प्रेरित 16:1 - लाहौली बाइबिल

¹ पोलुस ए सिलास दिरबे शहरंङ इलिर दंङ दोरकी विशवासी तंङ दोआ दंङ दोरच़ी लुस्त्रो शहरो हखा इलिर। दंङ दोहर इच्च़ा विशवासी बंङज़ाते अतु मिन तीमुथियुस तोहई। दोऊ याह इच्च़ा यहुदी विशवासी तोहई, पर दोऊ बाह ऊई जातिऊ तोहई।

प्रेरित 16:1 Iomraidhean Croise

प्रेरित 14:1

झांह ठ्रोह इकुनियुम शहरा रिंङ ला शुई कि पोलुस ए बरनबास यहुदी सभो घरबारंङ इलिर, दोतु गप्पा लहज़िमी तरीका धोंण रूठे तोहई कि महस यहुदी ए ऊईजाति मीहच़ी बिशवास लहरिर।

प्रेरित 14:21

दोऊ थल पोलुस ए बरनबास दिरबे शहरो मीहतिंङ रूठे खबर सुनाएच़ा, महस तिंङ याकिन दिलाएतिर कि दोच़ी यीशु टोईच़ी विशवास लोहर, दोऊ थल, दोरे एनोह अमरिंङ वापिस इबि लेहकी तोईरे। दंङ दोरे दोरच़ी इकुनियुम शहरो हखा इलिरे, दंङ तांला दोरे पिसिदिया प्रदेशो अन्ताकिया शहरो हखा इलिरे।

प्रेरित 14:6

अपेहल प्रेरिता तिंङ दि पता लेहती, दंङ दोरे लुस्त्रा दंङ दिरबे शहरो हखा पोक्शे इलिर, दंङ लुकाऊनिया प्रदेशो देखी-न्वेखी शहरो हखा,

प्रेरित 17:14

दोहपल विशवासी न्वा ज़ि दोहथर ए पोलुस ए साथी तिंङ बंदरगाहो कछंङ विदा लहरिर; पर सीलास ए तीमुथियुस दोहर बिरिया शहरा रिंङ केह्षा इलिर।

प्रेरित 18:5

अपेहल सीलास ए तीमुथियुस मकिदुनिया प्रदेशंङ ज़ि बिरिया शहरो ज़ि कुरिन्थस शहरा रिंङ अतिरे, दोहपल पोलुसे तम्बू बणाएट्रिमी कम बंद लेह चरच़ाते दंङ पोलुस बचन सुनाएच़िमी धुना रिंङ यहुदी तिंङ गवाही रंड्री लेह्की तोहई कि यीशु ए मसीह शुह।

प्रेरित 19:22

झांह लेह एनोह सेवा लहज़ा तु बिचंङ ज़ि तीमुथियुस ए इरास्तुस बि मकिदुनियो हखा एनोह तुईज़ी च़रति दंङ ऐनाह आसिया रिंङ बंङज़िरी।

रोमियो 16:21

गेरंङ साते प्रभु सेवा लहज़ा तीमुथियुस ला, दंङ गिऊ ठ्रोह यहुदी जातिऊ मीहरे लूकियुस ए यासोन ए सोसिपत्रूस बि ला कनिंङ नमस्कार।

1 कुरिन्थियों 16:10

अगर तीमुथियुस केहतु कछंङ कुरिन्थुस शहरंङ अपतो, दंङ दोरंङ साते रूठे रंङ बर्ताब लोहु; छना कुचे दुह गिऊ बराबर प्रभु कम लहज़ा।

1 कुरिन्थियों 4:17

गेह तीमुथियुसा बि अंऊ यीशु रिंङ गिऊ प्यारे ए विशवासो जोगे योह तोह, केहतु कछंङ च़रतिगा, छना कि गेह हर ठहरि ए हर इच्च़ा कलीसियारिंङ शिक्षा रंड्रातग।

1 कुरिन्थियों 7:14

छना कुचे अगर कांह इच्च़ा विशवासी मेच़ा शुनाह ता अंऊ अविशवासी गगसा रंङ साते बंङज़ा, दंङ केहतु गगसा ला केहतु विशवासी शुहबी रंङ साते प्रभु शुह। दंङ अगर केरे इच्च़ा ठ्रोह विशवासी गगसा शुई अंऊ अविशवासी मेच़ा रंङ साते बंङज़ातंई, दंङ कांह मेच़ा ला कांह मसीह रिंङ शुहबी रंङ साते प्रभु शुह। अगर दि हेले माह तोहई कि केहतु अविशवासी गगसा या मेच़ा परमेश्वरो शुरे, दंङ केहतु कटुरे ला परमेश्वरो माह शुचंङ पर हेंतेग केहतु कटुरे ला परमेश्वरो शुरे।

2 कुरिन्थियों 1:1

गेह, पोलुस दि डाक च़ेहच़ी लेहकी तोतोग। गेह परमेश्वरो हिटी रंङ यीशु मसीहू प्रेरित शुगाह। दंङ हेंदु साथी विशवासी तीमुथियुसो तरफे परमेश्वरो दू कलीसिया बि च़ेहच़ी लेहकी तोतोग अंऊ कुरिन्थुस नगरंङ तोह, दंङ परमेश्वरो भत्ते मीहतिंङ अंऊ अखाया ओ नगरंङ बंङज़ातोर।

2 कुरिन्थियों 1:19

छना कुचे परमेश्वरो योह यीशु मसीह अतु हेंदु दोरच़ी मतलब गिऊ ए सिलवानुस, ए तीमुथियुसो दोरच़ी केहतु बिचंङ प्रचार शुई, दोर्तिंङ, “वोई” ए “माह” झुल्ला माह तोहई; पर देहर तिंङ “वोई” ओ “वोई” शुहचे तोह।

फिलिपियों 1:1

गेह पोलुस ए तीमुथियुस अंऊ यीशु मसीहू सेवक शुई, ञेंहतु तरफे केरे परमेश्वरो मीहतिंङ दंङ मुख्या तिंङ ए सेवका तिंङ दि डाक चेहच़ातग। अंऊ यीशु मसीह रिंङ शुहचे फिलिप्पी शहरारिंङ बंङज़ातोर।

फिलिपियों 2:19

गिह्बी प्रभु यीशु रिंङ उम्मीद तोह कि गेह तीमुथियुसाबि केहतु कछंङ युरनाह च़रपोग, ताकि अपेहल दुह वापिस अपतो, केहतु दशा रेड्राते गिऊ याहब बढेक्पोतो।

कुलुस्सियों 1:1

गेह पोलुस, गिऊ साथी विशवासी तीमुथियुस तरफे दि डाक चेहच़ातग। गेह परमेश्वरो हिटी रंङ यीशु मसीहू प्रेरित शुगाह।

1 थिस्सलुनीकियों 1:1

दि डाक पोलुसे सिलवानुस ए तीमुथियुसो तरफे। ञेंहच़ी दि डाक थिस्लुनीकियो शहरो कलीसियाबि च़ेहसी लेहकी तोतोंई, अंऊ हेंदु बाह परमेश्वर ए प्रभु यीशु मसीहरिंङ तोह। ञेंहच़ी प्रार्थना लहज़ातंई कि परमेश्वर केतिंङ मोह्ड़े दाह ए शांति रमतो।

1 थिस्सलुनीकियों 3:2

दंङ ञेंहच़ी तीमुथियुसबि केहतु कछंङ च़रतिन, अंऊ मसीहू रूठे खबरारिंङ ञेंहतु न्वा ए परमेश्वरो सेवक तोह। ताकि दोई केतिंङ विशवासरिंङ पक्‍का लोहतो, दंङ लगातार विशवास लहज़िमी थल्जी उत्साहित लोहतो।

1 थिस्सलुनीकियों 3:6

दंङ हेंतेग तीमुथियुस अंऊ केहतु कछंङ ज़ि ञेंहतु दोहर अंज़े केहतु विशवास ए दाह ओ रूठे खबर सुनाके च़रति दंङ दि गप्पा ला सुनाके च़रति कि केहच़ी हमेशा दाह रंङ साते ञेंतिंङ हिद लहज़ातंई, दंङ ञेंतिंङ खंड्रिमी हिटी शवात, ध्वांए ञेंरे ला केतिंङ खंड्रिमी थल्जी लालसा शवात।

2 थिस्सलुनीकियों 1:1

दि डाक पोलुस सिलवानुस ए तीमुथियुस तरफे। ञेंहच़ी दि डाक थिस्लुनीकियो शहरो कलीसियाबि च़ेहसी लेहकी तोतोंई, अंऊ हेंदु बाह परमेश्वर ए प्रभु यीशु मसीहू तोतोर।

1 तीमुथियुस 1:18

हे योह तीमुथियुस, दुह भविष्यवाणी तु हिसाबे अंऊ तुहई कनु पाहठी लहसी तोहई, गेह कनिंङ दि हुकुम रंड्रातग, ताकि काह रूठे खबरो सच्चाई ओ थल्जी रूठे रंङ लड़ाई लड़ेक्पिमी थल्जी दुह शब्दा तु इस्तेमाल इच्च़ा हथियारो ठ्रोह लोह।

1 तीमुथियुस 1:2

गेह दि डाक तीमुथियुस बि चेहच़ा तोग अंऊ गिऊ थल्जी इच्च़ा योह ठ्रोह तोह छना कुचे केई ला मसीहू टोहकठे विशवास लहज़ातन छना गेह लहज़ातग। गेह प्रार्थना लहज़ातग कि बाह परमेश्वर ए हेंदु प्रभु यीशु मसीह कनिंङ मोह्ड़े दाह ए शांति रम्मा लोहतो।

2 तीमुथियुस 1:2

गेह दि डाक तीमुथियुस बि चेहच़ातग, अंऊ गिऊ थल्जी इच्च़ा योह ठ्रोह तोह। गेह प्रार्थना लहज़ातग कि बाह परमेश्वराबि ए हेंदु प्रभु यीशु मसीह कनिंङ मोह्ड़े दाह कृपा ए शांति रम्मा लोहतो।

2 तीमुथियुस 1:5

गिह्बी कनु याह यूनिस ओ सच्चा विशवास हिद तोह। दंङ कनु नानी लोइस ओ विशवास ला ध्वांए तोह, दंङ गिह्बी विशवास तोह कि कांह ला दिए विशवास तोह।

2 तीमुथियुस 3:11

मीहच़ी गेह तंग लहरिर, अतु वहज़ा ज़ि गेह महस दुख सहन लहरिग। केतिंङ पता तोह कि अन्ताकिया, इकुनियुम ए लुस्त्रा नगरंङ गिऊ टोईच़ी छना-छना ज़ुल्म शुईरे, तांला दुह भत्ते तु दोरच़ी प्रभु ज़ि गेह हुंज़ी च़रति।

फिलेमोंन 1:1

गेह पोलुस अंऊ यीशु मसीहू सेवकाई ऊ थल्जी जेलारिंङ तोतोग। दिह डाक चेहच़ातग। ञेंहतु विशवासी न्वा तीमुथियुसो तरफे कनिंङ फिलेमोनबि ला नमस्कार। काह हेंदु साथी मित्र शुनाह दंङ हेंदु ठ्रोह ए मसीहू सेवा लहज़ातन।

इब्रानियों 13:23

केतिंङ दि हिद शोतो कि, हेंदु विशवासी न्वा तीमुथियुस कैदो दोरच़ी रिहा शुहचे इलज़ा, दंङ अगर दू युरनाह अच़ा अति, दंङ गेह दोरंङ साते केहतु कछंङ दोहई अपोग।