प्रेरित 17:2 - लाहौली बाइबिल

² दंङ पोलुस एनोह हिसाबे दोतु कछंङ इलि, दंङ षुमु आरामो ध्याड़ारिंङ पवित्रशास्त्रो दोरच़ी दोतंङ साते बहस लहज़ी लेहतिर;

प्रेरित 17:2 Iomraidhean Croise

मत्ती 26:24

गेह मीहू योह सिए योग छना कुचे दि पवित्र शास्त्ररंङ च़ेहसी तोह। दंङ परमेश्वर दुह मीहबी भयानक सज़ा रमतो अच़ि गेह धोखारंङ साते च़ुमज़ि लोहतो। दुह मीह ऊ थल्जी रुठे तोहई कि दोऊ जन्म ए माह शुहचा आ।”

लूको 4:16

दंङ यीशु नासरत नगरंङ वापिस अति, अंऊर दोऊ भाषे-पोषण शुहते; दंङ एनोह रीतीऊ हिसाबे अरामो ध्याड़ारिंङ यहुदी सभा घरबारंङ इलजे पवित्र शास्त्रा रिंङ पढ़ेक्पिमी थल्जी खड़े शुई,

यहून्नो 18:20

यीशु ज़ि दोबि जुबाब रेंई, “गेह भत्ते तंङ साते साफ-साफ कुहषी तातग; गेह यहुदी सभा घरबारंङ ए यहुदी मंदिरंङ अंऊर भत्ते यहुदी मीहरे ठ्रोहका शवातेर, हमेशा शिक्षा रंदेग दंङ ब्याके छले कुहषी माह।

प्रेरित 13:14

दंङ पिरगा शहरंङ च़ि तुंखा इलजे गलातिया प्रदेशो पंफूलिया प्रदेशो ओ कछंङ अन्ताकिया शहरंङ पिचे इलिर, दंङ अरामो ध्याड़ा रिंङ यहुदी सभो घरबारंङ इलजे बंङज़ा इलिर।

प्रेरित 13:5

दंङ सलमीस बंदरगाह रिंङ पिचे ठहरि-ठहरि इलजी परमेश्वरो बचन यहुदी सभो घरबारंङ सुनाएतिर; दंङ यूहन्ना अतु मिन मरकुस शुह, दोतु मदत लहज़िमी थल्जी दोतंङ साते तोहई।

प्रेरित 14:1

झांह ठ्रोह इकुनियुम शहरा रिंङ ला शुई कि पोलुस ए बरनबास यहुदी सभो घरबारंङ इलिर, दोतु गप्पा लहज़िमी तरीका धोंण रूठे तोहई कि महस यहुदी ए ऊईजाति मीहच़ी बिशवास लहरिर।

प्रेरित 17:10

विशवासी ज़ि दोहथर ए रातो रात पोलुस ए सीलासा बि बिरिया शहरो हखा चरच़े च़रतिर, दंङ दोरे दोर्तिंङ पिचे थल यहुदी सभो घरबारंङ इलिर।

प्रेरित 17:17

झांह लेह यहुदी सभो घरबारंङ दुह यहुदी ए परमेश्वरो बेह्द चेहच़ा ऊईजाति मीहरे, दंङ च़ोकंङ अरि मीहरे दोआतेर, दोतंङ साते हर ध्याड़ा बहस लहज़ा तोहई।

प्रेरित 18:4

दंङ पोलुस हर इच्च़ा अरामो ध्याड़ारिंङ यहुदी सभो घरबारंङ सवाल-जबाब लहज़ा यहुदी मीहतिंङ ए ऊईजाति मीहतिंङ ला यीशु टोईच़ी विशवास लहज़िमी समझाएक्चाते।

प्रेरित 19:8

दंङ दोहपल पोलुस यहुदी सभो घरबारंङ इलजे षुमु लाह तचेक निडर शुहचे प्रचार लहज़ी लेहती, दंङ परमेश्वरो राजो पाहठी बहस लहज़ी ए समझाएक्ची लेहती।

प्रेरित 24:25

अपेहल पोलुस धर्म ए धीरज़ दंङ अंजा न्यायो पाहठी गप्पा लहज़ी लेहकी तोहई, दंङ फेलिक्से ए वेवा जुबाब रेंई, “एंतेग कांह अच़ा ईला। अपेहल गिऊ कछंङ टेम शोतो, गेह घेंङै कनिंङ यह्च़ा अता कोहग।”

प्रेरित 28:23

दोहपल दुह यहुदी ज़ि पोलुसो थल्जी इच्च़ा ध्याड़ा ठहराति। दुह ध्याड़ा महस मीहरे दोऊ ठहरि ठ्रोहका शुहचे इलिर, दंङ पोलुस मुंजे बेहच़ी योंकले तचेक परमेश्वरो राजो पाहठी गवाही रंड्री लेहती, दंङ मूसाऊ कानूने ए भविष्यवक्तातु कताबंङ ज़ि यीशु पाहठी रूठे रंङ कंड्री लेहती।

प्रेरित 8:35

दंङ फिलिप्पुस कुट्री लेहती, दंङ दिहे पवित्रशास्त्र रंङच़ि शुरू लेह दोबि यीशु ऊ पाहठी रूठे खबर सुनाएती। दंङ दुह खोजे ज़ि दिहरे गप्पारे समझेक्ती ए यीशु ऊ टोहकठे बिशवास लहरी।

प्रेरित 9:20

दंङ ध्वांए दमिश्क शहरो यहुदी सभो घरबारङ यीशु ऊ पाहठी प्रचार लहज़ी लेहती, कि यीशु ए परमेश्वरो योह शुह।

1 कुरिन्थियों 15:3

झांह लेह गेह केतिंङ दुह खास खबर कंङातेग अंऊ गिह्बी प्रभु यीशु दोरच़ी खोकसते। कि पवित्रशास्त्रो बचनो हिसाबे यीशु मसीह हेंदु पापो थल्जी सिए इलि,