प्रेरित 15:1 - लाहौली बाइबिल

¹ रेह यहुदी विशवासी मीहरे यहूदिया प्रदेशंङ च़ि अन्ताकिया शहरो हखा अतिरे दंङ ऊई विशवासी न्वारेतिंङ सिखाएच़ि लेहतिर कि; अगर मूसा ओ कानूनो हिसाबे केहतु खतना माह शुई सा ता केतिंङ उद्धार माह खोकसोतो।

प्रेरित 15:1 Iomraidhean Croise

यहून्नो 7:22

दिऊ बजह च़ि मूसा ए केतिंङ खतना लहज़िमी आज्ञा रांहषी ततो, दिह मशत कि दुह मुसाओ दोरच़ी शुह पर बाह मेमेतु टेमा च़ि तोह, दंङ केहरे अरामो ध्याड़ारिंङ मीहतु खतना लहज़ातंई।

प्रेरित 1:15

इच्च़ा ध्याड़ारिंङ पतरस दुह लगभग राह निंज़ो मीहतु बिचंङ खड़े शुहचे कुट्री लेहती,

प्रेरित 15:22

दोपहल यरूशलेम शहरारिंङ भत्ते कलीसिया रंङ साते प्रेरित ए सेंहणा मीहतिंङ रुठे लेहती, कि ऐनातु बिचंङ ज़ि रेह मीहरे अंङे च़रतिर, मतलब यहूदा अतु मिन बरनबास लाह तोहई, दंङ सीलास अंऊ विशवासी तु बिचंङ मुखिया तोहई; दंङ दोतिंङ पोलुस ए बरनबास रंङ साते अन्ताकिया शहर हखा च़रपोंई।

प्रेरित 15:23

प्रेरिता ज़ि दुह डाक एनारंङ साते रेंज़ा शिलिर; अंऊर च़ेहसी तोहई: “अन्ताकिया शहरारिंङ, सीरिया रिंङ दंङ किलिकिया प्रदेशो बंङज़ा विशवासी न्वारे अंऊ ऊईजाति विशवासी तु बिचंङ ज़ि तोतोर, प्रेरित ए कलीसिया ओ सेंहणा ए अंऊ केहतु न्वारे तोतोर नमस्कार।”

प्रेरित 15:24

ञेंहच़ी दी रेड्री तातंई कि ञेंहतु बिचंङ ज़ि रेहज़ि दोहर इलजे, केतिंङ एनोह गप्पा ओ परेशान लेह च़रतिर; दंङ केहतु दिमागारिंङ उल्लझन पैदा लेह च़रतिन पर ञेंहच़ी दोतिंङ हुकुम रांहषी माह शुह।

प्रेरित 15:3

कलीसिया ओ मीहज़ी दोतु यात्रा ओ थल्जी फोआ रे ढबाह ए बगतो ओ इन्तज़ाम लहरीर; दंङ दोरे ज़ोज़ा-ज़ोज़ा फीनीके प्रदेश ए सामरिया प्रदेशंङ ज़ि शुहचे अच़ा इलिर। लगातार दोरे अमरिंङ रूहम्ज़ा लेहतिर, विशवासी न्वारे तिंङ ऊईजाति मीहतु सेहम किरच़िमी ए दंङ यीशु टोईच़ी विशवास लहज़िमी खबरो पाहठी कंड्री लेहतिर। दि रेड्रा भत्ते विशवासी न्वारे महसे खुश शुहचे इलिर।

प्रेरित 15:32

दंङ यहूदा ए सीलास अरी ऐनारे बि भबिष्यवक्ता रे तोईरे, महस गप्पा रंङ साते विशवासी न्वातिंङ उपदेश रें दोतु विशवासा बि पक्‍का लहरी।

प्रेरित 15:5

पर फरीसी मीहतु दलो बिचंङ अंऊ दोच़ी बिशवास लहतेर, दोतु बिचंङ च़ि थोड़े अरे मीहज़ी खड़े शुहचे कुट्री लेहतिर, “ऊईजाति बि खतना लहज़िमी थल्जी ए मूसा ऊई ला कानूनो मनेकच़िमी थल्जी हुकुम रंड्री जूंस।”

प्रेरित 21:20

अपेहल दोच़ी दि रेड्रा दंङ दोच़ी परमेश्वरो तारीफ लहरिर, दोहपल पोलुसे कुई, हे न्वा, केतिंङ पता तोह, कि यहुदी मीहतु बिचंङ च़ि अंयों हज़ार मीहज़ी प्रभु यीशु टोईच़ी बिशवास लहज़ातोर, दंङ केहच़ी दि ला ञेंहच़ातंई कि दोरे भत्ते मूसा ओ कानूनो भाषे रूठे रंङ मनेक्च़िमी थल्जी महस पक्‍का तोतोर।

प्रेरित 6:14

छना कुचे ञेंहच़ी दिह्बी दिह कुट्री थक्शातन कि दिह ए नासरत नगरो यीशु यहुदी मंदिरा बि दहफी लेह च़रपोतो, दंङ दुह रिति-रिवाज़ लेहके च़रपोतो अंऊ मूसा ज़ि ञेंतिंङ रांहषी ततो।”

गलातियों 2:1

सपि सालो थल गेह बरनबास रंङ साते यरूशलेमो शहरो हखा इलिगा, दंङ तीतुसा बि ला साते रेंज़ा शिलिगा।

गलातियों 5:6

अगर हेनर यीशु मसीहू टोईच़ी विशवास लहज़ातंई दंङ खतना शुहबी ए खतना माह शुहबिमी छल्ले फायदा माह। पर ज़रूरी गप्पा दि तोह कि हेनर मसीहू टोहकठे विशवास लहज़ातंई दंङ परमेश्वर ए ऊई मीहतु थल्जी दाह तहच़ातंई।

गलातियों 6:12

अंऊ मीहरे ऊई यहुदी तिंङ खुश लहज़ी जुंज़ातोर, दोरे ए केतिंङ खतना लहज़िमी थल्जी दबाब केओर। दोरे दि सिर्फ दिऊ थल्जी लहज़ातोर ताकि मीहरे दोतिंङ दि प्रचार लहज़िमी वहज़ा ज़ि सताएपोर कि मसीह क्रूसो टोहकठे सिए इलि।

कुलुस्सियों 2:16

झांह लेह अच़ि लाह केतिंङ दि कुह्चे धोखा रंड्री माह जूंस, कि केतिंङ छि जें ए तुंङमी तोह या त्याहरो मनेक्च़िमी थल्जी ए लचंङों त्याहरो, या अरामो ध्याड़ो थल्जी केहतु फेंसला माह लोहर।

कुलुस्सियों 2:8

खबरदार तोहई कि अरिया केतिंङ संसारो ज्ञान ए फालतु धोखा रंड्री माह जूंस, दिह गप्पारे मीहतु परम्परा ए संसारो शिक्षा ओ हिसाबे तोह। माह कि मसीहू दोरच़ी।