प्रेरित 15:4 - लाहौली बाइबिल

⁴ अपेहल दोरे यरूशलेम शहर पिचे इलिरे, दंङ कलीसियाओ मीहरे ए प्रेरित दिंङ कलीसिया ओ सेंहणार दोतंङ साते खुशी रंङ साते दोईरे दंङ पोलुस ए बरनबास ए भत्ते धिर कंड्रातोर अंऊ परमेश्वरे दोतु दोरच़ी लाहते।

प्रेरित 15:4 Iomraidhean Croise

मत्ती 10:40

अच़ि केरे ग्रहण लाह दोई गेह ग्रहण दंङ अच़िला गेह ग्रहण दोई परमेश्वरा बि अपनाच़ा।

प्रेरित 11:30

दंङ दोच़ी ध्यांए लहरिर; दंङ बरनबास ए शाऊल ओ गुहड़िंङ, सेंहणातु कछंङ ढबाह च़रतिर।

प्रेरित 14:27

अन्ताकिया शहरंङ पिचे, दोच़ी कलीसिया ओ मीहरे ठ्रोहका लहरिर दंङ कुईर, कि परमेश्वरे ञेंतंङ साते शुहचे छना मोह्ड़े-मोह्ड़े कम लहरी! दंङ छना परमेश्वरे ऊईजाति ऊ मीहतिंङ यीशु मसीहू टोहकठे बिशवास लहज़िमी जोगे लहरी।

प्रेरित 15:12

दंङ भत्ते सभा ओ मीहरे चुपे शुहचे पोलुस ए बरनबासो रेड्री लेहतिर, कि परमेश्वरे दोतु दोरच़ी ऊईजाति तु बिचंङ छोंई घाटे मोह्ड़े-मोह्ड़े कहम ए चमत्कार लहरी।

प्रेरित 15:2

अपेहल पोलुस ए बरनबास ओ दोतंङ साते महस बहस शुई दंङ दोच़ी दिह ठहराएसी कि पोलुस ए बरनबास दंङ दोतु बिचंङ ज़ि रेह मीहरे दि गप्पो थल्जी प्रेरित ए कलीसिया ओ सेंहणातु कछंङ यरूशलेम शहरो हखा योर।

प्रेरित 15:22

दोपहल यरूशलेम शहरारिंङ भत्ते कलीसिया रंङ साते प्रेरित ए सेंहणा मीहतिंङ रुठे लेहती, कि ऐनातु बिचंङ ज़ि रेह मीहरे अंङे च़रतिर, मतलब यहूदा अतु मिन बरनबास लाह तोहई, दंङ सीलास अंऊ विशवासी तु बिचंङ मुखिया तोहई; दंङ दोतिंङ पोलुस ए बरनबास रंङ साते अन्ताकिया शहर हखा च़रपोंई।

प्रेरित 15:3

कलीसिया ओ मीहज़ी दोतु यात्रा ओ थल्जी फोआ रे ढबाह ए बगतो ओ इन्तज़ाम लहरीर; दंङ दोरे ज़ोज़ा-ज़ोज़ा फीनीके प्रदेश ए सामरिया प्रदेशंङ ज़ि शुहचे अच़ा इलिर। लगातार दोरे अमरिंङ रूहम्ज़ा लेहतिर, विशवासी न्वारे तिंङ ऊईजाति मीहतु सेहम किरच़िमी ए दंङ यीशु टोईच़ी विशवास लहज़िमी खबरो पाहठी कंड्री लेहतिर। दि रेड्रा भत्ते विशवासी न्वारे महसे खुश शुहचे इलिर।

प्रेरित 15:6

दंङ प्रेरित ए कलीसिया ओ सेंहणा मीहरे दी गप्पो पाहठी विचार लहज़िमी थल्जी ठ्रोहका शुई।

प्रेरित 16:4

पोलुस ए दोऊ साथीरे नगर-नगर रंङ इलजे दुरे दुह कानून अंऊ यरूशलेम शहर प्रेरित ए कलीसिया ओ सेंहणा ज़ि ठहराएसी तोहई।

प्रेरित 18:27

अपेहल अपुल्लोस दिह पक्‍का लेह च़रति कि दुह अखाया प्रदेशो हखा योतो दंङ इफिसुसा रिंङ विशवासी ज़ि कुईर कि झांह लेह दोतु थल्जी रूठे शोतो। दिऊ थल्जी दोच़ी अखाया रिंङ विशवासी तिंङ डाक चेई कुईरे कि दोतिंङ अपुल्लोस स्वागत लेह जुंशी तोह। दंङ अपुल्लोस इच्च़ा जहाज़ो टोईच़ी अच़ा इलि कुरिंथ इबिमी थल्जी। दंङ दोर पिचे परमेश्वरो मोह्ड़े दाह ओ दोरच़ी दुह मीहतु महस मदत लहरी अंऊ दोच़ी विशवास लहरिर।

प्रेरित 21:17

अपेहल ञेंहरे यरूशलेम शहरंङ पिचे इलिन, ता बिशवासी न्वाज़ि ञेंतंङ साते खुशी रंङ साते ञेंहतु स्वागत लहरिर।

प्रेरित 21:19

दंङ पोलुसे दोतिंङ नमस्कार लेह, अंऊ-अंऊ कम परमेश्वरे दोऊ सेवाऊ दोरच़ी ऊईजाति मीहतु बिचंङ लहसी तते, इच्च़ा-इच्च़ा लेह भत्ते दोतिंङ कंङे च़रति।

रोमियो 15:18

छना कुचे मसीह गिऊ वहज़ा ज़ि छि लहसी ततो गिह्बी दि गप्पा कुट्रीमी हिम्मत तोह, कि गेह ऊईजाति तु मीहतिंङ परमेश्वरो कछंङ हपिमी काबिल तोतोग। अपेहल दोच़ी गिऊ सग थाषातेर दंङ गिऊ कम तंङातेर दंङ दोच़ी परमेश्वरो टोहकठे विशवास लहरिर।

रोमियो 15:7

झांह लेह इदि-अईदि बि दि रूपारिंङ ग्रहण लंहि कि मीहरे परमेश्वरो स्तुति लोहर; दि कम झांह ठ्रोह लंहि छना मसीह ज़ि केरे ग्रहण लहसी ततो।

1 कुरिन्थियों 15:10

पर अगर तोग गेह प्रेरित शुगाह दंङ दुह परमेश्वरो मोह्ड़े दाह शुह। दंङ दोऊ मोह्ड़े दाह अंऊ गिऊ टोईच़ी शुई, दुह शुह्के माह शुई पर गेह ऊई अरिला प्रेरित बे महस मेहनत ला लहरिगा ता दि गिऊ दोरच़ी मशत पर परमेश्वरो मोह्ड़े दाह गिऊ दोरच़ी कम लहज़ाते।

2 कुरिन्थियों 5:19

दिऊ मतलब दि तोह कि परमेश्वर भत्ते मीहतु थल्जी इच्च़ा अम बणाएषी लेहकी तोह छिल्ला धिर मसीह लहसी ततो दोऊ दोरच़ी मेल-मिलाप लंहि, दंङ मीहतु पापो दोष दोतु टोहकठे लगाके च़रति, दंङ परमेश्वरे शांति ओ पाहठी दोऊ खबर सुनाएच़िमी कम हेंदिंङ रांहषी ततो।

2 कुरिन्थियों 6:1

परमेश्वररंङ साते कम लहज़ा शुहबी रंङ साते हेनर करंङ साते दि विनती लहज़ातंई कि परमेश्वरो मोह्ड़े दाह केहतु टोईच़ी शुहचा, दोबि ध्यांए इबि थारांई;

कुलुस्सियों 4:10

अरिस्तखुर्स अंऊ गेरंङ साते कैदी तोद, दंङ बरनबासो भंई मरकुस केतिंङ नमस्ते कुट्रातोर। अतु पाहठी केतिंङ तुहई ए कांहषी तोहई, कि अगर दुह केहतु कछंङ अपतो, ता दोरंङ रूठेरंङ साते व्यवहार लंहि,

2 यूहन्ना 1:10

अगर अरिया केहतु कछंङ अंज़े झांह ठ्रोह शिक्षा रंड्रा तोर अंऊ मसीहू शिक्षा बे शत्‌ह तोह, दोबि माह ता चुंङ अपि रांई दंङ माह ए नमस्कार लहज़ी बढावा रांई।