प्रेरित 13:5 - लाहौली बाइबिल

⁵ दंङ सलमीस बंदरगाह रिंङ पिचे ठहरि-ठहरि इलजी परमेश्वरो बचन यहुदी सभो घरबारंङ सुनाएतिर; दंङ यूहन्ना अतु मिन मरकुस शुह, दोतु मदत लहज़िमी थल्जी दोतंङ साते तोहई।

प्रेरित 13:5 Iomraidhean Croise

मत्ती 20:26

पर केहतु बिचंङ झांह माह शोतो; पर अरी लाह केहतु बिचंङ मोह्ड़े शुहबी जुंज़ा, दुह केहतु परगर बणेक्तुंई;

प्रेरित 12:12

दंङ दिह ञेंहच़ा कि परमेश्वरे दुह बचाके च़रते, पतरस दुह यूहन्ना ओ, अतु मिन मरकुस ला तोहई, दोऊ याह मरियमो चुंङ अति। दोर्तिंङ महसे बिशवासी मीहरे ठ्रोहका शुहचे प्रार्थना लहज़ी लेहकी तोईरे।

प्रेरित 12:25

अंऊ मुक्का बरनबास ए शाऊल ए, यहूदिया प्रदेशंङ एनोहो सेवा ओ कम पुरा लेह केहरिर ता दोरे यरूशलेम शहरंङ च़ि अन्ताकिया शहरंङ वापिस अच़ा अतिर। यूहन्ना अतु मिन मरकुस ला शुह दोतंङ साते तोहई।

प्रेरित 13:14

दंङ पिरगा शहरंङ च़ि तुंखा इलजे गलातिया प्रदेशो पंफूलिया प्रदेशो ओ कछंङ अन्ताकिया शहरंङ पिचे इलिर, दंङ अरामो ध्याड़ा रिंङ यहुदी सभो घरबारंङ इलजे बंङज़ा इलिर।

प्रेरित 13:46

दोथर पोलुस ए बरनबास ए निडर शुहचे कुईर, “कि परमेश्वरो बचन मुण्डारिंङ केतिंङ यहुदी तिंङ सुनाएची ज़रूरी तोहई; पर केहच़ी दोबि ग्रहण माह लहज़ातन। झांह लेज़मी रिंङ साते केहच़ी दि साबित लाहतंई कि केरे अनंत जीवन खोकच़िमी जोगे माह तोहई, दिऊ थल्जी दा ञेंहरे योंई दंङ ऊईजाति मीहतु सुनाएपोंई।

प्रेरित 14:1

झांह ठ्रोह इकुनियुम शहरा रिंङ ला शुई कि पोलुस ए बरनबास यहुदी सभो घरबारंङ इलिर, दोतु गप्पा लहज़िमी तरीका धोंण रूठे तोहई कि महस यहुदी ए ऊईजाति मीहच़ी बिशवास लहरिर।

प्रेरित 15:37

दोहपल बरनबासे यूहन्ना बि अतु मिन मरकुस ला तोहई, एनारंङ साते रेंज़ा शिल्ज़िमी थल्जी विचार लहरी।

प्रेरित 17:17

झांह लेह यहुदी सभो घरबारंङ दुह यहुदी ए परमेश्वरो बेह्द चेहच़ा ऊईजाति मीहरे, दंङ च़ोकंङ अरि मीहरे दोआतेर, दोतंङ साते हर ध्याड़ा बहस लहज़ा तोहई।

प्रेरित 18:4

दंङ पोलुस हर इच्च़ा अरामो ध्याड़ारिंङ यहुदी सभो घरबारंङ सवाल-जबाब लहज़ा यहुदी मीहतिंङ ए ऊईजाति मीहतिंङ ला यीशु टोईच़ी विशवास लहज़िमी समझाएक्चाते।

प्रेरित 19:22

झांह लेह एनोह सेवा लहज़ा तु बिचंङ ज़ि तीमुथियुस ए इरास्तुस बि मकिदुनियो हखा एनोह तुईज़ी च़रति दंङ ऐनाह आसिया रिंङ बंङज़िरी।

प्रेरित 19:29

शहरो ऊई मीहच़ी हाऊषेक्च़िमी सग रेड्रीर, दंङ इलजे भीड़ा रिंङ शामिल शुहचे इलिर दंङ शहरा रिंङ हल्ला शुहचे इलि दंङ मीहच़ी गयुस ए अरिस्तखुर्स, मकिदुनिया प्रदेशो मीहरे अंऊ पोलुसा रंङ साते यात्रा लहज़ातेर। दोऊ थल भत्ते मीहरे ठ्रोहका शुचि ज़रका रेंईर दंङ दोतिंङ षोह्के रंगशालो हखा रेंज़ा शिलिर।

प्रेरित 19:8

दंङ दोहपल पोलुस यहुदी सभो घरबारंङ इलजे षुमु लाह तचेक निडर शुहचे प्रचार लहज़ी लेहती, दंङ परमेश्वरो राजो पाहठी बहस लहज़ी ए समझाएक्ची लेहती।

प्रेरित 9:20

दंङ ध्वांए दमिश्क शहरो यहुदी सभो घरबारङ यीशु ऊ पाहठी प्रचार लहज़ी लेहती, कि यीशु ए परमेश्वरो योह शुह।

कुलुस्सियों 4:10

अरिस्तखुर्स अंऊ गेरंङ साते कैदी तोद, दंङ बरनबासो भंई मरकुस केतिंङ नमस्ते कुट्रातोर। अतु पाहठी केतिंङ तुहई ए कांहषी तोहई, कि अगर दुह केहतु कछंङ अपतो, ता दोरंङ रूठेरंङ साते व्यवहार लंहि,

2 तीमुथियुस 4:11

सिर्फ लूका ए गेरंङ साते तोह। अपेहल कांह अपोन मरकुसा बि केनाह रंङ साते हता, छना कुचे दुह गिऊ सेवकाई रिंङ देर गिऊ मदत लेह तरपोतो।