अरी ऐनारे बि भबिष्यवक्ता रे तोईरे, महस गप्पा रंङ साते विशवासी न्वातिंङ उपदेश रें दोतु विशवासा बि पक्‍का लहरी।

प्रेरित 15:27

दंङ ञेंहच़ी यहूदा ए सीलास बि अंङे च़रतिन कि दोरे दोतंङ साते योर ताकि दोरे दि गप्पा तिंङ पक्‍का लोहर अंऊ ञेंहच़ी च़ेहसी शुई।

प्रेरित 14:1

झांह ठ्रोह इकुनियुम शहरा रिंङ ला शुई कि पोलुस ए बरनबास यहुदी सभो घरबारंङ इलिर, दोतु गप्पा लहज़िमी तरीका धोंण रूठे तोहई कि महस यहुदी ए ऊईजाति मीहच़ी बिशवास लहरिर।

प्रेरित 4:23

पतरस ए यूहन्ना रिहा शुहचे थल एनातु साथीतु कछंङ अतिर, दंङ छिला धिर यहुदी मोह्ड़े पुरोहित ए यहुदी सेंहणा ज़ि दोतंङ साते कुहते, दोतिंङ सुनाएकी च़रतिर।

प्रेरित 2:44

दंङ भत्ते बिशवासीर इच्च़ा ठाहरि ठ्रोहका शवातेर, दंङ छिला धिर दोतु कछंङ शवाते दुह भत्ते धिर एनातु बिचंङ फज़ातेर।

यहून्नो 7:35

यहुदी सेंहणार एनातु बिचंङ कुट्री लेहतिर, “दिह अंऊखा योतो कि ञेंहच़ी दिबी माह खोक्पोन? शायद दिह दुह यहुदी मीहतु कछंङ योतो अरी यूनानी शहरंङ शताह-शताह शुहचे बंङज़ातोर। दंङ दोतिंङ ला मीहतिंङ ला शिक्षा रमतो।

प्रेरित 17:10

विशवासी ज़ि दोहथर ए रातो रात पोलुस ए सीलासा बि बिरिया शहरो हखा चरच़े च़रतिर, दंङ दोरे दोर्तिंङ पिचे थल यहुदी सभो घरबारंङ इलिर।

प्रेरित 17:14

दोहपल विशवासी न्वा ज़ि दोहथर ए पोलुस ए साथी तिंङ बंदरगाहो कछंङ विदा लहरिर; पर सीलास ए तीमुथियुस दोहर बिरिया शहरा रिंङ केह्षा इलिर।