प्रेरित 13:2 - लाहौली बाइबिल

² अंऊ मुक्का दोरे ब्रत लहज़ा प्रभु ऊ अराधना लहज़ी लेहकी तोईरे, ता पवित्र आत्माज़ि कुई, “बरनबास ए शाऊल बि दुह खास सेवा लहज़िमी थल्जी समर्पण लांही अंऊ कमो थल्जी गेह दोतिंङ बुलाएसी तातग।”

प्रेरित 13:2 Iomraidhean Croise

मत्ती 17:21

(पर दिह जाति प्रार्थना ए ब्रत मेह महुंज़ी)

मत्ती 6:16

अपेहल केई ब्रत (उपबास) लोहन, दंङ मांजी सेहमो दोतु ठ्रोह मोहतिंङ केहतु उदासी शुहबी माह जूंस, छना कुचे दोरे दुखी तंङफी, ताकि मीहच़ी दोरे व्रतंङ च़ेहसी जूंस। गेह केतंङ साते हेले कुट्रतग दोच़ी एनोह ईनाम खोक्शे केहत्तोर।

मत्ती 9:38

दिऊ थल्जी परमेश्वरारंङ साते बिनती लंई अंऊ रीहऊ मालिक तोह कि दोई एनोह रीहरिंङ कम लहज़िमी थल्जी महस मीहरे च़रपोतो ताकि दोच़ी ऊई मीहतिंङ परमेश्वरो राज्यो पाहठी कमोर।”

लूको 10:1

दीह गप्पो थल प्रभु यीशुज़ि षुमु निहज़ो सा ऊई चेलार नियुक्त लहरी दंङ अंऊ इलाकंङ ए ठाहरीरिंङ यीशुज़ि ऐनाह इबिमी थल्जी बिचार लहते, दोर तिंङ ऐनाह बे तुई झुह्ट-झुह्ट चेलारे च़रतिर।

लूको 2:37

दुह निहज़ो पि साल बेहच़ी रंणी तोहई, दंङ यहुदी मंदिरंङ बंङज़ा ब्रत ए प्रार्थना लहज़ा मुंजे ए ञोंकोल अराधना लहज़ाते।

प्रेरित 10:19

पतरस अंऊ दुह दर्शन ओ टोईच़ी सोचेक्च़ी ए लेह्की तोहई, कि पवित्र आत्माज़ि दोरंङ कुई, “खंणु, षुमु मीहरे कनिंङ पेट्री लेहकी तोतोर।

प्रेरित 10:30

कुरनेलियुस ए कुई, “पी ध्याड़ा तुई दिह ए टेमा रिंङ, गेह घेंङौ चुंङ नीरो लगभग तीन बजे प्रार्थना लहज़ी लेहकी तोईग; दोहथल अचानक इच्च़ा गंङमी छंङी खमज़ेर लेहच़ा, गिऊ तुईज़ी खड़े शुहचे इलि।”

प्रेरित 13:3

दोथर दोच़ी ब्रत ए प्रार्थना लहज़ा दंङ दोतु टोईच़ी गुड़ केह्चे दोतिंङ परमेश्वरो कम लहज़िमी थल्जी च़रतिर।

प्रेरित 13:4

झांह लेह शाऊल ए बरनबास पवित्र आत्माओ दोरच़ी च़रसी, अन्ताकिया शहरंङ च़ि सिलूकिया बंदरगाह तचेक इलिर; दंङ दोरच़ी जहाज़ंङ बंङज़ा सलमीसो हखा अच़ा इलिर अंऊ साइप्रस द्वीप बंदरगाह तोहई।

प्रेरित 14:26

दंङ दोरच़ी समुन्द्री जहाज़ंङ च़ि अन्ताकिया शहरंङ वापिस अच़ा अतिर। अंऊर दोतु सफर शुरू शुह्ते। दोरकी विशवासी ज़ि दोतिंङ परमेश्वरो मोह्ड़े दाह रिंङ सौंपेगी च़रतिर, दुह कम लहज़िमी थल्जी अंऊ दोबी दोच़ी हेंतेग पूरा लाहतेर।

प्रेरित 20:28

झांह लेह केरे केनातु ध्यान तंही दंङ दुह झुण्ड़ो ला, अतु पोहाल केतिंङ पवित्र आत्मा ज़ि अंङषी ततो कि केरे परमेश्वरो मीहतु देखभाल लंहि, अपि दोई एनोह शुई रें च़ुमसी शुह।

प्रेरित 22:21

दंङ प्रभु ज़ि गिऊ हखा कुई, अच़ा इला, छना कुचे गेह कनिंङ ऊईजाति मीहतु कछंङ ओईतार-ओईतार च़रपोग।”

प्रेरित 4:36

यूसुफ मिंदंङ इच्च़ा मीह तोहई। दुह लेवी खानदानो तोहई दंङ साइप्रस टापू च़ि तोहई। प्रेरिता ज़ि दोबि बरनबास कुईर, अतु मतलब दिह शुह, इच्च़ा झांह ठ्रोह मीह, अच़ि ऊईतिंङ हिम्मत रंड्री।

प्रेरित 6:4

पर हेनर ता प्रार्थना, बचनो प्रचार दंङ शिक्षा रंड्रा लोहनी।

प्रेरित 8:29

दोथल पवित्र आत्माज़ि फिलिप्पुस रंङ साते कुई, कछंङ इलजे रथ रंङ साते जो।

प्रेरित 9:15

पर प्रभु यीशु ज़ि हनन्याह रंङ साते कुई, “काह अच्च़ा ईला; छना कुचे दुह ता ऊईजाति तु दंङ रज्ज़ातु ए इस्राएली मीहतु तुईज़ी गिऊ पाहठी प्रचार लहज़िमी थल्जी अंङषी मीह शुह।

रोमियो 1:1

गेह पोलुस दि डाक च़ेहसी लेहकी तोतोग, अंऊ यीशु मसीहू परगर शुगाह, परमेश्वरे गेह प्रेरित शुहबिमी थल्जी अंङषी शुगाह, दंङ परमेश्वरो तरफे दुह रूठे खबरो प्रचार लहज़िमी थल्जी शत्‌ह लेह च़रति।

रोमियो 10:15

दंङ दिबे तुहई कि अरिया रूठे खबर सुनाएच़ा दोरे इलजे दोतिंङ कमबोतो, रूठे खबर सुनाएच़ा दोतिंङ चरच़ी ज़रूरी तोह। छना पवित्र शास्त्रारिंङ च़ेहसी तोह, कि “दोतु कोंज़ारे छि ठ्रोह रूठे तोतोरे, अंऊ रूठे गप्पो रूठे खबर सुनाएच़ातोर।”

रोमियो 15:16

कि गेह ऊईजातितु मीहतु थल्जी इच्च़ा यहुदी पुरोहितो ठ्रोह परमेश्वरो दोरच़ी खोकसी रूठे खबरो सेवा लहज़ातग; अतिंङ ऊईजाति मीहरे पवित्र आत्माओ दोरच़ी शत्‌ह लहसी परमेश्वरो थल्जी ग्रहणो जोगे तग बणेंके योतो।

1 कुरिन्थियों 12:11

पर भत्ते वरदान इच्च़ा आत्माओ कम तोह। दोई हर इच्च़ा विशवासी बि वरदान रंड्रा छना दोई जुंज़ा।

1 कुरिन्थियों 7:5

केरे इदि-अई दिरंङ साते शत्‌ह था बंङज़ुंई; पर सिर्फ रें टेम तचेक केनातु बिचंङ सहमति रंङ साते प्रार्थना लहज़िमी थल्जी, दंङ यह्च़ा मेच़ा ए गगसो ठ्रोह केरे यह्च़ा इच्च़ा साते बंङज़ुंई; झांह शुहबी मेस कि केरे केनातु हिटी काबू लहज़ी मरछ़ी रंङ, शेताने मदम जीवन श्रींङमी थल्जी केहतु परीक्षा लोहतो।

2 कुरिन्थियों 11:27

मेहनत ए कष्ठारिंङ; घड़ी-घड़ी चेहकी बंङज़िमी; योंई ए तिस्करा रिंङ; घड़ी-घड़ी योंई बंङज़िमी थल्जी; सोईरिंङ फ्थरे बंङज़ी बे

2 कुरिन्थियों 6:5

हेंदिंङ कोड़ार बहाएक्तिर, जेलारिंङ केहच़ी च़रतिर, हेंदु टोहकठे महस भीड़े हमला लहरी। ञेंहच़ी महस मेहनत लहरिन, ञेंरे रात-रात पूरे चेहकी ए दंङ योंए बंङज़ी।

इफिसियों 3:7

परमेश्वरे गिह्बी एनोह मोह्ड़े दाह ए सामर्थो दोरच़ी रूठे खबरो सुनाएच़िमी थल्जी दोऊ सेवक बणाएक्तो।

कुलुस्सियों 4:17

दंङ अरखिप्पुस ओ हखा कुंई कि “अंऊ सेवा प्रभुरिंङ कनिंङ रांहषी तोह, दोबि रूठे रंङ साते पुरे लोह।”

1 तीमुथियुस 2:7

दिए वहज़ा ज़ि रूठे खबरो प्रचार ए प्रेरितो रूपारिंङ ऊईजाति तिंङ विशवास ए सच्चाई ऊ शिक्षा रंड्रीमी थल्जी गेह अंङषी शुगाह, गेह हप्सी माह कुट्रातग, पर हेले कुट्रातग।

2 तीमुथियुस 1:11

परमेश्वर गिह्बी दि रूठे खबरो प्रचारो लहज़िमी थल्जी, प्रेरित बणेक्पिमी थल्जी दंङ गेह ऊई जातिऊ मीहतिंङ उपदेश रंड्रीमी थल्जी अंङे चरच़तो।

2 तीमुथियुस 2:2

केई गिह्बी महस मीहतु तुहई ज़ि मसीहू पाहठी खबर सिखासी तंङातेन, झांह लेह, गेह जुंज़ातग कि केई ला ऊई विशवासी तिंङ दिए खबर सिखाएतु। अंऊ विशवासो जोगे मीहरे तोतोर, दंङ अंऊ ऊईतिंङ ला दिए सिखाएच़िमी जोगे शोर।

2 तीमुथियुस 4:11

सिर्फ लूका ए गेरंङ साते तोह। अपेहल कांह अपोन मरकुसा बि केनाह रंङ साते हता, छना कुचे दुह गिऊ सेवकाई रिंङ देर गिऊ मदत लेह तरपोतो।

2 तीमुथियुस 4:5

पर कांह भत्ते गप्पातिंङ खबरदार बंङज़ु, धीरज़ारंङ दुख सहन लोह दंङ रूठे खबरो प्रचार लोहवा लोह दंङ प्रभु सेवक शुहबिमी रंङ साते केनोह ज़िम्मेवारी पूरा लोह अंऊ प्रभु ज़ि कनिंङ रांहषी ततो।

इब्रानियों 5:4

अरिला मीह एनेह मोह्ड़े पुरोहित शुहबिमी आदर लेहपच़ी मरच़ि। छना ठ्रोह परमेश्वरे तुहई हारूना बि मोह्ड़े पुरोहितो रूपा रिंङ बुलाकाते ए अंङे च़रते, ध्वांए ठ्रोह दोई मोह्ड़े पुरोहित बुलाचा ए अंङे च़रच़ा।