प्रेरित 15:3 - लाहौली बाइबिल

³ कलीसिया ओ मीहज़ी दोतु यात्रा ओ थल्जी फोआ रे ढबाह ए बगतो ओ इन्तज़ाम लहरीर; दंङ दोरे ज़ोज़ा-ज़ोज़ा फीनीके प्रदेश ए सामरिया प्रदेशंङ ज़ि शुहचे अच़ा इलिर। लगातार दोरे अमरिंङ रूहम्ज़ा लेहतिर, विशवासी न्वारे तिंङ ऊईजाति मीहतु सेहम किरच़िमी ए दंङ यीशु टोईच़ी विशवास लहज़िमी खबरो पाहठी कंड्री लेहतिर। दि रेड्रा भत्ते विशवासी न्वारे महसे खुश शुहचे इलिर।

प्रेरित 15:3 Iomraidhean Croise

लूको 15:32

पर हेंतेग खुशी मनाचिऐ मगन शुहबिमी शुह, छना कुचे दिह झांह ठ्रोह तोहई कि कांह दि न्वा सिए इलजी दोतु ठ्रोह तोहई, दंङ यह्च़ा षीङे इलज़ा; योंहंषा इलजी तोहई, दा खोकसा इलज़ा।”

प्रेरित 1:15

इच्च़ा ध्याड़ारिंङ पतरस दुह लगभग राह निंज़ो मीहतु बिचंङ खड़े शुहचे कुट्री लेहती,

प्रेरित 13:48

अपेहल ऊईजाति ज़ि दिह रेड्रीर ता दोरे महस खुश शुहचे इलिर, दंङ दोऊ दि खबरो थल्जी प्रभु बि धन्यवाद रंड्री लेहतिर, दंङ अंयों ला अनंत जीवनो थल्जी ठहराएसी तातेर दोच़ी बिशवास लहरिर।

प्रेरित 13:52

दंङ अन्ताकिया शहरंङ विशवासी खुशी रंङ ए पवित्र आत्मा रंङ साते परिपूर्ण शुहवा लहरिर।

प्रेरित 14:27

अन्ताकिया शहरंङ पिचे, दोच़ी कलीसिया ओ मीहरे ठ्रोहका लहरिर दंङ कुईर, कि परमेश्वरे ञेंतंङ साते शुहचे छना मोह्ड़े-मोह्ड़े कम लहरी! दंङ छना परमेश्वरे ऊईजाति ऊ मीहतिंङ यीशु मसीहू टोहकठे बिशवास लहज़िमी जोगे लहरी।

प्रेरित 15:1

रेह यहुदी विशवासी मीहरे यहूदिया प्रदेशंङ च़ि अन्ताकिया शहरो हखा अतिरे दंङ ऊई विशवासी न्वारेतिंङ सिखाएच़ि लेहतिर कि; अगर मूसा ओ कानूनो हिसाबे केहतु खतना माह शुई सा ता केतिंङ उद्धार माह खोकसोतो।

प्रेरित 15:12

दंङ भत्ते सभा ओ मीहरे चुपे शुहचे पोलुस ए बरनबासो रेड्री लेहतिर, कि परमेश्वरे दोतु दोरच़ी ऊईजाति तु बिचंङ छोंई घाटे मोह्ड़े-मोह्ड़े कहम ए चमत्कार लहरी।

प्रेरित 15:22

दोपहल यरूशलेम शहरारिंङ भत्ते कलीसिया रंङ साते प्रेरित ए सेंहणा मीहतिंङ रुठे लेहती, कि ऐनातु बिचंङ ज़ि रेह मीहरे अंङे च़रतिर, मतलब यहूदा अतु मिन बरनबास लाह तोहई, दंङ सीलास अंऊ विशवासी तु बिचंङ मुखिया तोहई; दंङ दोतिंङ पोलुस ए बरनबास रंङ साते अन्ताकिया शहर हखा च़रपोंई।

प्रेरित 15:32

दंङ यहूदा ए सीलास अरी ऐनारे बि भबिष्यवक्ता रे तोईरे, महस गप्पा रंङ साते विशवासी न्वातिंङ उपदेश रें दोतु विशवासा बि पक्‍का लहरी।

प्रेरित 15:4

अपेहल दोरे यरूशलेम शहर पिचे इलिरे, दंङ कलीसियाओ मीहरे ए प्रेरित दिंङ कलीसिया ओ सेंहणार दोतंङ साते खुशी रंङ साते दोईरे दंङ पोलुस ए बरनबास ए भत्ते धिर कंड्रातोर अंऊ परमेश्वरे दोतु दोरच़ी लाहते।

प्रेरित 17:15

पोलुस ओ साथी दोरंङ साते एथेंस शहर तचेक इलिर, पर पोलुस दि हुकुम रंङ साते दोरे बिरिया शहरो हखा यह्च़ा इलिर कि सीलास ए तीमुथियुसा दोऊ कछंङ युरनाह अपोर।

प्रेरित 20:38

दोरे खास लहज़ी दिह गप्पो ध्यान शोक लहज़ातेर, अंऊ दोई कुहषी तहरे, कि केहच़ी गिऊ मोह्द यह्च़ा माह खमोंई, दंङ दोच़ी दुह जहाज़ा तचेक पिपि लहरिर।

प्रेरित 21:5

अपेहल निह्ज ध्याड़ो थल ञेंहतु दोरच़ी इबिमी ध्याड़ा अति, दंङ ञेंहरे दोरच़ी अचा इलांई; दंङ भत्ते विशवासी साते ञेंहतिंङ दुह इलाको धह्कते पिचे च़रतिर; दंङ ञेंहच़ी मुखारिंङ पुष्टू भारे बंङज़ा प्रार्थना लहरिन,

प्रेरित 28:15

रोमो रेह विशवासी ज़ि थाह्शातोर कि ञेंरे दोर अपातंई, दिऊ थल्जी दोरे हेंदंङ साते दोईमी थल्जी इच्च़ा लम्हें यात्रा लहज़ा अतिर। रे मीहरे हेंदंङ साते दोईमी थल्जी अप्पियुस बज़ारा रिंङ अतिर। दंङ ञेंरे रोमो हखा अच़ा इलिन, दंङ षुमु सराय शहरो ऊई न्वारे हेंदंङ साते दोईरे दंङ हेंदिंङ रोमो हखा रेंज़ा शिलिर। अपि खंड्रा पोलुसे परमेश्वरो धन्यवाद लहरी, दंङ याहब रांई।

प्रेरित 8:14

अंऊ मुक्का प्रेरिता ज़ि अंऊ यरूशलेम शहरंङ तोईरे, रेड्रीर कि सामरिया प्रदेशो मीहच़ी परमेश्वरो बचन ग्रहण लेह केहतोर ता पतरस ए यूहन्ना बि दोतु कछंङ च़रतिर।

रोमियो 15:24

झांह लेह अपेहल इसपानिया ओ हखा योग दंङ केहतु कछंङ ज़ि दोआ योग छना कुचे गिह्बी उम्मीद तोह कि, कि दू यात्रा रि केतंङ साते दोओग, दंङ अपेहल गेह केतंङ साते संगति रि खुश शुहचे योग, दंङ गेह जुंज़ातग कि केरे गिऊ स्पेन देशो सफरो थल्जी मदत लंहि।

1 कुरिन्थियों 16:11

झांह लेह अरिला दोऊ अनादर था लंहि, पर दोई रूठे रंङ दोबि दुह भत्ते धिर रोंऊ अंऊ दोबि एनोह सफरो थल्जी ज़रूरत तोह। छना कुचे गेह दोबि रुमज़ा तोतोग, कि दुह विशवासी तंङ साते अपतो।

2 कुरिन्थियों 1:16

गिऊ योजना तोहई कि गेह केहतु कछंङज़ि शुहचे मकिदुनिया शहरो हखा योग, दंङ यह्च़ा मकिदुनिया दोरच़ी वापिस अंज़े केहतु कछंङ अपोग; ताकि गेह केतंङ साते यहुदिया शहरो यात्रा ओ थल्जी मदत खोकपोग।

तीतुस 3:13

अपेहल जेनास वकील ए अपुल्लोस एनोह यात्राओ थल्जी हुंच़िरी, दंङ दोतु मदतो थल्जी छिल्ला केई लेह तरपोन, दोतु थल्जी लोह। दि ध्यान तोह कि दोतिंङ छिल्ला चीज़ो कमी शुहबी मेस।