प्रेरित 13:3 - लाहौली बाइबिल

³ दोथर दोच़ी ब्रत ए प्रार्थना लहज़ा दंङ दोतु टोईच़ी गुड़ केह्चे दोतिंङ परमेश्वरो कम लहज़िमी थल्जी च़रतिर।

प्रेरित 13:3 Iomraidhean Croise

लूको 2:37

दुह निहज़ो पि साल बेहच़ी रंणी तोहई, दंङ यहुदी मंदिरंङ बंङज़ा ब्रत ए प्रार्थना लहज़ा मुंजे ए ञोंकोल अराधना लहज़ाते।

प्रेरित 1:24

दोऊ थल दुह भत्ते ज़ि प्रार्थना लहरिरे। दंङ दोतु बिचंङ ज़ि इदि झांह प्रार्थना लहरी, हे प्रभु, कह अच़ि भत्ते तु सेहमो पाहठी ञेंहच़ातन दि कंड्रु कि दिकुतु बिचंङ च़ि केई अंऊसंङ अंङषी तातन

प्रेरित 13:2

अंऊ मुक्का दोरे ब्रत लहज़ा प्रभु ऊ अराधना लहज़ी लेहकी तोईरे, ता पवित्र आत्माज़ि कुई, “बरनबास ए शाऊल बि दुह खास सेवा लहज़िमी थल्जी समर्पण लांही अंऊ कमो थल्जी गेह दोतिंङ बुलाएसी तातग।”

प्रेरित 13:4

झांह लेह शाऊल ए बरनबास पवित्र आत्माओ दोरच़ी च़रसी, अन्ताकिया शहरंङ च़ि सिलूकिया बंदरगाह तचेक इलिर; दंङ दोरच़ी जहाज़ंङ बंङज़ा सलमीसो हखा अच़ा इलिर अंऊ साइप्रस द्वीप बंदरगाह तोहई।

प्रेरित 14:23

दंङ दोच़ी हर इच्च़ा कलीसियाओ मीहतु थल्जी सेंहणारे ठेहराएतिर, दंङ ब्रत ए प्रार्थना लहच़ी दोतिंङ प्रभुऊ गुहड़िंङ रेह च़रति अतु टोईच़ी दोच़ी बिशवास लहरीर ताकि प्रभु दोतु ख्याल लोहतो।

प्रेरित 14:26

दंङ दोरच़ी समुन्द्री जहाज़ंङ च़ि अन्ताकिया शहरंङ वापिस अच़ा अतिर। अंऊर दोतु सफर शुरू शुह्ते। दोरकी विशवासी ज़ि दोतिंङ परमेश्वरो मोह्ड़े दाह रिंङ सौंपेगी च़रतिर, दुह कम लहज़िमी थल्जी अंऊ दोबी दोच़ी हेंतेग पूरा लाहतेर।

प्रेरित 15:40

पर विशवासी तिंङ परमेश्वरो देख-भाल रिंङ केहट्रिमी थल पोलुस सीलास बि रेंज़ा अच़ा इलि।

प्रेरित 6:6

दंङ दोतिंङ प्रेरिता तु तुईज़ी हतिर दंङ प्रेरिता ज़ि दोतु थल्जी प्रार्थना लहरिर दंङ दोतु टोईच़ी गुहड़ केह्चे सेवा लहज़िमी थल्जी अधिकार रेंईर।

प्रेरित 9:17

दोथर हनन्याह खड़े अच़ा दुह चुंङ अति दंङ शाऊला रंङ साते दोहरी दंङ दोऊ टोईच़ी एनोह गुड़ केट्रा ते कुई, “हे न्वा शाऊला, प्रभु यीशु ज़ि, अच़ि कनिंङ देर्तिंङ अपिमी मुक्का दमिशको शहरो इबिमी मुक्का अमरिंङ दर्शन रेंई, दोई ए गिह्बी चरच़तो, कि कांह यच़ाह खांई तरपोन दंङ पवित्र आत्मा रंङ साते परिपूर्ण शुहचे योंई।”

रोमियो 10:15

दंङ दिबे तुहई कि अरिया रूठे खबर सुनाएच़ा दोरे इलजे दोतिंङ कमबोतो, रूठे खबर सुनाएच़ा दोतिंङ चरच़ी ज़रूरी तोह। छना पवित्र शास्त्रारिंङ च़ेहसी तोह, कि “दोतु कोंज़ारे छि ठ्रोह रूठे तोतोरे, अंऊ रूठे गप्पो रूठे खबर सुनाएच़ातोर।”

1 तीमुथियुस 4:14

दुह वरदानो थल्जी अंऊ भविष्यवाणी ओ दोरच़ी कनिंङ कलीसिया ओ सेंहणा तु गुह्ट्र केट्रिमी मुक्का कनिंङ खोकसते, दोबि लगातार कनिंङ इस्तेमाल लेह जुंशी तोह।

1 तीमुथियुस 5:22

अतुआ टोहकठे गुह्ट्र केट्रा दोबि सेंहणा ओ थल्जी अंङे था च़रतु। अगर केई झांह लहज़ातन ता कांह दोऊ पापो थल्जी ज़िमेवार शोन। मदम गप्पो दोरच़ी केनाबि शत्‌ह तोह।

2 तीमुथियुस 1:6

झांह लेह गेह कनिंङ हिद रंड्रातग कि परमेश्वरो दुह वरदाना तिंङ यह्च़ा इस्तेमाल लोह, अपि परमेश्वरे केतिंङ रांहषी तते अपेहल गेह कांह पुंज़ा रिंङ घेंङौ गुह्ट्र केहतेग।

2 तीमुथियुस 2:2

केई गिह्बी महस मीहतु तुहई ज़ि मसीहू पाहठी खबर सिखासी तंङातेन, झांह लेह, गेह जुंज़ातग कि केई ला ऊई विशवासी तिंङ दिए खबर सिखाएतु। अंऊ विशवासो जोगे मीहरे तोतोर, दंङ अंऊ ऊईतिंङ ला दिए सिखाएच़िमी जोगे शोर।

3 यूहन्ना 1:6

दोतु बिचंङ ज़ि रेह मीहच़ी देहर कि कलीसिया ओ विशवासी तिंङ दिह कांहषी ततोर कि केई केनोह साथी विशवासी तंङ साते धिंङघा दाह लहज़ातन। दा गेह कनिंङ कुट्री तातग कि कनिंङ झांह ठ्रोह मीहतु मदत लहच़ी ज़रूरी तोह, अपेहल दोरे कांह कछंङ ज़ि अच्च़ा योर। छना कुचे परमेश्वरा बि खुशी शुहबी

3 यूहन्ना 1:8

झांह लेह दोतु केनातु चुंङ स्वागत लंहि, दंङ अंऊ लाह चीज़ो दोतिंङ ज़रूरत तोह दुह दोतिंङ रांई ताकि सच्चाई ओ थल्जी दोतु कमारिंङ हिस्सादार शुहचे योंई।