प्रेरित 14:3 - लाहौली बाइबिल

³ पर पोलुस ए बरनबास महस ध्याड़ा तचेक दोर्तिंङ बंङज़िरी, दंङ प्रभु मोह्ड़े दाह ओ पाहठी याहब रंङ साते प्रचार लहज़ी लेहतिर; प्रभु यीशु ज़ि दि झुह्ट मीहतिंङ चिन्ह ए चमत्कार लहज़िमी सामर्थ रें च़रति दि साबित लहज़िमी थल्जी कि दोतु खबर दोऊ दोरच़ी अंज़े शुह।

प्रेरित 14:3 Iomraidhean Croise

मरकुसो 16:20

दोऊ थल प्रभु यीशु ऊ चेलाज़ि दोहरची इलजी भत्ते ठाहरीरिंङ रुठे खबर सुनाएची लेहतिर। दंङ प्रभु यीशुज़ि दोतु दोहरची हेरानी ऊ कम लहज़ातेर। झांह लेह मीहतिंङ पता लेहती कि रुठे खबर सच्चे शुह। आमीन। (ध्वांए शुहबी जूंस)

यहून्नो 4:48

यीशु ज़ि दोबि कुंई, “अपेहल तचेक केई चिन्ह ए चमत्कार माह खमोंई, दोहपल तचेक केई गिऊ टोहकठे मसीहू शुह कुचे विशवास माह लोहन।”

प्रेरित 13:46

दोथर पोलुस ए बरनबास ए निडर शुहचे कुईर, “कि परमेश्वरो बचन मुण्डारिंङ केतिंङ यहुदी तिंङ सुनाएची ज़रूरी तोहई; पर केहच़ी दोबि ग्रहण माह लहज़ातन। झांह लेज़मी रिंङ साते केहच़ी दि साबित लाहतंई कि केरे अनंत जीवन खोकच़िमी जोगे माह तोहई, दिऊ थल्जी दा ञेंहरे योंई दंङ ऊईजाति मीहतु सुनाएपोंई।

प्रेरित 2:22

“हे इस्राएल देशो मीहरे दिह गप्पारे रेड्रुंई: कि नासरत नगरो यीशु इच्च़ा झांह ठ्रोह मीह तोहई अतिंङ परमेश्वरो दोरच़ी केहतु तुईज़ी साबित लहसी, झांह ठ्रोह चिन्ह चमत्कार ए हेरानी ऊ कमो दोरच़ी, अंऊ परमेश्वरे दोऊ दोरच़ी लहते। केहरे केनारे ञेंहच़ातोनि कि दिह गप्पा हेले शुह।”

प्रेरित 20:24

पर गिह्बी दि गप्पो छल्ले फर्क माह पढेक्पा, कि मीहच़ी गिह्बी घाह केट्रातोर, अगर गेह तुहई बेहच़ी दुह कम पूरा लोहग अंऊ प्रभु यीशु ज़ि गिह्बी लहज़िमी थल्जी कुहषी ततो। दोई गिह्बी मीहतिंङ रूठे खबर सुनाएच़िमी थल्जी अंङषी ततो। परमेश्वरे हेंदु थल्जी दुह कम लहज़ा हेंदिंङ बचाएच़ा अंऊ दोऊ हेनर जोगे माह तोईनि।

प्रेरित 20:32

दंङ हेंतेग गेह केतिंङ परमेश्वरा बि सौपेंकाच़ातग दंङ दोऊ मोह्ड़े दाह खबर अंऊ केतिंङ विशवासा रिंङ पक्‍का लहज़िमी जोगे तोह दंङ केतिंङ दुह भत्ते मीहतिंङ विरासत रंड्री अंऊ दोरे दोऊ एनोह शुरे।

प्रेरित 4:31

अपेहल दोच़ी प्रार्थना लेह केहरिर, ता दुह ठहरि अंऊर दोरे ठ्रोहका तोईरे त्रुल्ज़ा इलि, दंङ दोरे भत्तेर पवित्र आत्मा रंङ साते पिंङे इलिर, दंङ परमेश्वरो बचन याहब रंङ साते सुनाएची लेहतिर।

प्रेरित 5:32

दंङ ञेंहरे दिह गप्पातु गवाह तोतोन, दंङ पवित्र आत्मा ला, अतिंङ परमेश्वरे एनोह हुकुम मनेक्च़ा दोतिंङ रांहषी ततो।”

रोमियो 1:16

छना कुचे गेह यीशु मसीहू रूठे खबरो टोहकठे पूरा विशवास लहज़ातग, एनोह सामर्थो दोरच़ी परमेश्वर दू भत्ते तु उद्धार लहज़ा, अंऊ दि रूठे खबरो टोईच़ी विशवास लहज़ातोर, भत्ते बे मुन्डा यहुदी मीहतु दंङ दोतु अंऊ यहुदी मीह माह तोहर।

1 थिस्सलुनीकियों 2:2

केहच़ी केनाच़ि ए ञेंच़ातंई, कि केहतु कछंङ अपिमी तुहई ञेंहच़ी फिलिप्पी शहरारिंङ अंयों दुख उठाकतेंई। तांला परमेश्वरे ञेंतिंङ धोंण हिम्मत रांहषी ततो, कि केहतु शहरो मीहतु दोरच़ी ञेंहतु महस विरोध शुहचे थल ञेंहच़ी परमेश्वरो रूठे खबर सुनाएक्तंई।

इब्रानियों 2:4

दंङ परमेश्वर चिन्ह ए अद्धभुत कमो, महस पाहठी चमत्कारो दंङ पवित्र आत्माओ दोरच़ी मीहतिंङ वरदान रंड्रा दि खबरा बि ठीक ध्वांए साबित लहरी, छना दोई जुंज़ाते।