प्रेरित 16:3 - लाहौली बाइबिल

³ पोलुसे जुंज़ाते कि तिमुथियुस दोहरंङ साते योतो। पर दोरकी भत्ते मीहच़ी ञेंहच़ातेर कि दोऊ बाह इच्च़ा ऊई जातिऊ तोहई, दिऊ थल्जी पोलुसे भत्ते बे तुहई दोऊ खतना लहरी ताकि अंऊ नगरंङ दोतिंङ इबि जुंज़ातेर दोऊ साथी यहुदी तु भावना रिंङ ठेस लेहपि माह जूंस।

प्रेरित 16:3 Iomraidhean Croise

प्रेरित 15:20

ञेंहच़ी दोतिंङ इच्च़ा डाक च़ेऐ च़रतिन, दिह कंड्रिमी थल्जी कि दोच़ी दू बगत थाह ज़ंई अंऊ मुर्तिरिंङ चढ़ाएसी शुह दंङ कुकम थालंही, दंङ टटू छुहसी ओ शाह थाह ज़ंई दंङ जानवरा तु शुहई था ज़ेईनि।

प्रेरित 15:37

दोहपल बरनबासे यूहन्ना बि अतु मिन मरकुस ला तोहई, एनारंङ साते रेंज़ा शिल्ज़िमी थल्जी विचार लहरी।

प्रेरित 15:40

पर विशवासी तिंङ परमेश्वरो देख-भाल रिंङ केहट्रिमी थल पोलुस सीलास बि रेंज़ा अच़ा इलि।

1 कुरिन्थियों 7:19

चाहे अतुआ खतना शुहसी शोतो या माह शोतो, दिरंङ छल्ले फर्क माह पड़ेक्पा, पर परमेश्वरो हुकुम मनेक्च़ी ज़रूरी तोह।

1 कुरिन्थियों 9:20

यानि कि अपेहल गेह यहुदी मीहतंङ साते तोतोग, दंङ गेह दोतिंङ मसीह रिंङ हपिमी थल्जी इच्च़ा यहुदी ऊ ठ्रोह बंङज़ातेग अपेहल गेह दोतंङ साते तोईगा अंऊ यहुदी कानूनो भाषे लहज़ातेर, दंङ गेह ला दू कानूनो भाषे बंङज़ातेग हालांकि गिह्बी कानूनो भाषे लहज़िमी ज़रूरत माह तोहई, गेह दि दिऊ थल्जी लहरिगा ताकि गेह दू मीहतिंङ मसीहू विशवासारिंङ रैंज़ा हपोग अंऊ कानूनो अधीन तोतोर।

गलातियों 2:3

दोर्तिंङ रें मीहरे तोईरे अंऊ एनोह बचाएच़िमी थल्जी सिर्फ यीशु मसीहू टोहकठे विशवास माह लहज़ातेर पर यहुदी कानूनो टोहकठे ला विशवास लहज़ातेर। दोरे जासूसो ठ्रोह तोतोर दोरे ब्याके ठ्रोह अतिर ताकि हेंदु श्रींङमी तरीका ओ पाहठी ञेंहच़ोर छना कुचे मसीह हेंदिंङ आज़ाद लेह चरच़तो। हेले दू हेंदंङ यहुदी कानूनो भाषे लोहवा ते हेंदिंङ गुलाम बणाएषी जुंज़ातोर। पर हेंज़ी इच्च़ा मुक्का ला दोतु मांग स्वीकार माह लहरिन ताकि केरे रूठे खबरो सच्चाई रिंङ विशवास लहज़ी ज़ारी तोहनि। दोच़ी कुईर कि गिऊ साथी तीतुस ऊई जाति शुह, झांह लेह दोऊ खतना लेह जूंशी तोह। पर थल मुखंङ, अगुवा ज़ि दोबि खतना लहज़िमी थल्जी मज़बूर माह लहरिर।

गलातियों 2:8

छना कुचे अंऊ परमेश्वरे पतरसा बि यहुदी तु प्रेरित बणाके दोऊ दोरच़ी सेवा कम लहरी, दोई ए गिह्बी ऊईजाति तु प्रेरित बणाके गिऊ दोरच़ी सेवा ओ कम लहरी।

गलातियों 5:6

अगर हेनर यीशु मसीहू टोईच़ी विशवास लहज़ातंई दंङ खतना शुहबी ए खतना माह शुहबिमी छल्ले फायदा माह। पर ज़रूरी गप्पा दि तोह कि हेनर मसीहू टोहकठे विशवास लहज़ातंई दंङ परमेश्वर ए ऊई मीहतु थल्जी दाह तहच़ातंई।

फिलिपियों 2:22

पर केहच़ी ञेंच़ातंई कि तीमुथियुस छना कंङातो कि दुह वफादार तोह। छना योह बाह रंङ साते लहज़ा, ध्वांए ए दोई रूठे खबर फेलाच़िमी थल्जी गेरंङ साते मेहनत लहरी।