प्रेरित 16:5 - लाहौली बाइबिल

⁵ झांह लेह कलीसिया रे विशवास रंङ पक्‍का शुहबी लेहती दंङ गिनती रिंङ बड़ेक्च़ी लेहती।

प्रेरित 16:5 Iomraidhean Croise

प्रेरित 11:21

दंङ प्रभु ऊ सामर्थ दोतु टोईच़ी तोहई, दंङ महसे ऊईजाति ऊ मीहज़ी दोतु रूठे खबरो टोईच़ी बिशवास लहरिर दंङ दोरे यीशु मसीहू हखा किरच़ा इलिर।

प्रेरित 12:24

पर परमेश्वर ओ बचन फेलेके इलि दंङ बिशवासी तु गिनती बेसहा लहरी।

प्रेरित 15:41

दंङ दोरे भत्ते सीरिया ए किलिकिया प्रदेशारिंङ इलिर दंङ कलीसिया ओ विशवासी तिंङ पक्‍का लहज़ी लेहतिर।

प्रेरित 2:47

दंङ परमेश्वरो अराधना लहज़ातेर, दंङ भत्ते मीहरे दोतंङ साते खुश तोईरे; दंङ अंऊ दोरे उद्धार खोक्शतेर, दोतिंङ प्रभु दोतंङ साते शामिल लेह चरच़ाते।

प्रेरित 4:4

पर शिक्षा रेड्रा दोतु बिचंङ च़ि महसे मीहज़ी यीशु ऊ टोहकठे बिशवास लहरिर, दंङ दोर्तिंङ भत्तेर ठ्रोहका लेह लगभग ङा हज़ार गंङमीहरे तोईरे अरी यीशु ऊ टोहकठे बिशवास लहज़ार शुहचे इलिर।

प्रेरित 5:14

दंङ मेच़िमी ए गंङमी तु इच्च़ा मोह्ड़े भीड़ प्रभु टोहकठे विशवास लेह प्रभु हखा अपि लेहतिर।

प्रेरित 6:7

दंङ परमेश्वरो बचन फेलेके इलि, दंङ यरूशलेम शहरंङ चेला तु गिनती महस शुहचे इलि दंङ महसे यहुदी पुरोहितज़ि ला यीशु मसीहू टोहकठे बिशवास लहज़िमी दिह शिक्षा स्वीकार लहरिर।

प्रेरित 9:31

झांह लेह भत्ते यहुदिया प्रदेश, गलील प्रदेश दङ सामरिया प्रदेशंङ कलीसियाओ मीहतिंङ शांति खोकसिरी, दंङ कलीसियाओ तरक्की शुहवा लहरी; दंङ प्रभु ऊ बेह्द ए पवित्र आत्माओ मदत रंङ साते महसे मीहतिंङ हौंसला खोकसिरी दंङ प्रभु यीशु ऊ टोहकठे बिशवास लहरीर।

रोमियो 16:25

हेंतेग केतिंङ गिऊ रूठे खबर यीशु मसीहू पाहठी तोह, केतिंङ प्रचार लहज़ा विशवास रिंङ पक्‍का लहज़ा। छना कुचे दि रूठे खबर महस जुग बेहच़ी प्याक्सी तहरेर।

1 कुरिन्थियों 15:58

झांह लेह हे गिऊ प्यारे साथी विशवासी रे, केनातु विशवासा रिंङ पक्‍का बंङज़ुंई दंङ गलत शिक्षा ओ वहज़ा ज़ि भटक्तेतुंई था, प्रभु थल्जी छि कम केहच़ी लहज़ातंई दोरिंङ हमेशा तुंखा शुई। छना कुचे दि ञेंहच़ा, कि छिल्ला धिर केहच़ी प्रभु थल्जी लोहनि दोऊ ईनाम केतिंङ पक्‍का खोकसोतो।

गलातियों 5:1

मसीह ज़ि हेंदिंङ मूसाओ कानूनो भाषे लहज़िमी दोरच़ी आज़ाद लेह च़रति, ताकि ञेंरे यह्च़ा अपेहला दुह कानूनो गुलाम माह बणेक्पोंई। झांह लेह केनातु आज़ादी रिंङ अटल बंङज़ुंई दंङ केनातिंङ यह्च़ा। गुलाम थाह बड़ेक्तुंई।

कुलुस्सियों 2:6

दंङ छना केहच़ी मसीह यीशु बि प्रभु लहच़ी ग्रहण लेह केहरिन, ध्वांए लगातार दोऊ थलेच़ि ज़ोजा लंहि,

1 थिस्सलुनीकियों 3:13

दंङ ञेंहच़ी प्रार्थना लहज़ातंई कि हेंदु प्रभु यीशु मसीह केहतु सेहम झांह ठ्रोह पक्‍का लोहतो, कि अपेहल दुह एनोह भत्ते पवित्र मीहतंङ साते वापिस अपतो, दंङ दुह हेंदु बाह परमेश्वरो तुईज़ी पवित्रतारिंङ निर्दोष ठहरेसोतो।

1 थिस्सलुनीकियों 3:2

दंङ ञेंहच़ी तीमुथियुसबि केहतु कछंङ च़रतिन, अंऊ मसीहू रूठे खबरारिंङ ञेंहतु न्वा ए परमेश्वरो सेवक तोह। ताकि दोई केतिंङ विशवासरिंङ पक्‍का लोहतो, दंङ लगातार विशवास लहज़िमी थल्जी उत्साहित लोहतो।

2 थिस्सलुनीकियों 2:16

ञेंहच़ी हेंदु प्रभु यीशु मसीहू हखा, दंङ हेंदु बाह परमेश्वरो हखा, अच़ि हेंदंङ साते दाह लहज़ा, दंङ अच़ि एनोह मोह्ड़े दाह रंङ साते अनंत उम्मीद रांहषी ततो,

इब्रानियों 13:9

छना कुचे यीशु मसीह अपेहल ला माह लेहक्सा, झांह लेह केतिंङ दि भत्ते खरकोई ए शत्‌ह-शत्‌ह शिक्षाओ भाषे लहज़ी जूंशी तोह अंऊ केतिंङ गलत अमरिंङ रैंज़ा शिलज़ा। छना कुचे केहतु सेहमो थल्जी दि रूठे तोह कि परमेश्वरो मोह्ड़े दाह ओ दोरच़ी पक्‍का शुहचे इलेंई, माह कि दू कानून मनेक्च़िमी रंङ साते अंऊ ज़ेइमी पाहठी तोह, ज़ेइमी-तुंङमिमी रिति रिवाज़ो अतु ला भला माह शुई।

1 पतरस 5:10

हेंतेग परमेश्वर अंऊ भत्ते तरीका रंङ मोह्ड़े दाह ए पिंङषा तोह, दोई हेंदिंङ यीशु मसीह रंङ साते हेंदु नाता ओ थल्जी स्वर्गा रिंङ दोऊ अनंत महिमा ओ थल्जी सहभागी शुहबिमी थल्जी हेनर अंङे च़रति। केहतु थोड़े टेमो दुख सहन लहज़िमी थल, परमेश्वर केतिंङ रूठे बणाके च़रपोतो ताकि केहतु अंदरेग ला छल्ले शुहबी मेस दंङ परमेश्वर केतिंङ पक्‍का लोहतो ताकि केहतु विशवास पक्‍का शोतो।